វៀតណាម និងអាស៊ានពិភាក្សាអំពីការជំនះពុះពារផលវិបាកដោយសារគ្រោះរញ្ជួយដីនៅមីយ៉ាន់ម៉ា និងថៃ

នៅក្នុងកិច្ចប្រជុំ លោក Do Hung Viet អនុរដ្ឋមន្ត្រីក្រសួងការបរទេសវៀតណាម បានអះអាងថា វៀតណាមនឹងប្រកៀកស្មាជាមួយមីយ៉ាន់ម៉ា និងថៃ ដើម្បីជំនះពុះពារលើការលំបាកនាពេលបច្ចុប្បន្ន។ លោកអនុរដ្ឋមន្ត្រីក៏បានអំពាវនាវឱ្យភាគីទាំងអស់ក្នុងប្រទេសមីយ៉ាន់ម៉ា មានការទទួលខុសត្រូវដើម្បីធានាថារាល់ជំនួយមនុស្សធម៌ទាំងអស់ទទួលបានសុវត្ថិភាព គ្មានការរារាំង និងទៅដល់ប្រជាពលរដ្ឋដែលរងផលប៉ះពាល់ទាំងអស់។

លោក Do Hung Viet អនុរដ្ឋមន្ត្រីក្រសួងការបរទេស ចូលរួមកិច្ចប្រជុំ (រូបថត៖ ក្រសួងការបរទេស)

ចំពោះអាស៊ាន លោកអនុរដ្ឋមន្ត្រីបានសង្កត់ធ្ងន់ថា សមាគមចាំបាច់ត្រូវបញ្ជាក់ពីតួនាទីជាមជ្ឈភាពរបស់ខ្លួនក្នុងការសម្របសម្រួលកិច្ចខិតខំប្រឹងប្រែងពិសេសក្នុងគ្រាមានអាសន្ន។ អាស្រ័យហេតុនេះ អាស៊ានចាំបាច់ត្រូវជំរុញ និងប្រើប្រាស់យន្តការ និងឧបករណ៍ដែលមានស្រាប់ ប្រកបដោយប្រសិទ្ធភាព ដើម្បីប្រមូលផ្តុំ និងសម្របសម្រួលធនធានប្រកបដោយប្រសិទ្ធភាព រួមទាំងធនធានរបស់អាស៊ាន និងដៃគូផងដែរ ដោយហេតុនោះ គាំទ្រដល់ការជំនះពុះពារ និងស្តារឡើងវិញក្រោយគ្រោះមហន្តរាយ។ អាស៊ានក៏ត្រូវបន្តសម្របសម្រួលយ៉ាងជិតស្និទ្ធជាមួយមីយ៉ាន់ម៉ា ដើម្បីបង្កើតផែនការស្តារ និងកសាងឡើងវិញរយៈពេលវែង៕

បកប្រែដោយ Huyen Trang