ពន្លឿនវឌ្ឍនភាពនៃគម្រោងសហប្រតិបត្តិការរវាងវៀតណាម និង ADB

នៅក្នុងជំនួប លោកឧបនាយករដ្ឋមន្ត្រី Tran Luu Quang បានស្នើឲ្យភាគីទាំងពីរសម្របសម្រួលយ៉ាងជិតស្និទ្ធ ដើម្បីពន្លឿនការអនុវត្តគម្រោងដែលបានសន្យា។  លោកបានវាយតម្លៃខ្ពស់ចំពោះកិច្ចខិតខំប្រឹងប្រែងរបស់ ADB ក្នុងការកៀរគរធនធានសម្រាប់គម្រោងប្រហែល ២៣ នៅវៀតណាមក្នុងដំណាក់កាល ២០២៣-២០២៦។ វៀតណាមនឹងបន្តពិនិត្យ និងកែលម្អក្របខ័ណ្ឌច្បាប់ស្តីពី ODA ដែលជាកម្ចីអនុគ្រោះពីបរទេស ដើម្បីលុបបំបាត់ឧបសគ្គ បង្រួញរយៈពេលអនុម័ត ពន្លឿនការអនុវត្តគម្រោង ទទួលនិងប្រើប្រាស់ដើមទុនប្រកបដោយប្រសិទ្ធភាពពីដៃគូនិយាយរួម និង ADB និយាយដោយឡែក។

លោកឧបនាយករដ្ឋមន្ត្រី Tran Luu Quang ទទួលជួបលោក Shantanu Chakraborty នាយកជាតិនៃធនាគារ ADB ប្រចាំនៅវៀតណាម (រូបថត៖ vnanet.vn)

លោក Shantanu Chakraborty នាយកជាតិនៃធនាគារ ADB ប្រចាំប្រទេសវៀតណាម  បានអបអរសាទររដ្ឋាភិបាល​វៀតណាមក្នុងការរក្សាបាននូវអត្រាកំណើនខ្ពស់ក្នុងបរិបទនៃការលំបាកជាសាកល។ លោកបានឲ្យដឹងថា ADB ព្យាករណ៍ថា កំណើនរបស់វៀតណាមនឹងឈានដល់ ៦% នៅឆ្នាំ ២០២៤ និង ៦.២% នៅឆ្នាំ ២០២៥។

គិតត្រឹមដំណាច់ខែធ្នូ ឆ្នាំ ២០២៣ ADB បានសន្យាផ្តល់ប្រាក់កម្ចី ជំនួយឥតសំណងនិងជំនួយបច្ចេកទេសចំនួន ៤៥៨ សម្រាប់តំបន់សាធារណៈរបស់វៀតណាមដែលមានតម្លៃសរុប ១៦.៥ ពាន់លានដុល្លារអាមេរិក៕

បកប្រែដោយ Huyen Trang