ក្រុមហ៊ុន Vietjet ប្រកាសជាសាធារណៈអំពីការបើកជើងហោះហើរត្រង់លើកដំបូងរវាងប្រទេសវៀតណាម និងខេត្តហ៊ីរ៉ូស៊ីម៉ា ដើម្បីអបអរសាទរកិច្ចប្រជុំកំពូល G7

លោក Pham Minh Chinh នាយករដ្ឋមន្ត្រីវៀតណាម និងតំណាងថ្នាក់ដឹកនាំជាន់ខ្ពស់រដ្ឋាភិបាលវៀតណាម ប្រទេសជប៉ុន និងអាជ្ញាធរខេត្តហ៊ីរ៉ូស៊ីម៉ា អញ្ជើញចូលរួមពិធីប្រកាសនេះ។

លោក Pham Minh Chinh នាយករដ្ឋមន្ត្រី អញ្ជើញជាសាក្សី និងអបអរសាទរជើងហោះហើរត្រង់លើកដំបូងពីប្រទេសវៀតណាមទៅកាន់ហ៊ីរ៉ូស៊ីម៉ារបស់ក្រុមហ៊ុន Vietjet

ជើងហោះហើរហាណូយ - ហ៊ីរ៉ូស៊ីម៉ា នឹងបើកពីថ្ងៃទី ១៩ ខែកក្កដា ឆ្នាំ២០២៣ ជាមួយនឹងជើងហោះហើរចំនួន ២ ក្នុងមួយសប្តាហ៍នៅថ្ងៃពុធ និងថ្ងៃអាទិត្យ។ រយៈពេលហោះហើរប្រហែល ៤ ម៉ោង ៣០ នាទី។ ជើងហោះហើរបានចាកចេញពីអាកាសយានដ្ឋាន Noi Bai នៅម៉ោង ២:១៥ នាទី ហើយចុះចតនៅអាកាសយានដ្ឋាន ហ៊ីរ៉ូស៊ីម៉ា នៅម៉ោង ៨:៤៥ នាទី (តាមម៉ោងតំបន់)។ ជើងហោះហើរត្រឡប់មកវិញនឹងចេញដំណើរនៅម៉ោង ៩:៤៥ នាទី នៅខេត្តហ៊ីរ៉ូស៊ីម៉ា (តាមម៉ោងក្នុងតំបន់) និងចុះចតនៅទីក្រុងហាណូយនៅម៉ោង ១២:៣៥ នាទី៕

បកប្រែដោយ Thuy Anh