អាស៊ានធ្វើកំណែទម្រង់ប្រព័ន្ធពន្ធរួម
កប.អនឡាញ - តំណាងប្រទេសជាសមាជិកអាស៊ានកំពុងជួបប្រជុំនៅរដ្ឋធានីវៀងចន្ទន៍ នៃប្រទេសឡាវ ក្នុងក្របខ័ណ្ឌនៃកិច្ចប្រជុំលើកទី១៨ នៃក្រុមការងារស្តីពីវេទិកាពន្ធអាស៊ាន និងកិច្ចប្រជុំលើកទី១៥ នៃអនុវេទិកាអាស៊ានស្តីពីពន្ធលើការប្រើប្រាស់ពិសេស ដែលប្រព្រឹត្តទៅចាប់ពីថ្ងៃទី២០ ដល់ថ្ងៃទី២២ ខែមីនា។
ទូរទស្សន៍ជាតិឡាវបានឲ្យដឹងថា រដ្ឋាភិបាលឡាវកំពុងធ្វើការជាមួយបណ្តាប្រទេសអាស៊ានដើម្បីកែលម្អប្រព័ន្ធប្រមូលពន្ធដើម្បីធានាឱ្យមានសមាហរណកម្មកាន់តែប្រសើរឡើង និងកាត់បន្ថយពន្ធ។ កិច្ចប្រជុំនឹងពិភាក្សាអំពីការបញ្ចប់កិច្ចព្រមព្រៀងស្តីពីការជៀសវាងការយកពន្ធត្រួតគ្នាររវាងប្រទេសសមាជិកអាស៊ាន ដែលជាផ្នែកមួយនៃបណ្តាញសន្ធិសញ្ញាពន្ធទ្វេភាគីដែលកំពុងប្រព្រឹត្តទៅ និងផែនការសកម្មភាពសម្រាប់ការអនុវត្តការកាត់បន្ថយពន្ធល្អបំផុត រួមទាំងការផ្លាស់ប្តូរទៅកាន់ការគ្រប់គ្រងពន្ធនាពេលអនាគតតាមរយៈការធ្វើបរិវត្តកម្មឌីជីថល។ ប្រតិភូក៏នឹងពិភាក្សាអំពីការអនុវត្តដំណោះស្រាយឌីជីថលក្នុងការគ្រប់គ្រងពន្ធលើការប្រើប្រាស់ពិសេសផងដែរ។
បកប្រែដោយ Duy Hoan