នៅឃុំ Tham Don ស្រុក My Xuyen អាស្រ័យដោយអនុវត្តគោលនយោបាយព្រមៗគ្នាជាច្រើន បានជួយឃុំ Tham Don សម្រេចគោលដៅជនបទថ្មីកម្រិតខ្ពស់។ ពីមុនជាភូមិក្រីក្រនៃឃុំ Tham Don ប៉ុន្តែឥឡូវនេះ ភូមិ Bung Chum, So La លេខ ១, So La លេខ ២, Tra Bet... បានប្រែរូបរាងថ្មី។ ពីមជ្ឈមណ្ឌលកណ្តាលនៃឃុំរហូតដល់ភូមិនានាភាពធំទូលាយនៃផ្ទះ សាលារៀន និងវត្តអារាមខ្មែរ ធ្វើឱ្យភូមិឃុំមានភាពត្រចះត្រចង់។ អញ្ជើញមកទស្សនាភូមិ Tra Bet យើងខ្ញុំបានទៅសួរសុខទុក្ខគ្រួសារលោក Son Hang ដែលជាគ្រួសារខ្មែរគំរូនៃការខិតខំប្រឹងប្រែង និងទទួលបានជោគជ័យក្នុងការកសាងទម្រង់ចិញ្ចឹមគោយកទឹកដោះ ដែលនាំមកនូវប្រសិទ្ធភាពសេដ្ឋកិច្ចខ្ពស់។

leftcenterrightdel
លោក Son Hang ថែទាំហ្វូងគោរយកទឹកដោះរបស់គ្រួសារ

ក្រោយពីលំបាកវេទនា ជីវភាពរស់នៅរបស់គ្រួសារគាត់ឥឡូវបានប្រសើរឡើង ដោយរកចំណូលបានជាង ៣០០ លានដុងក្នុងមួយឆ្នាំពីការចិញ្ចឹមគោយកទឹកដោះ។ លោក Son Hang បានបន្ថែមថា៖ "ពីមុន គ្រួសារខ្ញុំជួបការលំបាកណាស់។ អាស្រ័យដោយមានការជួយឧបត្ថម្ភពីធនាគារគោលនយោបាយសង្គម ក្នុងការផ្តល់កម្ចីអនុគ្រោះ ដើម្បីអភិវឌ្ឍការចិញ្ចឹមសត្វ ឥឡូវនេះ ជីវភាពរស់នៅមិនសូវលំបាកទេ។ អាស្រ័យដោយមានការយកចិត្តទុកដាក់ និងការលើកទឹកចិត្តពីបក្ស រដ្ឋ ជនរួមជាតិខ្មែរខិតខំប្រឡងប្រណាំង បង្កបង្កើនផលកសាងគ្រួសារសម្បូរធូធារ និងរីកចម្រើន រួមចំណែកដល់ការអភិវឌ្ឍសេដ្ឋកិច្ចសង្គមក្នុងមូលដ្ឋាន"។ ដោយការអនុវត្តកម្មវិធីលេខ១៧១៩ ចាប់ពីឆ្នាំ ២០២១ មកទល់បច្ចុប្បន្ននេះ ខេត្ត Soc Trang បានជួយឧបត្ថម្ភការផ្លាស់ប្តូរមុខរបរដល់គ្រួសារចំនួន ៤,៦០៧ ជាមួយនឹងទម្រង់អភិវឌ្ឍន៍ផលិតកម្មចំនួន ៦៧ រួមចំណែកក្នុងការធ្វើពិពិធកម្មប្រកបរបរចិញ្ចឹមជីវិតសហគមន៍ និងការកាត់បន្ថយភាពក្រីក្រប្រកបដោយចីរភាព; ឧបត្ថម្ភទឹកស្អាតប្រើប្រាស់ជូនប្រជាជនដែលរស់នៅរាយប៉ាយចំនួន ១,២២៣ គ្រួសារ កសាងសំណង់ទឹកកណ្តាលចំនួន ៤; អនុវត្តគម្រោងសាងសង់ចំនួន ១១៣ គម្រោង ក្នុងនោះមានគម្រោងផ្លូវជនបទចំនួន ៨១ គម្រោង ស្ពានចរាចរណ៍ជនបទចំនួន ២១។ល។ ក្នុងឆ្នាំ ២០២៤ នេះ ខេត្ត Soc Trang ប្តេជ្ញាចិត្តជួយឧបត្ថម្ភលំនៅដ្ឋានដល់គ្រួសារជនជាតិភាគតិចក្រីក្រចំនួន ៨៣៤ គ្រួសារ; គ្រួសារក្រីក្រជនជាតិ Kinh ដែលរស់នៅក្នុងឃុំ និងភូមិជួបការលំបាកខ្លាំងនៅតំបន់ជនជាតិភាគតិចមិនមានផ្ទះសម្បែង ឬផ្ទះទ្រុឌទ្រោមនៅតាមស្រុកនានាដូចជា៖ Thanh Tri, Chau Thanh, Ke Sach, Long Phu, Tran De។ល។

ជួបសំណេះសំណាលជាមួយយើងខ្ញុំ លោកស្រី Huynh Thi Diem Ngoc អនុប្រធានគណៈកម្មាធិការប្រជាជនខេត្ត Soc Trang បានឲ្យដឹងថា៖ "ការចូលរួមនៃប្រព័ន្ធនយោបាយទាំងមូល និងការខិតខំប្រឹងប្រែងរបស់ជនរួមជាតិភាគតិចបានរួមចំណែកលើកកម្ពស់ប្រសិទ្ធភាពកម្មវិធីលេខ ១៧១៩ នៅខេត្ត Soc Trang។ អាស្រ័យហេតុនេះ នៅចុងឆ្នាំ ២០២៣ ខេត្ត Soc Trang មានតែគ្រួសារក្រីក្រចំនួន ៨,៥២១ គ្រួសារ (ស្មើនឹង ២.៥%) កាត់បន្ថយចំនួនជាង ៦,៦០០ គ្រួសារ"៕

បកប្រែដោយ Huyen Trang