ពិធីលៀងសាយភោជន៍អបអរសាទរជោគជ័យនៃមហាសន្និបាតលើកទី៩ នៃបក្សពលករកូរ៉េខាងជើង

អញ្ជើញចូលរួមពិធីនេះរួមមានលោក Le Hoai Trung សមាជិកការិយាល័យនយោបាយ និងជារដ្ឋមន្ត្រីក្រសួងការបរទេស។ តំណាងក្រសួងការពារប្រទេស លោកឧត្តមសេនីយ៍ឯក Le Quang Minh អនុប្រធានអង្គស្នងការនយោបាយ អញ្ជើញចូលរួមក្នុងពិធី។

លោក Le Hoai Trung រដ្ឋមន្ត្រីក្រសួងការបរទេស មានប្រសាសន៍នៅក្នុងពិធីនេះ

លោកឯកអគ្គរដ្ឋទូត Ri Sung Guk មានប្រសាសន៍នៅក្នុងពិធី

មានប្រសាសន៍នៅក្នុងពិធីនេះ លោក Le Hoai Trung រដ្ឋមន្ត្រីក្រសួងការបរទេស បានពាំនាំនូវការអបអរសាទររបស់បក្ស រដ្ឋាភិបាល និងប្រជាជនវៀតណាម ជូនដល់បក្ស រដ្ឋាភិបាល និងប្រជាជនកូរ៉េខាងជើង ចំពោះការរៀបចំមហាសន្និបាត លើកទី៩ នៃបក្សពលករកូរ៉េខាងជើងដោយជោគជ័យ។ លោក Le Hoai Trung ជឿជាក់ថា ក្រោមការដឹកនាំរបស់បក្សពលករកូរ៉េខាងជើងដែលដឹកនាំដោយលោក គីម ជុងអ៊ុន អគ្គលេខាបក្ស និងជាប្រធានក្រុមប្រឹក្សារដ្ឋ ប្រជាជនកូរ៉េខាងជើងនឹងសម្រេចបាននូវគោលដៅយុទ្ធសាស្ត្រនៃមហាសន្និបាតបក្សលើកទី៩ បន្តអភិវឌ្ឍប្រទេសជាតិឲ្យរីកចម្រើន និងលើកកម្ពស់ជីវភាពរស់នៅរបស់ប្រជាជន។

ប្រតិភូអញ្ជើញ​ទស្សនាពិព័រណរូបថត

លោក Le Hoai Trung បានបញ្ជាក់ថា នៅក្នុងគោលនយោបាយការបរទេសរបស់ខ្លួន វៀតណាមតែងតែឲ្យតម្លៃចំពោះទំនាក់ទំនងជាមួយប្រទេសជាមិត្តប្រពៃណីដែលមានឧត្តមគតិសង្គមនិយមដូចគ្នា រួមទាំងកូរ៉េខាងជើងផងដែរ។ ហើយជឿជាក់ថា ដោយផ្អែកលើទំនាក់ទំនងមិត្តភាពជាប្រពៃណីដ៏ល្អរវាងវៀតណាម និងកូរ៉េខាងជើង ជាមួយនឹងការប្តេជ្ញាចិត្តខ្ពស់របស់ថ្នាក់ដឹកនាំនៃប្រទេសទាំងពីរ និងសាមគ្គីភាពរបស់ប្រជាជននៃប្រទេសទាំងពីរ បក្សទាំងពីរ រដ្ឋទាំងពីរ និងប្រជាជននៃប្រទេសទាំងពីរ នឹងបន្តអនុវត្តសេចក្តីសម្រេចរបស់បក្សដោយជោគជ័យ អភិវឌ្ឍប្រទេសជាតិឲ្យក្លាយជាប្រទេសរឹងមាំ និងធានាថាជីវិតរបស់ប្រជាជនកាន់តែរីកចម្រើន និងសុភមង្គល។

លោក​ឧត្តមសេនីយ៍ឯក Le Quang Minh និងប្រតិភូនៃក្រសួងការពារ​ប្រទេស​​វៀតណាម ជួបពិភាក្សាជាមួយលោក​វរសេនីយ៍ឯកបំរុង Choe Kwang Il អនុព័ន្ធ​យោ​ធា​កូរ៉េខាងជើង​ប្រចាំវៀតណាម​

មានប្រសាសន៍នៅក្នុងពិធីនេះ លោក Ri Sung Guk ឯកអគ្គរដ្ឋទូតកូរ៉េខាងជើងប្រចាំប្រទេសវៀតណាម បានបញ្ជាក់ថា ការឲ្យតម្លៃ និងការអភិវឌ្ឍទំនាក់ទំនងជាមួយវៀតណាម ដែលជាទំនាក់ទំនងមិត្តភាពប្រពៃណីត្រូវបានបង្កើតឡើងតាមរយៈប្រវត្តិសាស្ត្រដ៏យូរអង្វែង គឺជាជំហរដ៏ខ្ជាប់ខ្ជួនរបស់បក្ស និងរដ្ឋាភិបាលកូរ៉េខាងជើង។ កូរ៉េខាងជើងនឹងបន្តពង្រឹង និងអភិវឌ្ឍចំណងមិត្តភាព និងកិច្ចសហប្រតិបត្តិការប្រពៃណីជាមួយបក្សកុម្មុយនិស្តវៀតណាម លើមាគ៌ានៃការកសាងសង្គមនិយម រួមចំណែកយ៉ាងសកម្មក្នុងការកសាងពិភពលោកមួយដ៏យុត្តិធម៌ និងជឿនលឿន ព្រមទាំងបង្កើនសាមគ្គីភាព និងកិច្ចសហប្រតិបត្តិការជាមួយកម្លាំងជឿនលឿននៅទូទាំងពិភពលោក៕

បកប្រែដោយ Duy Hoan