ស្រុក Tran De លើកកម្ពស់សមភាពយេនឌ័រ

បន្ទាប់ពីរយៈពេលជាង ៣ ឆ្នាំនៃការអនុវត្តគម្រោងលេខ៨ នៃកម្មវិធីលេខ ១៧១៩ ស្រុក Tran De មានរបៀបធ្វើល្អ និងភាពច្នៃប្រឌិតជាច្រើនក្នុងការឃោសនា និងចលនាប្រជាជនឱ្យអនុវត្តសមភាពយេនឌ័រ និងការពារសិទ្ធិរបស់ស្ត្រី និងកុមារី។ នៅក្នុងឆ្នាំ ២០២៣ សមាគមសហព័ន្ធនារីស្រុក បានចែកចាយខិតប័ណ្ណជាង ៥,៥០០ សន្លឹក ផ្ទាំងរូបភាពចំនួន ២៤០ សន្លឹក និងឯកសារគ្រប់ប្រភេទចំនួន ២៥០០; កសាង និងចម្លងទម្រង់ល្អៗ និងសកម្មភាពគាំទ្រដល់ការអភិវឌ្ឍសេដ្ឋកិច្ចរបស់ស្ត្រី; បង្កើតក្រុមប្រព័ន្ធផ្សព្វផ្សាយសហគមន៍ចំនួន ១៦ នៅក្នុងភូមិដែលជួបការលំបាកខ្លាំងចំនួន ១៦ អាសយដ្ឋានដែលអាចទុកចិត្តបានចំនួន ៨ ក្លឹប "អ្នកដឹកនាំនៃការផ្លាស់ប្តូរ" ចំនួន ៥ នៅក្នុងសាលារៀន។ល។ ដោយហេតុនោះជួយប្រជាជនផ្លាស់ប្តូរ "ផ្នត់គំនិត របៀបធ្វើ" កសាង និងចម្លងទម្រង់អភិវឌ្ឍសេដ្ឋកិច្ច ការពារសំឡេង និងការចូលរួមរបស់ស្ត្រី និងកុមារីក្នុងសកម្មភាពសង្គម។ល។

នៅឃុំ Vien An ទម្រង់ និងសកម្មភាពសំដៅដល់ស្ត្រី និងកុមារីតែងតែទទួលបានការគាំទ្រពីប្រជាជន និងទទួលបានវាយតម្លៃខ្ពស់ពីគណៈកម្មាធិការបក្ស និងអាជ្ញាធរមូលដ្ឋាន។ លោកស្រី Kim Thi Chanh Thi ប្រធានសមាគមសហព័ន្ធនារីឃុំ Vien An បានឲ្យដឹងថា៖ “អនុវត្តគម្រោងលេខ៨ យើងខ្ញុំមិនត្រឹមតែឃោសនាប្រជាជនជំរុញការអនុវត្តសមភាពយេនឌ័រសម្រាប់ស្ត្រី និងកុមារីប៉ុណ្ណោះទេ ថែមទាំងអនុវត្តទម្រង់សេដ្ឋកិច្ច គាំទ្រស្ត្រីទទួលបានកម្ចីអនុគ្រោះ ដើម្បីអភិវឌ្ឍផលិតកម្ម រួមចំណែកលើកកំពស់គុណភាពជីវភាពរស់នៅរបស់ប្រជាជន”។

ក្លឹប “អ្នកដឹកនាំការផ្លាស់ប្តូរ” នៅអនុវិទ្យាល័យ Thanh Thoi An (ឃុំ Thanh Thoi An ស្រុក Tran De)

