ប្រទេសវៀតណាមនៅតែជាប្រទេសដែលមានបរិយាកាសវិនិយោគប្រកបដោយសុវត្ថិភាព និងមានភាពលំនឹង
កប.អនឡាញ - នាថ្ងៃទី១០ ខែកក្កដា ក្រុមហ៊ុន PricewaterhouseCoopers (PwC) ជាក្រុមហ៊ុនសវនកម្មជួរមុខនៅលើពិភពលោកបានបង្ហាញសៀវភៅ “ការធ្វើអាជីវកម្មនៅសម័យជំងឺ Covid-19” ក្នុងនោះ ក្រុមហ៊ុន PwC បានសង្កត់ធ្ងន់ថា ជំងឺ Covid-19 បាននិងកំពុងបង្កផលប៉ះពាល់ក្នុងទ្រង់ទ្រាយធំដែលមិនធ្លាប់មានពីមុនមកលើសេដ្ឋកិច្ចពិភពលោក ធ្វើឱ្យស្ថានភាពលក់ដូរ និងការច្របាច់បញ្ចូលគ្នាមានការផ្លាស់ប្តូរយ៉ាងឆាប់រហ័ស។
ក្នុងបរិបទនេះ ប្រទេសវៀតណាមនៅតែជាប្រទេសដែលមានបរិយាកាសវិនិយោគប្រកបដោយសុវត្ថិភាព និងមានភាពលំនឹងល្អ។ នេះជាអំណោយផលសម្រាប់ទីផ្សារលក់ដូរ និងការច្របាច់បញ្ចូលគ្នា ក្រោយ Covid-19។
លោក Ong Tiong Hooi អគ្គនាយករងនៃសេវាកម្មផ្ដល់ប្រឹក្សាអាជីវកម្ម - ពិនិត្យតម្លៃនៃក្រុមហ៊ុន PwC ប្រចាំនៅវៀតណាមបានចាត់ទុកថា ដោយទស្សនវិស័យសេដ្ឋកិច្ចរបស់វៀតណាមដែលមានសញ្ញាងើបឡើងវិញ និងរួមជាមួយកិច្ចព្រមព្រៀង EVFTA ចូលជាធរមាន ក្នុងដំណាក់កាលពី ៦ ដល់ ១២ ខែខាងមុខ សេដ្ឋកិច្ចវៀតណាមនឹងមានការផ្លាស់ប្តូរគួរចាប់អារម្មណ៍ នៅពេលដែលសហគ្រាសមានស្ថិរភាពជាប្រក្រតីឡើងវិញជាបណ្ដើរៗ៕
បកប្រែដោយ Thuy Anh