“គន្លឹះ” ដើម្បីលុបបំបាត់ភាពក្រីក្រនៅឃុំ Binh Yen
កប.អនឡាញ - នៅដើមឆ្នាំ២០២៣នេះ នៅឃុំ Binh Yen (ស្រុក Son Duong ខេត្ត Tuyen Quang វៀតណាម) មានគ្រួសារក្រីក្រចំនួន ៣៥៨ គ្រួសារ (ស្មើនឹង ៤៥.៧៨%)។ បច្ចុប្បន្ន គ្រួសារក្រីក្រឃុំ Binh Yen មាន ២៦៥ គ្រួសារ(ស្មើនឹង ៣៣.៤៦%)។ សមិទ្ធផលនោះគឺអាស្រ័យការតភ្ជាប់នៃកម្លាំងខាងក្នុង និងខាងក្រៅ ដែលជំរុញឲ្យជនរួមជាតិភាគតិចបង្កើនប្រាក់ចំណូល និងកាត់បន្ថយភាពក្រីក្រប្រកបដោយចីរភាព។
ដោយមានចំនួនប្រជាជន ៨១% ក្នុងឃុំជាជនជាតិភាគតិច ឃុំ Binh Yen តែងតែទទួលបានការយកចិត្តទុកដាក់ពីស្ថាប័នគ្រប់លំដាប់ថ្នាក់។ "គន្លឹះ" ដ៏សំខាន់ដើម្បីជួយមូលដ្ឋានមានការផ្លាស់ប្តូរគឺការអនុវត្តកម្មវិធី និងគោលនយោបាយជនជាតិ ដើម្បីជម្រុញការលុបបំបាត់ភាពអត់ឃ្លាន និងការកាត់បន្ថយភាពក្រីក្រ។ ជាពិសេសគឺកម្មវិធីគោលដៅជាតិសម្រាប់ការអភិវឌ្ឍសេដ្ឋកិច្ច-សង្គមនៅតំបន់ជនជាតិភាគតិច និងតំបន់ភ្នំដំណាក់កាល ២០២១-២០៣០ ដំណាក់កាលទី១ ពីឆ្នាំ ២០២១ ដល់ឆ្នាំ ២០២៥ (កម្មវិធីលេខ១៧១៩)។ ដោយទទួលដើមទុនពីកម្មវិធីលេខ១៧១៩ រហូតមកដល់ពេលនេះ គ្រួសារក្រីក្រជាច្រើននៅឃុំ Binh Yen មានលំនៅឋាន ទទួលបានការជួយគាំទ្រក្នុងការផ្លាស់ប្តូររបរការងារ និងមានទឹកស្អាតសម្រាប់ជីវភាពប្រចាំថ្ងៃ។
|
|
អ្នកឃុំ Binh Yen ចូលរួមសម្អាតអនាម័យបរិស្ថាន |
លោក Hoang Viet Duc អនុប្រធានគណៈកម្មាធិការប្រជាជនឃុំ Binh Yen បានឲ្យដឹងថា៖ យើងតែងតែចាត់ទុកថា ការអនុវត្តកម្មវិធីលេខ ១៧១៩ គឺជាភារកិច្ចនយោបាយសំខាន់ដើម្បីជួយប្រជាជនមានជីវភាពរស់នៅប្រសើរឡើង។ ដោយមានថវិកាជំនួយជាង ១.៥ ពាន់លានដុងពីដើមទុនរបស់កម្មវិធី រហូតមកដល់ពេលនេះ គ្រួសារចំនួន ២៥ គ្រួសារត្រូវបានដោះស្រាយបញ្ហាខ្វះខាតដីលំនៅដ្ឋាន និងដីផលិតកម្ម ផ្គត់ផ្គង់ទឹកស្អាតដល់គ្រួសារ ៥៤ គ្រួសារ ហើយប្រគល់ ១០ លានដុង/គ្រួសារដើម្បីទិញគោចិញ្ចឹម និងផ្លាស់ប្តូររបរការងារសម្រាប់គ្រួសារចំនួន៤...។
ទោះបីមុខមាត់របស់ភូមិបានផ្លាស់ប្តូរបន្តិចម្តងៗក៏ដោយ ប៉ុន្តែលោក Duc បានចាត់ទុកថា ការកាត់បន្ថយភាពក្រីក្រ និងការអភិវឌ្ឍសេដ្ឋកិច្ចសង្គមរបស់មូលដ្ឋាននៅតែប្រឈមមុខនឹងបញ្ហាជាច្រើន។ នាពេលខាងមុខ ឃុំ Binh Yen នឹងបន្តបង្កើនការផ្ដល់ដើមទុន ផ្តោតលើការអនុវត្តវិទ្យាសាស្ត្រ និងបច្ចេកវិទ្យា ដើម្បីជួយប្រជាជនអភិវឌ្ឍផលិតកម្មក្នុងទិសដៅទំនើប បង្កើតគំរូដាំដុះដែលប្រើប្រាស់បច្ចេកវិទ្យាខ្ពស់ ធានាបាននូវស្តង់ដារស្តីពីសុវត្ថិភាពចំណីអាហារ និងអនាម័យបរិស្ថាន៕
បកប្រែដោយ Thuy Anh