JICA ជួយគាំទ្រខេត្ត Thua Thien Hue ក្នុងការគ្រប់គ្រងប្រតិបត្តិការអាងស្តុកទឹក និងការគ្រប់គ្រងទឹកជំនន់

គម្រោងផ្តល់ជំនួយឥតសំណងរបស់ JICA នេះមានតម្លៃសរុបប្រហែល ១.៨ ពាន់លានយ៉េនជប៉ុន។ ក្នុងដំណាក់កាលពីឆ្នាំ ២០១៧ ដល់ឆ្នាំ ២០២៣ តាមរយៈគម្រោង ប្រទេសជប៉ុនបានផ្តល់ឧបករណ៍ទំនើបៗជាច្រើន បានបង្កើតបណ្តាញព័ត៌មានស្ដីពីការគ្រប់គ្រងគ្រោះមហន្តរាយ រួមជាមួយនឹងប្រព័ន្ធព្យាករណ៍ និងវិធានការប្រកាសអាសន្ននៅទន្លេ Huong និងប្រព័ន្ធគ្រប់គ្រងប្រតិបត្តិការទំនប់ធំៗចំនួនបី គឺទំនប់ Binh Dien ទំនប់ Huong Dien និងទំនប់ Ta Trach រួមបញ្ចូលគ្នាជាមួយការគ្រប់គ្រងហានិភ័យគ្រោះមហន្តរាយ។

ប្រតិភូជាង ៥០ នាក់មកពីស្ថាប័នពាក់ព័ន្ធចូលរួមក្នុងពិធីបើកសម្ពោធ

គម្រោងនេះត្រូវបានគេរំពឹងថានឹងរួមចំណែកក្នុងការអនុវត្តយុទ្ធសាស្ត្រជាតិស្ដីពីការគ្រប់គ្រងគ្រោះមហន្តរាយធម្មជាតិរបស់វៀតណាម ផែនការគ្រប់គ្រងទឹកជំនន់រួមសម្រាប់ទន្លេ Huong ឆ្ពោះទៅរកការអភិវឌ្ឍសេដ្ឋកិច្ចសង្គមប្រកបដោយចីរភាពនៅវៀតណាម។

នាពេលខាងមុខ JICA នឹងបន្តសហការយ៉ាងសកម្មជាមួយរដ្ឋាភិបាល និងប្រជាជនជប៉ុន ដើម្បីជួយឧបត្ថម្ភវៀតណាមក្នុងការគ្រប់គ្រងហានិភ័យគ្រោះមហន្តរាយ៕

បកប្រែដោយ Thanh Cong