ទាក់ទាញទុនឯកជនចូលទៅក្នុងការធ្វើនវានុវត្ដន៍

អញ្ជើញចូលរួមមានលោក Nguyen Chi Dung ឧបនាយករដ្ឋមន្ត្រីវៀតណាម និងតំណាងក្រសួង ស្ថាប័ន និងមូលដ្ឋាននានា។

វេទិកានេះក៏មានការចូលរួមពីប្រតិភូជាង ១.០០០ នាក់ ក្នុងនោះប្រតិភូជាង ២០០ នាក់ ដែលជាអ្នកវិនិយោគមកពីអាស៊ី និងអឺរ៉ុប។ វេទិកានេះត្រូវបានរៀបចំឡើងដោយមជ្ឈមណ្ឌលនវានុវត្តន៍ជាតិ (NIC) ក្រសួងហិរញ្ញវត្ថុ សហការជាមួយអង្គការអភិវឌ្ឍន៍វិនិយោគទុនឯកជនវៀតណាម (VPCA) និងអង្គភាពពាក់ព័ន្ធ។

ប្រតិភូទាំងឡាយចូលរួមវេទិកា

ថ្លែងក្នុងវេទិកានេះ លោក Nguyen Chi Dung ឧបនាយករដ្ឋមន្ត្រីវៀតណាម បានអះអាងថា វៀតណាមជាប្រទេសដែលមាន​ខឿនសេដ្ឋកិច្ចឌីជីថលរីកចម្រើនយ៉ាងឆាប់រហ័សក្នុងរយៈពេលកន្លងមក។ ជាមួយនឹងការអភិវឌ្ឍនោះវៀតណាមកំពុងត្រូវបានវាយតម្លៃថា ជាគោលដៅយុទ្ធសាស្ត្រសម្រាប់អ្នកវិនិយោគបច្ចេកវិទ្យាសកល។ ទន្ទឹមនឹងគោលនយោបាយផ្លាស់ប្តូរខ្សែសង្វាក់ផ្គត់ផ្គង់ដែលកំពុងកើតឡើងយ៉ាងខ្លាំងនោះ វៀតណាមបានក្លាយជាគោលដៅវិនិយោគដ៏ទាក់ទាញសម្រាប់សាជីវកម្មបច្ចេកវិទ្យា​ធំៗក្នុងពិភពលោក។

លោក Nguyen Chi Dung ឧបនាយករដ្ឋមន្ត្រី ថ្លែងក្នុងវេទិកា

លោកឧបនាយករដ្ឋមន្ត្រី Nguyen Chi Dung បានបន្ថែមថា ដើម្បីអនុវត្ដប្រកបដោយប្រសិទ្ធភាពសម្រាប់សក្ដានុពលនៃសេដ្ឋកិច្ចឌីជីថល រដ្ឋាភិបាលវៀតណាមកំពុងបង្កើតលក្ខខណ្ឌអំណោយផលដើម្បីទាក់ទាញការវិនិយោគលើវិស័យវិទ្យាសាស្ត្រ បច្ចេកវិទ្យា និងនវានុវត្តន៍។ ព្រមទាំងរដ្ឋាភិបាលវៀតណាមនឹងបន្តមានយន្តការ និងគោលនយោបាយលើកទឹកចិត្តដើម្បីទាក់ទាញការវិនិយោគក្នុងវិស័យឯកជនលើវិស័យវិទ្យាសាស្ត្រ បច្ចេកវិទ្យា និងនវានុវត្តន៍។

ប្រតិភូទាំងឡាយថតរូបអនុស្សាវរីយ៍នៅវេទិកា

លោក Vinnie Lauria ក្រុមប្រឹក្សាភិបាលនៃ VPCA ឲ្យដឹងថា ព្រឹត្តិការណ៍នេះត្រូវបានរៀបចំឡើងដើម្បីទាក់ទាញលំហូរ​ទុនវិនិយោគសកល ស្របពេលដែលវៀតណាមកំពុងឈានចូលដំណាក់កាលអភិវឌ្ឍដ៏សំខាន់។ ព្រមទាំងរំពឹងថា ព្រឹត្តិការណ៍នេះនឹងក្លាយទៅជា "គោលដៅទាក់ទាញ" យុទ្ធសាស្ត្រ និងជាកន្លែងប្រមូលផ្ដុំប្រភពទុនវិនិយោគ។

នៅព្រឹត្ដិការន៍នេះ NIC និង VPCA បានចុះហត្ថលេខាលើអនុស្សរណៈនៃការយោគយល់ទ្វេភាគីជាមួយសមាគមវិនិយោគ​ឈាន​មុខគេចំនួនបីនៅអាស៊ដូចជា សមាគមវិនិយោគហានិភ័យកូរ៉េខាងត្បូង និងសមាគមវិនិយោគហានិភ័យឯកជនសិង្ហបុរី និងសមាគមវិនិយោគហានិភ័យឯកជនហុងកុង (ចិន)។

បកប្រែដោយ Pham Diep