អាមេរិកគាំទ្រវៀតណាមក្នុងការអនុវត្តគម្រោងសាកល្បងនៃប្រព័ន្ធផ្ទុកថាមពល
កប.អនឡាញ - នាថ្ងៃទី ៩ ឧសភា ក្រុមហ៊ុន AMI AC Renewables តាមរយៈក្រុមហ៊ុនសមាជិករបស់ខ្លួន-AMI Khanh Hoa បានចុះហត្ថលេខាលើអនុស្សរណៈយោគយល់គ្នាជាមួយសាជីវកម្ម Honeywell ដើម្បីសហការអនុវត្តគម្រោងសាកល្បងនៃប្រព័ន្ធផ្ទុកថាមពលនៅខេត្ត Khanh Hoa ប្រទេសវៀតណាម។
ជាមួយនឹងជំនួយហិរញ្ញវត្ថុចំនួន ៣ លានដុល្លារពីបេសកកម្មការទូតសហរដ្ឋអាមេរិក គម្រោងសាកល្បងនេះនឹងបង្ហាញឲ្យឃើញថាប្រព័ន្ធផ្ទុកថាមពលអាចចូលរួមចំណែកក្នុងការជួយវៀតណាមបញ្ចូលថាមពលកកើតឡើងវិញបន្ថែមទៀតទៅក្នុងប្រព័ន្ធថាមពលរបស់ប្រទេសដើម្បីសម្រេចបាននូវគោលដៅអំពីអាកាសធាតុ។
ដោយត្រូវបានប្រកាសជាលើកដំបូងនៅក្នុងកិច្ចសន្ទនាប្រចាំឆ្នាំអំពីសន្តិសុខថាមពលអាមេរិក-វៀតណាម គម្រោងនេះត្រូវបានគេរំពឹងថានឹងបានប្រើប្រាស់ និងដំឡើងប្រព័ន្ធផ្ទុកថាមពល Honeywell នៅរោងចក្រថាមពលពន្លឺព្រះអាទិត្យ AMI Khanh Hoa ជាមួយនឹងសមត្ថភាពផ្ទុកថាមពលសរុប 50MWp។ ការផ្ទុកថាមពលដើរតួនាទីយ៉ាងសំខាន់ក្នុងដំណើរការផ្លាស់ប្តូរទៅរកការផលិតថាមពលកកើតឡើងវិញ និងផែនទីបង្ហាញផ្លូវទៅរកការកាត់បន្ថយការបំភាយឧស្ម័ននៅក្នុងប្រព័ន្ធថាមពលសកល។ នេះគឺជាកត្តាសំខាន់ក្នុងទំនាក់ទំនងភាពជាដៃគូបរិវត្តកម្មថាមពលដោយយុត្តិធម៌ (JETP) ដែលបានចុះហត្ថលេខារវាងវៀតណាម និងដៃគូអន្តរជាតិ ដើម្បីគាំទ្រវៀតណាមក្នុងការផ្លាស់ប្តូរទៅជាថាមពលស្អាត និងសម្រេចបាននូវគោលដៅនៃការបំភាយឧស្ម័នសូន្យសុទ្ធត្រឹមឆ្នាំ២០៥០៕
បកប្រែដោយ Duy Hoan