ក្រសួងការពារប្រទេសប្រគល់ភារកិច្ចដល់កម្លាំងកងទ័ពដែលចូលរួមជួយសង្គ្រោះគ្រោះរញ្ជួយដីនៅមីយ៉ាន់ម៉ា

លោកនាយឧត្តមសេនីយ៍ Nguyen Tan Cuong ថ្លែងនៅក្នុងកិច្ចប្រជុំ

អនុវត្តបាវចនាគោលនយោបាយការបរទេសរបស់បក្ស វៀតណាមតែងតែត្រៀមខ្លួនជាមិត្ត ជាដៃគូដែលអាចទុកចិត្តបាន និងជាសមាជិកមានទំនួលខុសត្រូវនៃសហគមន៍អន្តរជាតិ បន្ទាប់ពីទទួលបានព័ត៌មានអំពីការរញ្ជួយដីនៅប្រទេសមីយ៉ាន់ម៉ា គណៈកម្មាធិការបក្សយោធាមជ្ឈិម និងក្រសួងការពារប្រទេសបានធ្វើសេនាធិការដល់គណៈកម្មាធិការអចិន្ត្រៃយ៍នៃលេខាធិការដ្ឋាន និងនាយករដ្ឋមន្ត្រី ចាត់តាំងកម្លាំងនៃកងទ័ពប្រជាជនវៀតណាមទៅជួយសង្គ្រោះ ក្រោយគ្រេាះរញ្ជួយដីនៅក្នុងប្រទេសមិត្ត។ នាថ្ងៃទី ២៩ មិនា ក្រសួងការពារប្រទេសបានដឹកនាំនាយកដ្ឋានជួយសង្គ្រោះ (អគ្គសេនាធិការដ្ឋានកងទ័ពប្រជាជនវៀតណាម) ធ្វើជាអធិបតី និងសម្របសម្រួលជាមួយនាយកដ្ឋានកិច្ចការបរទេស អគ្គនាយកដ្ឋានភស្តុភារ និងបច្ចេកទេស កងវិស្វកម្ម បញ្ជាការដ្ឋានកងទ័ពការពារព្រំដែន និងអង្គភាពមុខងារ រៀបចំផែនការ និងរៀបចំបង្កើតកម្លាំងចូលរួមក្នុងការជួយមនុស្សធម៌ និងជួយសង្គ្រោះរបស់កងទ័ពប្រជាជនវៀតណាមនៅមីយ៉ាន់ម៉ា រួមមានយោធិនចំនួន ៨០ នាក់។

ប្រតិភូចូលរួមកិច្ចប្រជុំ

ថ្លែងមតិក្នុងកិច្ចប្រជុំ លោកនាយឧត្តមសេនីយ៍ Nguyen Tan Cuong បានចាត់ទុកថា ការចាត់តាំងកងកម្លាំងចូលរួមក្នុងការជួយមនុស្សធម៌ និងជួយសង្គ្រោះគ្រោះមហន្តរាយនៅប្រទេសមិត្ត បង្ហាញពីគោលនយោបាយការបរទេសអាទិភាព និងការទទួលខុសត្រូវខ្ពស់របស់បក្ស រដ្ឋ និងប្រជាជនវៀតណាមចំពោះសហគមន៍អន្តរជាតិ; ទន្ទឹមនឹងនោះ បង្ហាញ និងអះអាងនូវកិត្យានុភាព ស្មារតីទទួលខុសត្រូវ និងសមត្ថភាពរបស់កងទ័ពប្រជាជនវៀតណាមក្នុងទំនាក់ទំនង និងកិច្ចសហប្រតិបត្តិការអន្តរជាតិ៕

កងកម្លាំងដែលចូលរួមក្នុងការជួយសង្គ្រោះគ្រោះរញ្ជួយដីនៅប្រទេសមីយ៉ាន់ម៉ា

ក្រុមពេទ្យយោធាចូលរួមជំនះពុះពារផលវិបាកដោយសារការរញ្ជួយដីនៅមីយ៉ាន់ម៉ា

កម្លាំងកងទ័ពការពារព្រំដែនចូលរួមជំនះពុះពារផលវិបាកដោយសារការរញ្ជួយដីនៅមីយ៉ាន់ម៉ា

លោកនាយឧត្តមសេនីយ៍ Nguyen Tan Cuong លើកទឹកចិត្តកងកម្លាំងត្រៀមចេញដំណើរទៅបំពេញបេសកកម្មជួយសង្គ្រោះគ្រោះរញ្ជួយដីនៅមីយ៉ាន់ម៉ា

លោកនាយឧត្តមសេនីយ៍ Nguyen Tan Cuong និងប្រតិភូ ថតរូបទុកជាអនុស្សាវរីយ៍ជាមួយកងកម្លាំងត្រៀមចេញទៅជួយសង្គ្រោះគ្រោះរញ្ជួយដីនៅមីយ៉ាន់ម៉ា

កងកម្លាំងត្រៀមចេញទៅជួយសង្គ្រោះគ្រោះរញ្ជួយដីនៅមីយ៉ាន់ម៉ា ធ្វើដំណើរទៅកាន់អាកាសយានដ្ឋាន Noi Bai

បកប្រែដោយ Huyen Trang