អ្នកស្រី Thach Thi Suol ជនជាតិខ្មែរ សមាជិកាសមាគមសហព័ន្ធនារី នៅភូមិ Bung Sa ឃុំ Vien An ពីមុនជាគ្រួសារក្រីក្រនៅក្នុងមូលដ្ឋាន។ អាស្រ័យដោយមានការគាំទ្រពីសមាគមសហព័ន្ធនារីឃុំ អ្នកស្រីរូបនេះទទួលបានកម្ចីអនុគ្រោះដើម្បីអភិវឌ្ឍការចិញ្ចឹមគោពូជ និងបើកហាងលក់សារពើភណ្ឌសម្រាប់ការអភិវឌ្ឍសេដ្ឋកិច្ច។ មកទល់បច្ចុប្បន្ននេះ គ្រួសាររបស់អ្នកស្រីមានប្រាក់ចំណូលប្រកបដោយស្ថិរភាព ព្រមទាំងបានសាងសង់ផ្ទះឡើងវិញ ហើយជីវភាពរស់នៅក៏កាន់តែមានភាពប្រសើរឡើង។

នៅអនុវិទ្យាល័យ Thanh Thoi An ឃុំ Thanh Thoi An បន្ទាប់ពីដំណើរការជិត ២ ឆ្នាំ ក្លឹប "អ្នកដឹកនាំនៃការផ្លាស់ប្តូរ" បានទាក់ទាញសមាជិកចំនួន ២៥ នាក់ដែលជាសិស្សមានអាយុពី ១១ ទៅ១៥ ឆ្នាំ។ ក្លឹប គឺជាកន្លែងលេងកម្សាន្តដ៏មានប្រយោជន៍ ដើម្បីជួយសិស្សបង្កើនចំណេះដឹង និងជំនាញការពារខ្លួនឯង។ ជាមួយគ្នានេះ កន្លែងនេះគឺជាកន្លែងសម្រាប់កុមារជួបប្រាស្រ័យ ចែករំលែក បង្កើនការយល់ដឹង និងរៀបចំសកម្មភាពកម្សាន្តតាមអាយុ។

លោក Huynh Nhu Y ប្រធានសមាគមសហព័ន្ធនារីស្រុក Tran De បានឲ្យដឹងថា៖ “ដើម្បីបន្តលើកកំពស់ប្រសិទ្ធភាពនៃគម្រោងលេខ ៨ នាពេលខាងមុខ យើងខ្ញុំនឹងសម្របសម្រួលជាមួយស្ថាប័ន និងសាខានានានៃស្រុក រៀបចំការប្រកួត និងពិធីបុណ្យដើម្បីចែករំលែកទម្រង់ច្នៃប្រឌិត និងមានប្រសិទ្ធភាព ដែលរួមចំណែកជំរុញសមភាពយេនឌ័រ លុបបំបាត់អំពើហិង្សាក្នុងគ្រួសារ និងការជួញដូរស្ត្រី និងកុមារីនៅក្នុងតំបន់ជនជាតិភាគតិច។ ទន្ទឹមនឹងនោះ ជំរុញការអនុវត្តទម្រង់គាំទ្រ ដើម្បីលើកកម្ពស់សមភាពយេនឌ័រ និងដោះស្រាយបញ្ហាបន្ទាន់សម្រាប់ស្ត្រី និងកុមារីនៅតំបន់ជនជាតិភាគតិច។ ផ្តោតលើការលើកកម្ពស់សមត្ថភាពរបស់កម្មាភិបាលជាស្ត្រីជនជាតិភាគតិច និងសមត្ថភាពសមភាពយេនឌ័រសម្រាប់មេភូមិ និងអ្នកមានកិត្យានុភាពក្នុងសហគមន៍”។

ការអនុវត្តគម្រោងលេខ ៨ នៅស្រុក Tran De ក្នុងរយៈពេលកន្លងមក សម្រេចបានលទ្ធផលសំខាន់ៗជាច្រើន រួមចំណែកដល់ការសម្រេចបាននូវគោលដៅនៃការពង្រឹងអំណាចសេដ្ឋកិច្ចសម្រាប់ស្ត្រី; លើកកម្ពស់សមភាពយេនឌ័រ និងដោះស្រាយបញ្ហាបន្ទាន់របស់ស្ត្រី និងកុមារីនៅតំបន់ជនជាតិភាគតិចក្នុងតំបន់៕

បកប្រែដោយ Huyen Trang