ថ្លែងមតិនៅទីនេះ លោក Tran Luu Quang ប្រធានគណៈកម្មការសេដ្ឋកិច្ចមជ្ឈិម ឧបនាយករដ្ឋមន្ត្រីវៀតណាម បានសង្កត់ធ្ងន់ថា នេះគឺជាទិសដៅមានលក្ខណៈទម្លុះទម្លាយ ក្នុងបរិបទដែលការផ្លាស់ប្តូរថាមពល ត្រូវផ្តោតការយកចិត្តទុកដាក់លើការលើកកម្ពស់សក្តានុពល និងគុណសម្បត្តិនៃផ្នែកនេះ ដើម្បីអភិវឌ្ឍន៍ថាមពលកកើតឡើងវិញ និងថាមពលថ្មី ធានានូវការអភិវឌ្ឍផ្នែកប្រេងឧស្ម័នប្រកបដោយនិរន្តរភាព និងទំនើប ដោយផ្សារភ្ជាប់នឹងការពន្លឿនការធ្វើបរិវត្តកម្មបៃតង និងឌីជីថល ការអភិវឌ្ឍឧស្សាហកម្មកែច្នៃ និងផលិតកម្មទំនើប ក្នុងទិសដៅលើកកំពស់ភាពម្ចាស់ការ ភាពខ្លួនទីពឹងខ្លួន បង្កើនអត្រានៃការធ្វើមូលដ្ឋានីយកម្មផងដែរ។

leftcenterrightdel
ស្ថានីយ៍ខួងនៅឯអណ្ដូងប្រេង Bach Ho (រូបថត៖ vnanet.vn)

លោក Tran Luu Quang បានស្នើឲ្យផ្នែកប្រេងឧស្ម័នផ្តោតសំខាន់លើការទាក់ទាញ និងលើកទឹកចិត្តការវិនិយោគពីសមាសភាគសេដ្ឋកិច្ចមិនមែនរដ្ឋ និងស្ថាប័នហិរញ្ញវត្ថុអន្តរជាតិ; ការអនុវត្តសមិទ្ធិផលវិទ្យាសាស្ត្រ និងបច្ចេកទេសជឿនលឿន; ការអភិវឌ្ឍប្រព័ន្ធហេដ្ឋារចនាសម្ព័ន្ធ ជាពិសេសហេដ្ឋារចនាសម្ព័ន្ធឌីជីថល និងការធ្វើបរិវត្តកម្មឌីជីថល; ជំរុញការអភិវឌ្ឍធនធានមនុស្សប្រកបដោយគុណភាពខ្ពស់ដោយផ្សារភ្ជាប់នឹងគោលនយោបាយទាក់ទាញអ្នកមានទេពកោសល្យ ការបណ្តុះបណ្តាលជំនាញ ដើម្បីបំពេញតាមតម្រូវការ និងស្តង់ដារអន្តរជាតិ ដើម្បីអភិវឌ្ឍន៍ផ្នែកប្រេងឧស្ម័នក្នុងបរិបទនៃសមាហរណកម្មសេដ្ឋកិច្ចអន្តរជាតិកាន់តែទូលំទូលាយ៕

តាម vovworld.vn