ជំនួបប្រាស្រ័យមិត្តភាពការពារជាតិព្រំដែនវៀតណាម-ចិន លើកទី១០ បានបន្សល់ទុកនូវចំណាប់អារម្មណ៍វិជ្ជមានជាច្រើន

លោកឧត្តមសេនីយ៍ឯក Nguyen Truong Thang សមាជិកគណៈកម្មាធិការមជ្ឈិមបក្សកុម្មុយនិស្តវៀតណាម និងជាអនុរដ្ឋមន្ត្រីក្រសួងការពារប្រទេស អញ្ជើញជាអធិបតីក្នុងកិច្ចប្រជុំនេះ។ តំណាងមកពីស្ថាប័ន និងអង្គភាពពាក់ព័ន្ធក៏អញ្ជើញចូលរួមផងដែរ។

លោកឧត្តមសេនីយ៍ឯក Nguyen Truong Thang មានប្រសាសន៍នៅក្នុងកិច្ចប្រជុំ

មានប្រសាសន៍នៅក្នុងកិច្ចប្រជុំ លោកឧត្តមសេនីយ៍ឯក Nguyen Truong Thang បានបញ្ជាក់ថា ជំនួបប្រាស្រ័យមិត្តភាពការពារជាតិព្រំដែនវៀតណាម-ចិន លើកទី១០ ទទួលបានជោគជ័យដ៏ធំធេង បន្សល់ទុកនូវចំណាប់អារម្មណ៍វិជ្ជមានជាច្រើន។

ជំនួបប្រាស្រ័យមិត្តភាពនេះគឺជាការបន្តដ៏មានអត្ថន័យនៃកិច្ចប្រជុំលើកដំបូងនៃយន្តការសន្ទនាយុទ្ធសាស្ត្រថ្នាក់រដ្ឋមន្ត្រីការបរទេស ការពារជាតិ នគរបាល វៀតណាម-ចិន ដែលបានធ្វើឡើងនៅប្រទេសវៀតណាម។ វាបង្ហាញពីតួនាទីសកម្ម របស់ក្រសួងការពារជាតិទាំងពីរក្នុងការអនុវត្តសេចក្តីសម្រេចរួមគ្នារបស់បក្សទាំងពីរ និងខ្លឹមសារនៃកិច្ចសហប្រតិបត្តិការរបស់ក្រសួងការពារជាតិទាំងពីរ។

ប្រតិភូអញ្ជើញចូលរួម​កិច្ចប្រជុំ​

ក្នុងនាមគណៈកម្មាធិការបក្សយោធាមជ្ឈិម ក្រសួងការពារប្រទេស លោកឧត្តមសេនីយ៍ឯក Nguyen Truong Thang បានទទួលស្គាល់ និងកោតសរសើរចំពោះកិច្ចខិតខំប្រឹងប្រែងរបស់ស្ថាប័ន អង្គភាព និងមូលដ្ឋាននានា ដែលបានចូលរួមយ៉ាងសកម្មក្នុងការរៀបចំ ការអនុវត្តផែនការ និងការរៀបចំជំនួបប្រាស្រ័យនេះដោយស្មារតីទទួលខុសត្រូវខ្ពស់។

ក្នុងរយៈពេល ១២ ឆ្នាំ ជាមួយការរៀបចំចំនួន ១០ លើកនោះ  ជំនួបប្រាស្រ័យមិត្តភាពការពារជាតិព្រំដែនវៀតណាម-ចិន បានក្លាយជាគំរូឆ្នើមមួយនៃកិច្ចសហប្រតិបត្តិការការពារព្រំដែន ដែលជាព្រឹត្តិការណ៍នយោបាយ និងការទូតដ៏សំខាន់មួយដែលមានអត្ថន័យលេចធ្លោ រួមចំណែកដល់ការជំរុញកិច្ចសហប្រតិបត្តិការ និងមិត្តភាពរវាងវៀតណាម និងចិន។ តាមរយៈការរៀបចំនីមួយៗ ជំនួបប្រាស្រ័យមិត្តភាពនេះបានអភិវឌ្ឍលើគ្រប់ជ្រុងជ្រោយ រួមចំណែកយ៉ាងពិតក្នុងការកសាងព្រំដែនសន្តិភាព មិត្តភាព សហប្រតិបត្តិការ និងអភិវឌ្ឍ បង្កើតលក្ខខណ្ឌអំណោយផលដើម្បីលើកកម្ពស់ការអភិវឌ្ឍសេដ្ឋកិច្ច និងពាណិជ្ជកម្មរវាងប្រទេសទាំងពីរ។

លោកឧត្តមសេនីយ៍ឯក Nguyen Truong Thang ប្រគល់ប័ណ្ណសរសើរពីរដ្ឋមន្ត្រីក្រសួងការពារប្រទេសជូនអង្គភាពដែលសម្រេចបានលទ្ធផលល្អនៅក្នុងជំនួបប្រាស្រ័យមិត្តភាព

លោកឧត្តមសេនីយ៍ឯក Nguyen Truong Thang ប្រគល់ប័ណ្ណសរសើរពីរដ្ឋមន្ត្រីក្រសួងការពារប្រទេសជូនបុគ្គលដែលសម្រេចបានលទ្ធផលល្អនៅក្នុងជំនួបប្រាស្រ័យមិត្តភាព

ក្នុងឱកាសនេះ គណៈកម្មការរៀបចំបានប្រកាសសេចក្តី​សម្រេចចិត្តលើកសរសើរពីក្រសួងការពារប្រទេស អគ្គស្នងការដ្ឋាននយោបាយ និងអគ្គសេនាធិការដ្ឋានជូនអង្គភាព និងបុគ្គលដែលសម្រេចបានលទ្ធផលល្អក្នុងការរៀបចំ និងការចូលរួមក្នុងជំនួបប្រាស្រ័យមិត្តភាពការពារជាតិព្រំដែនវៀតណាម-ចិន លើកទី១០។

នៅក្នុងកិច្ចប្រជុំនេះ លោកឧត្តមសេនីយ៍ Nguyen Truong Thang ប្រគល់ប័ណ្ណសរសើរពីរដ្ឋមន្ត្រីក្រសួងការពារប្រទេសជូនអង្គភាព និងបុគ្គលមួយចំនួបដែលសម្រេចបានលទ្ធផលល្អ។

កាសែតកងទ័ពប្រជាជនមានកិត្តិយសដែលមានអង្គភាពចំនួន ១ និងបុគ្គល ២ នាក់ទទួលបានប័ណ្ណសរសើរពីរដ្ឋមន្ត្រីក្រសួងការពារប្រទេស។ ហើយអង្គភាពចំនួន ១ និងបុគ្គល ២ នាក់ទទួលបានប័ណ្ណសរសើរពីប្រធានអគ្គស្នងការនយោបាយ៕

បកប្រែដោយ Duy Hoan