ពិភាក្សាអំពីការត្រៀមរៀបចំសម្រាប់កិច្ចប្រជុំកំពូល និងកិច្ចប្រជុំពាក់ព័ន្ធរបស់អាស៊ាននៅប្រទេសឡាវ

កិច្ចប្រជុំទាំងនេះផ្តោតសំខាន់លើការរៀបចំសម្រាប់កិច្ចប្រជុំកំពូលអាស៊ានលើកទី ៤៤ និង ៤៥ និងកិច្ចប្រជុំកំពូលពាក់ព័ន្ធដែលនឹងប្រព្រឹត្តទៅចាប់ពីថ្ងៃទី ៨ ដល់ថ្ងៃទី ១១ ខែតុលានៅរដ្ឋធានីវៀងចន្ទន៍។

យោងតាមផែនការ ក្នុងក្របខ័ណ្ឌនៃកិច្ចប្រជុំជាន់ខ្ពស់នឹងមានសកម្មភាពជាង ២០ ដែលបានរៀបចំនៅមជ្ឈមណ្ឌលសន្និសីទជាតិនៃប្រទេសឡាវ ដោយមានការចូលរួមពីថ្នាក់ដឹកនាំនៃប្រទេសអាស៊ាន និងដៃគូ រួមទាំងតំណាងអង្គការអន្តរជាតិ និងតំបន់ជាច្រើនផងដែរ។

ប្រធានគណៈប្រតិភូអាស៊ានចូលរួមកិច្ចប្រជុំ (រូបថត៖ ក្រសួងការបរទេស)

នេះជាឱកាសសម្រាប់ថ្នាក់ដឹកនាំនៃបណ្ដាប្រទេសអាស៊ាន និងដៃគូនានាផ្លាស់ប្តូរ និងដាក់ចេញរសម្រេចចិត្តជាយុទ្ធសាស្ត្រ ដើម្បីពង្រឹងដំណើរការកសាងសហគមន៍ លើកកម្ពស់ទំនាក់ទំនងរវាងអាស៊ាន និងដៃគូនានា ក៏ដូចជាពិភាក្សាលើបញ្ហាជាច្រើននៅក្នុងតំបន់ និងពិភពលោក។ តាមការគ្រោងទុក ឯកសារប្រហែល ៨០ នឹងត្រូវបានថ្នាក់ដឹកនាំអាស៊ានអនុម័តក្នុងឱកាសនេះ។

បណ្តាប្រទេស បានវាយតម្លៃខ្ពស់ចំពោះការត្រៀមរៀបចំ និងការសម្របសម្រួលរបស់ឡាវ ទោះបីជាចំនួនការងារយ៉ាងច្រើនទាំងការរៀបចំ និងខ្លឹមសារ ព្រមទាំងបញ្ជាក់ថា នឹងសហការយ៉ាងជិតស្និទ្ធជាមួយឡាវ ដើម្បីធានាឱ្យកិច្ចប្រជុំប្រព្រឹត្តទៅដោយជោគជ័យ និងប្រកបដោយប្រសិទ្ធភាព៕

បកប្រែដោយ Pham Diep