ម្ហូបអាហារវៀតណាមទាក់ទាញទស្សនិកជននៅក្នុងពិធីបុណ្យម្ហូបអាហារអន្តរជាតិហុងកុង (ប្រទេសចិន)

ពិធីបុណ្យឆ្នាំនេះនាំមកនូវឱកាសស្វែងយល់ និងទទួលទានម្ហូបអាហារដ៏សម្បូរបែបសម្រាប់អ្នកស្រុក និងអ្នកទេសចរ។ ទំហំនៃព្រឹត្តិការណ៍នេះត្រូវបានធ្វើឱ្យប្រសើរឡើង ដោយមានមុខម្ហូបពិសេសអន្តរជាតិជាច្រើន រួមជាមួយនឹងគំរូ "សាកសិនមុនទិញ" នៅតាមស្តង់នានា។

ស្តង់វៀតណាមទាក់ទាញទស្សនិកជនជាច្រើន (រូបថត៖ vnanet.vn)

លោកស្រី Nguyen Ngoc Ha នាយិកាក្រុមហ៊ុន Viet Kwong ដែលតំណាងឲ្យធុរកិច្ចវៀតណាមចូលរួមក្នុងព្រឹត្តិការណ៍នេះ បានឲ្យដឹងថា ពិធីបុណ្យនេះទាក់ទាញប្រជាជនហុងកុងជាច្រើនមកទស្សនា និងទទួលទាន ជាពិសេសផលិតផលម្ហូបអាហារអាស៊ីអាគ្នេយ៍។

នេះក៏ជាឱកាសសម្រាប់ផ្សព្វផ្សាយម្ហូបអាហារវៀតណាមដល់ទីផ្សារក្នុងហុងកុងផងដែរ។ ផលិតផលដូចជាកាហ្វេ និងគ្រាប់ស្វាយចន្ទីរបស់វៀតណាម ទទួលបានការចាប់អារម្មណ៍ពីទស្សនិកជន៕

បកប្រែដោយ Thuy Anh