ពង្រឹងកិច្ចសហប្រតិបត្តិការរវាងទីក្រុងហាណូយជាមួយមូលដ្ឋាន និងធុរកិច្ចនៃសាធារណរដ្ឋឆែក

ក្នុងជំនួបធ្វើការជាមួយថ្នាក់ដឹកនាំនៃរដ្ឋធានី Prague លោកស្រី Phung Thi Hong Ha បានថ្លែងអំណរគុណចំពោះមនោសញ្ចេតនា និងការជួយគាំទ្រដែលប្រទេសឆែកជូនចំពោះ​វៀតណាម ក្នុងការកសាង និងការពារមាតុភូមិនាអតីតកាល ព្រមទាំងក្នុងបុព្វហេតុកសាង និងអភិវឌ្ឍប្រទេសជាតិនាពេលបច្ចុប្បន្ន។ លោកស្រី Phung Thi Hong Ha បានសម្តែងនូវជំនឿថា ទំនាក់ទំនងមិត្តភាពជាប្រពៃណីរវាងប្រទេសទាំងពីរ និងរដ្ឋធានីទាំងពីរនឹងបន្តអភិវឌ្ឍ ហើយស្នើអាជ្ញាធរទីក្រុង Prague បន្តយកចិត្តទុកដាក់ដល់ការបង្កើតលក្ខខណ្ឌអំណោយផល និងជួយឧបត្ថម្ភសហគមន៍ជនវៀតណាមក្នុងការរស់នៅ ធ្វើអាជីវកម្ម និងអភិវឌ្ឍនៅមូលដ្ឋាន។

លោក Bohuslav Svoboda អភិបាលក្រុង Prague បានវាយតំលៃខ្ពស់ចំពោះតួនាទី និងការអភិវឌ្ឍ នៃសហគមន៍ជនវៀតណាមនៅសាធារណរដ្ឋឆែកនិយាយរួម។ លោក Svoboda បានសង្កត់ធ្ងន់លើតួនាទីរបស់សហគមន៍ជនវៀតណាមក្នុងការរួមចំណែកយ៉ាងសកម្មដល់ទំនាក់ទំនងរវាងសាធារណរដ្ឋឆែក និងវៀតណាមនិយាយរួម ក៏ដូចជារវាងទីក្រុង Prague និងទីក្រុងហាណូយនិយាយដោយឡែក។ លោកអភិបាលក្រុងក៏បានសម្តែងនូវជំនឿថា ដំណើរទស្សនកិច្ចលើកនេះរបស់គណៈប្រតិភូទីក្រុងហាណូយ នឹងពង្រឹងថែមទៀតនូវទំនាក់ទំនងមិត្តភាពជាប្រពៃណីរវាងប្រទេសទាំងពីរ និងរវាងរដ្ឋធានីទាំងពីរ ដោយអះអាងថា វៀតណាម ជាមិត្តល្អរបស់ប្រទេស និងប្រជាជនឆែក។

លោកស្រី Phung Thi Hong Ha ជួបធ្វើការជាមួយតំណាងក្រុមហ៊ុន Skoda Auto (រូបថត៖ vnanet.vn)

ក្នុងឱកាសនេះ​ គណៈប្រតិភូក៏បានជួបពិភាក្សាការងារជាមួយលោក Vojtech Filip អតីតអនុប្រធានសភាជាន់ទាបនៃប្រទេសឆែក និងជាតំណាងក្រុមប្រឹក្សាតំបន់ South Morava។ លោក Vojtech Filip បានចែករំលែកនូវមនោសញ្ចេតនា និងចំណាប់អារម្មណ៍ផ្ទាល់ខ្លួនចំពោះប្រទេស និងប្រជាជនវៀតណាម ជាពិសេសរដ្ឋធានីហាណូយ ហើយបង្ហាញជំនឿថា ទំនាក់ទំនងមិត្តភាព និងកិច្ចសហប្រតិបត្តិការជាប្រពៃណីរវាងវៀតណាម និងសាធារណរដ្ឋឆែកនឹងត្រូវបានពង្រឹង និងអភិវឌ្ឍបន្ថែមទៀត។ លោកក៏បានស្នើឱ្យទីក្រុងហាណូយសិក្សាស្រាវជ្រាវពីលទ្ធភាពសហប្រតិបត្តិការជាមួយតំបន់ Morava ភាគខាងត្បូង។

ក្នុងជំនួបធ្វើការជាមួយតំណាងក្រុមហ៊ុន Skoda Auto គណៈប្រតិភូបានជូនដំណឹងអំពីយន្តការ គោលនយោបាយរបស់ទីក្រុង និងគម្រោងអភិវឌ្ឍន៍ចរាចរណ៍នៃរដ្ឋធានី។ តំណាងក្រុមហ៊ុន Skoda Auto បានសម្តែងការយកចិត្តទុកដាក់ដល់សក្តានុភាពនៃកិច្ចសហប្រតិបត្តិការជាមួយទីក្រុងហាណូយ ជាពិសេសលើវិស័យដែលក្រុមហ៊ុនមានប្រៀបខ្លាំង។

ចូលរួមសិក្ខាសាលាជាមួយធុរកិច្ចវៀតណាមនៅសាធារណរដ្ឋឆែក ដែលរៀបចំដោយស្ថានទូតវៀតណាម លោកស្រី Phung Thi Hong Ha បានជូនដំណឹងដល់សហគមន៍ធុរកិច្ចវៀតណាមនៅសាធារណរដ្ឋឆែកអំពីស្ថានភាពនយោបាយ សេដ្ឋកិច្ច និងសង្គមរបស់ទីក្រុងហាណូយ។ លោកស្រី Phung Thi Hong Ha បានសង្កត់ធ្ងន់ថា ទីក្រុងហាណូយតែងតែត្រៀមខ្លួនជាស្រេចដើម្បីបង្កើតលក្ខខណ្ឌអំណោយផលសម្រាប់ធុរកិច្ចវៀតណាមនៅសាធារណរដ្ឋឆែកក្នុងការវិនិយោគ និងធ្វើអាជីវកម្ម។

តំណាងសហគមន៍ធុរកិច្ចវៀតណាមនៅសាធារណរដ្ឋឆែកបានសម្តែងក្តីសប្បាយរីករាយចំពោះសមិទ្ធិផលសេដ្ឋកិច្ចសង្គមរបស់រដ្ឋធានី ហើយសម្តែងនូវការជឿជាក់លើយន្តការ និងគោលនយោបាយលើកទឹកចិត្ត និងទាក់ទាញការវិនិយោគរបស់ទីក្រុង ព្រមទាំងអះអាងថានឹងបន្តពង្រឹងកិច្ចសហប្រតិបត្តិការ និងវិនិយោគដើម្បីរួមចំណែកដល់ការអភិវឌ្ឍរបស់ទីក្រុងហាណូយ ក៏ដូចជាប្រទេសជាតិ៕

បកប្រែដោយ Thuy Anh