មហាវិទ្យាល័យការពារព្រំដែនធ្វើការជាមួយអនុព័ន្ធយោធាកម្ពុជាប្រចាំប្រទេសវៀតណាម

គណៈប្រតិភូបានស្តាប់តំណាងមហាវិទ្យាល័យការពារព្រំដែនផ្តល់ព័ត៌មានអំពីស្ថានភាព និងលទ្ធផលនៃការបណ្តុះបណ្តាលសម្រាប់សិក្ខាកាមនៃកងយោធពលខេមរភូមិន្ទក្នុងរយៈពេលប៉ុន្មានឆ្នាំចុងក្រោយនេះ ក៏ដូចជាការផ្តល់យោបល់ និងសំណើមួយចំនួននាពេលខាងមុខ។ រហូតមកដល់បច្ចុប្បន្ន មហាវិទ្យាល័យបានរៀបចំវគ្គបណ្តុះបណ្តាលភាសាវៀតណាមចំនួន ២២ វគ្គ ដែលមានសិក្ខាកាមសរុបជិត ១៨០០ នាក់។ ក្នុងឆ្នាំសិក្សា ២០២៥-២០២៦ មហាវិទ្យាល័យកំពុងបណ្តុះបណ្តាលវគ្គទី ២២។ ក្នុងរយៈពេលប៉ុន្មានឆ្នាំមកនេះ សិក្ខាកាមកងយោធពលខេមរភូមិន្ទដែលបានបណ្តុះបណ្តាលនៅមហាវិទ្យាល័យបានគោរពយ៉ាងតឹងរ៉ឹងនូវវិន័យ ច្បាប់ និងបទបញ្ជាអង្គភាព ហើយគុណភាពនៃការបណ្តុះបណ្តាលបានប្រសើរឡើងជាបន្តបន្ទាប់។

មហាវិទ្យាល័យការពារព្រំដែនប្រគល់ផ្កាជូនអនុព័ន្ធយោធាកម្ពុជា និងគណៈប្រតិភូ

ថ្លែងនៅក្នុងជំនួប លោកឧត្តមសេនីយ៍ត្រី លាង សុវណ្ណារ៉ា បានថ្លែងអំណរគុណចំពោះបញ្ជាការដ្ឋានកងទ័ពការពារព្រំដែន និងមហាវិទ្យាល័យការពារព្រំដែន ដែលបានសម្របសម្រួលបណ្តុះបណ្តាលមន្ត្រីយោធា និងនគរបាលកម្ពុជា។ លោកឧត្តមសេនីយ៍ត្រី លាង សុវណ្ណារ៉ា បានសង្កត់ធ្ងន់ថា សកម្មភាពនេះបានរួមចំណែកដល់ការពង្រឹងសាមគ្គីភាព និងមិត្តភាពរវាងវៀតណាម និងកម្ពុជា ក៏ដូចជារវាងកងទ័ព និងកងកម្លាំងការពារព្រំដែននៃប្រទេសទាំងពីរ។

នៅចុងបញ្ចប់នៃកិច្ចប្រជុំ គណៈប្រតិភូបានទស្សនាទីតាំង និងកន្លែងស្នាក់នៅដែលបំរើសម្រាប់ការអប់រំ និងបណ្តុះបណ្តាលសិក្ខាកាមនៃកងយោធពលខេមរភូមិន្ទ។

បកប្រែដោយ Duy Hoan