លោកនាយករដ្ឋមន្ត្រី Pham Minh Chinh ជួបពិភាក្សាការងារជាមួយវិនិយោគិនបរទេសធំៗនៅខេត្ត Ba Ria-Vung Tau

លោក Kulachet Dharachandra អគ្គនាយកក្រុមហ៊ុនគីមីឥន្ធនៈ Long Son បានជម្រាបជូនលោកនាយករដ្ឋមន្ត្រី Pham Minh Chinh អំពីស្ថានភាពគម្រោង និងផែនការពង្រីកការវិនិយោគ។ គម្រោងគីមីឥន្ធនៈនៅឃុំ Long Son ខេត្ត Ba Ria-Vung Tau មានទុនវិនិយោគសរុបប្រមាណជាង ៥ ពាន់លានដុល្លារអាមេរិកដោយមានសមត្ថភាពផលិត ផលិតផលគីមីឥន្ធនៈចំនួន ១.៤ លានតោន។

លោកនាយករដ្ឋមន្ត្រី Pham Minh Chinh ទទួលជួបថ្នាក់ដឹកនាំក្រុមហ៊ុន Hyosung (រូបថត៖ vnanet.vn)

បច្ចុប្បន្ន គម្រោងនេះត្រូវបានបញ្ចប់ការសាងសង់ និងដាក់ឱ្យដំណើរការរួចហើយ។ លោកនាយករដ្ឋមន្ត្រី Pham Minh Chinh បានអះអាងថា វៀតណាមតែងតែត្រៀមខ្លួនជាស្រេចសម្របសម្រួលយ៉ាងសកម្មជាមួយសហគ្រាសដើម្បីដោះស្រាយបញ្ហាជំពាក់ជំពិនក្នុងស្មារតីនៃផលប្រយោជន៍ចុះសម្រុងគ្នា និងហានិភ័យចែករំលែកគ្នា។

លោកនាយករដ្ឋមន្ត្រី Pham Minh Chinh ទទួលជួបថ្នាក់ដឹកនាំក្រុមហ៊ុន Ho Tram (រូបថត៖ vnanet.vn)

លោក Bae In Han អគ្គនាយកក្រុមហ៊ុន Hyosung Dong Nai និងជាតំណាងខ្ពស់បំផុតរបស់ក្រុមហ៊ុន Hyosung នៅប្រទេសវៀតណាម បានឲ្យដឹងថា ក្រុមហ៊ុននឹងបន្តវិនិយោគប្រហែល ១.៥ ពាន់លានដុល្លារអាមេរិកបន្ថែមទៀតនៅវៀតណាម រួមទាំងការវិនិយោគលើរោងចក្រផលិតកម្មតាមជីវបច្ចេកវិទ្យា និងរោងចក្រផលិតសរសៃកាបូននៅខេត្ត Ba Ria - Vung Tau។ លោកនាយករដ្ឋមន្ត្រី Pham Minh Chinh បានស្នើឱ្យក្រុមហ៊ុនបញ្ជាទិញការផលិតសម្ភារៈជីវសាស្ត្រនៅវៀតណាមដើម្បីបម្រើដល់គម្រោង។

នារសៀលថ្ងៃដដែល នៅខេត្ត Ba Ria-Vung Tau លោកនាយករដ្ឋមន្ត្រី Pham Minh Chinh បានទទួលជួបលោក Walt Power អគ្គនាយកក្រុមហ៊ុន Ho Tram។ ក្រុមហ៊ុនកំពុងធ្វើការជាមួយស្ថាប័ន និងមូលដ្ឋាននានាដើម្បីបំពេញនីតិវិធីជាបន្ទាន់សម្រាប់វិនិយោគលើការសាងសង់ផ្លូវតភ្ជាប់ពីអាកាសយានដ្ឋានអន្តរជាតិ Long Thanh ទៅគម្រោង Ho Tram នៃក្រុមហ៊ុន (នៅស្រុក Xuyen Moc ខេត្ត Ba Ria - Vung Tau)៕

បកប្រែដោយ Thanh Cong