រៀបចំតំបន់តាំងពិព័រណ៌សមិទ្ធផលនៃការកសាងកម្លាំងប្រដាប់អាវុធ
កប.អនឡាញ - រដ្ឋមន្ត្រីក្រសួងការពារប្រទេសវៀតណាម ទើបនឹងអនុម័តលើផែនការរៀបចំតំបន់តាំងពិព័រណ៌សមិទ្ធិផលនៃការកសាងកងកម្លាំងប្រដាប់អាវុធប្រជាជន ការកសាងខឿនការពារជាតិដោយប្រជាជនទាំងមូល ក្នុងឱកាសរំលឹកខួបលើកទី ៨០ នៃការបង្កើតកងទ័ពប្រជាជនវៀតណាម (ថ្ងៃទី ២២ ខែធ្នូ ឆ្នាំ២០១៩ /ថ្ងៃទី ២២ ខែធ្នូ ឆ្នាំ ២០២៤) និង ៣៥ ឆ្នាំ នៃទិវាការពារជាតិដោយប្រជាជនទាំងមូល (ថ្ងៃទី ២២ ខែធ្នូ ឆ្នាំ ១៩៨៩ / ថ្ងៃទី ២២ ខែធ្នូ ឆ្នាំ ២០២៤)។
ផែនការនេះត្រូវរៀបចំឡើងដោយនាយកដ្ឋានសេដ្ឋកិច្ច (ក្រសួងការពារប្រទេស) ក្នុងគោលបំណងផ្សព្វផ្សាយយ៉ាងទូលំទូលាយអំពីប្រពៃណី ៨០ ឆ្នាំនៃការកសាង ការប្រយុទ្ធ និងការរីកលូតលាស់នៃកងទ័ពប្រជាជនវៀតណាម និងខួបលើកទី ៣៥ នៃទិវាការពារជាតិដោយប្រជាជនទាំងមូល លើកតម្កើងរូបភាពកងទ័ពលើកអ៊ំហូ ហើយបញ្ជាក់ថា ដំណើរការកសាងខឿនការពារជាតិដោយប្រជាជនទាំងមូលគឺជាបុព្វហេតុបដិវត្តន៍របស់បក្សទាំងមូល ប្រជាជនទាំងមូល កងទ័ពទាំងមូល និងប្រព័ន្ធនយោបាយទាំងមូល។ ទន្ទឹមនឹងនោះ ជំរុញ និងផ្សព្វផ្សាយមោទនភាពជាតិ លើកកម្ពស់ការយល់ដឹង និងការទទួលខុសត្រូវរបស់កម្មាភិបាល យុទ្ធជន និងប្រជាជន ក្នុងការចូលរួមកសាងខឿនការពារជាតិដោយប្រជាជនទាំងមូល និងកសាងកម្លាំងប្រដាប់អាវុធប្រជាជនឱ្យរឹងមាំ ការពារមាតុភូមិវៀតណាមសង្គមនិយមរឹងមាំ។
គណៈកម្មការរៀបចំនឹងដាក់ពង្រាយការតាំងពិពរណ៍ចាប់ពីថ្ងៃទី ១៩ ដល់ថ្ងៃទី ២២ ខែធ្នូ ឆ្នាំ ២០២៤ រួមជាមួយនឹងការតាំងពិពណ៌ការពារអន្តរជាតិវៀតណាមឆ្នាំ ២០២៤ នៅអាកាសយានដ្ឋាន Gia Lam (Long Bien ទីក្រុងហាណូយ) និងរៀបចំការតាំងពិពណ៌តាមអ៊ីនធឺណិតតាមគេហទំព័រ៖ www.videx.vn។
បកប្រែដោយ Duy Hoan