លោក Pham Minh Chinh នាយករដ្ឋមន្ត្រី ទទួលជួបលោក Ito Naoki ឯកអគ្គរដ្ឋទូតជប៉ុនប្រចាំនៅវៀតណាម

លោក Pham Minh Chinh នាយករដ្ឋមន្ត្រី និងលោក Ito Naoki ឯកអគ្គរដ្ឋទូតជប៉ុនប្រចាំនៅវៀតណាម

ក្នុងជំនួប លោកនាយករដ្ឋមន្ត្រីបានស្នើឱ្យលោកឯកអគ្គរដ្ឋទូត Ito Naoki បន្តយកចិត្តទុកដាក់ និងលើកកម្ពស់បន្ថែមទៀតនូវគម្រោងសហប្រតិបត្តិការវិនិយោគជាមួយវៀតណាម រួមទាំងខេត្ត Thanh Hoa ផង ដែលជាខេត្តមួយមានសក្តានុពល និងឱកាសអភិវឌ្ឍ ជាពិសេសនៅក្នុងវិស័យគ្រប់គ្រងខ្សែសង្វាក់ផ្គត់ផ្គង់ និងថាមពល... លោកនាយករដ្ឋមន្ត្រីក៏បានសង្កត់ធ្ងន់លើគោលការណ៍នៃកិច្ចសហប្រតិបត្តិការ 'ផ្តល់ផលប្រយោជន៍ដល់គ្នាទៅវិញទៅមក ចែករំលែកគ្នាក្នុងគ្រាលំបាក" ដែលរួមចំណែកដល់ការកែលម្អប្រសិទ្ធភាពនៃកិច្ចសហប្រតិបត្តិការវិនិយោគ និងនាំមកនូវផលប្រយោជន៍ជាក់ស្តែងដល់អង្គភាពអាជីវកម្ម និងប្រជាជននៃប្រទេសទាំងពីរ។

ទិដ្ឋភាពនៃជំនួប

លោកឯកអគ្គរដ្ឋទូត Ito Naoki បានបញ្ជាក់ថា សហគមន៍ធុរកិច្ចជប៉ុននៅតែបន្តចាត់ទុកវៀតណាមជាគោលដៅវិនិយោគដ៏សំខាន់ និងទាក់ទាញមួយនៅក្នុងតំបន់ ហើយបានអះអាងថា ខ្លួននឹងបន្តលើកកម្ពស់កិច្ចសហប្រតិបត្តិការជាមួយខេត្ត Thanh Hoa នាពេលខាងមុខ។ ក្នុងឱកាសនេះ លោកឯកអគ្គរដ្ឋទូត Ito បានសម្តែងបំណងចង់ឲ្យភាគីទាំងពីរសម្របសម្រួលយ៉ាងជិតស្និទ្ធ និងលើកកម្ពស់ប្រកបដោយប្រសិទ្ធភាពនូវគម្រោងសហប្រតិបត្តិការលេចធ្លោរវាងប្រទេសទាំងពីរ ដូចជាគម្រោងរោងចក្រចម្រាញ់ប្រេង Nghi Son និងគម្រោងសាកលវិទ្យាល័យវៀតណាម-ជប៉ុន។

បកប្រែដោយ Pham Diep