ក្រុមហ៊ុនអាកាសចរណ៍វៀតណាម Airlines ផ្តល់សេវាកម្មបំពេញបែបបទតាមអនឡាញនៅអាកាសយានដ្ឋានម៉ុមបៃ (ឥណ្ឌា)
កប.អនឡាញ - ចាប់ពីថ្ងៃទី ២០ ឧសភា ក្រុមហ៊ុនអាកាសចរណ៍វៀតណាម Airlines ចាប់ផ្តើមបើកឲ្យដំណើរកាជើងហោះហើរត្រង់ពីទីក្រុងហាណូយ និងទីក្រុងហូជីមិញ ទៅកាន់ទីក្រុងម៉ុមបៃ (ឥណ្ឌា) ជាផ្លូវការ ព្រមទាំងផ្តល់សេវាបំពេញបែបបទតាមអនឡាញ (check-in online) សម្រាប់អ្នកដំណើរដែលចេញដំណើរពីអាកាសយានដ្ឋានម៉ុមបៃ ដើម្បីបង្កភាពងាយស្រួលដល់អ្នកដំណើរ។
អាស្រ័យហេតុនេះ បន្ទាប់ពីបំពេញបែបបទតាមរយៈគេហទំព័រ www.vietnamairlines.com ឬ កម្មវិធីទូរសព្ទចល័តរបស់វៀតណាម Airlines ក្នុងចន្លោះរយៈពេលពី ២៤ ម៉ោងទៅ ១ ម៉ោងមុនម៉ោងចេញដំណើរដែលបានកំណត់ អ្នកដំណើរនឹងទទួលបាន "សំបុត្រឡើងយន្តហោះ" តាមអនឡាញតាមរយៈឧបករណ៍អេឡិចត្រូនិក ឬ អ្នកអាចបោះពុម្ពសំបុត្រដោយខ្លួនឯង។
|
|
អ្នកដំណើរបំពេញបែបបទនៅព្រលានយន្តហោះ ( រូបភាព៖ Kinhtedothi.vn) |
ដោយមានគោលដៅក្លាយជាក្រុមហ៊ុនអាកាសចរណ៍អន្តរជាតិលំដាប់ផ្កាយ ៥ និងក្រុមហ៊ុនអាកាសចរណ៍ឌីជីថល (Digital Airline) ក្រុមហ៊ុនវៀតណាម Airlines ខិតខំបង្កើនសេវាកម្មបំពេញបែបបទតាមអនឡាញនៅអាកាសយានដ្ឋាននានា។
ចាប់ពីថ្ងៃទី ២០ ឧសភា ក្រុមហ៊ុនអាកាសចរណ៍វៀតណាម Airlines នឹងបើកឲ្យដំណើរការជើងហោះហើរ ៤ ជើងក្នុងមួយសប្តាហ៍ពីទីក្រុងហាណូយទៅកាន់ម៉ុមបៃ នៅថ្ងៃអង្គារ ព្រហស្បតិ៍ ថ្ងៃសៅរ៍ និងថ្ងៃអាទិត្យ និង ៣ ជើងក្នុងមួយសប្តាហ៍ពីទីក្រុងហូជីមិញទៅកាន់ម៉ុមបៃ នៅថ្ងៃចន្ទ ពុធ និងថ្ងៃសុក្រ។ ជើងហោះហើរនេះដំណើរការដោយយន្តហោះ Airbus A321៕
បកប្រែដោយ Pham Diep