សកម្មភាពជាក់ស្តែងជាច្រើននៅក្នុងកម្មវិធី "ដំណើរត្រឡប់ទៅកាន់ប្រភពដើម" នៅខេត្ត Cao Bang

គណៈប្រតិភូបានអុជធូប និងដាក់កម្រងផ្កានៅទីស្ការៈ លោកនាយឧត្តមសេនីយ៍ Vo Nguyen Giap

ពិនិត្យសុខភាព និងចែកថ្នាំដោយឥតគិតថ្លៃ

ផ្តល់អំណោយដល់អ្នកទទួលរបបឧបត្ថម្ភគោលនយោបាយ

លោកឧត្តមសេនីយ៍ទោ Le Quang Minh អនុប្រធានអគ្គស្នងការនយោបាយ នៃកងទ័ពប្រជាជនវៀតណាម បានអញ្ជើញចូលរួម និងដឹកនាំកម្មវិធី។ ក្នុងកម្មវិធីគណៈប្រតិភូបានអុជធូប និងដាក់កម្រងផ្កានៅទីស្ការៈរបស់លោកនាយឧត្តមសេនីយ៍ Vo Nguyen Giap និងបានទៅទស្សនាតំបន់កេរ្តិ៍ដំណែលប្រវត្តិសាស្រ្តជាតិពិសេសព្រៃ Tran Hung Dao (ឃុំ Tam Kim ស្រុក Nguyen Binh)។ ក្រុមការងារបានរៀបចំពិនិត្យសុខភាព និងចែកថ្នាំដោយឥតគិតថ្លៃ ផ្តល់អំណោយដល់អ្នកទទួលរបបឧបត្ថម្ភគោលនយោបាយ គ្រួសារក្រីក្រ និងសិស្សានុសិស្សនៅក្នុងស្រុក ផ្តល់អាហារូបករណ៍ Vu A Dinh ដល់សិស្សានុសិស្សមានស្ថានភាពលំបាក; ឧបត្ថម្ភថវិកាសាងសង់ផ្ទះសប្បុរសធម៌ចំនួន ២ ខ្នង ធ្វើខ្សែផ្លូវពីរ «បំភ្លឺផ្លូវជនបទ»; ជាមួយថវិកាសរុបជាង ៣ ពាន់លានដុង។

កម្មវិធីនេះបង្ហាញពីមនោសញ្ចេតនា ទំនួលខុសត្រូវ ការដឹងគុណ របស់យុវជនកងទ័ព និងយុវជនទូទាំងប្រទេសជូនចំពោះបុព្វបុរស ព្រមទាំងអប់រំយុវជនជំនាន់ក្រោយអំពីប្រពៃណីរបស់កងទ័ព និងប្រទេសជាតិ និងការដឹងគុណចំពោះបុព្វបុរស ដែលបានលះបង់ ពលី ដើម្បីឯករាជ្យ និងសេរីភាពនៃមាតុភូមិ។

បកប្រែដោយ Duy Hoan