សំណួរនិងចម្លើយអំពីច្បាប់
គោលនយោបាយជួយឧបត្ថម្ភសាងសង់សំណង់ទឹកប្រើប្រាស់សហគមន៍នៅតំបន់ជនជាតិភាគតិច
កប.អនឡាញ - មិត្តអ្នកអាន Phung Thu Hang នៅឃុំ Tra Bui ស្រុក Bac Tra My ខេត្ត Quang Nam វៀតណាម បានសួរថា៖ គោលនយោបាយជួយឧបត្ថម្ភសាងសង់សំណង់ទឹកប្រើប្រាស់សហគមន៍នៅតំបន់ជនជាតិភាគតិចដែលអនុវត្តកម្មវិធីគោលដៅជាតិសម្រាប់ការអភិវឌ្ឍសេដ្ឋកិច្ចសង្គមតំបន់ជនជាតិភាគតិច និងតំបន់ភ្នំដំណាក់កាល ២០២១-២០៣០, ដំណាក់កាលទី ១ ពីឆ្នាំ ២០២១ ដល់ឆ្នាំ ២០២៥ ត្រូវបានកំណត់យ៉ាងដូចម្ដេច?
ចម្លើយ៖ បញ្ហាដែលអ្នកសួរត្រូវចែងក្នុងប្រការ ២ មាត្រា ១១ នៃសារាចរលេខ ០២/២០២២/TT-UBDT របស់រដ្ឋមន្ត្រី ប្រធានគណៈកម្មាធិការជនជាតិដូចតទៅ៖
មុខសញ្ញានៅតំបន់ជនជាតិភាគតិចដែលរស់នៅក្នុងសហគមន៍ (ភូមិ និងឃុំក្នុងតំបន់ជនជាតិភាគតិច និងតំបន់ភ្នំ) ដែលមិនមានប្រភពទឹកស្អាតប្រើប្រាស់ត្រូវបានជួយឧបត្ថម្ភសាងសង់សំណង់ទឹកស្អាតសហគមន៍តាមបទប្បញ្ញត្តិបច្ចុប្បន្នដើម្បីធានាការផ្គត់ផ្គង់ទឹកស្អាតគ្រប់គ្រាន់ដល់ប្រជាពលរដ្ឋ។
    |
 |
|
រូបថតឧទាហរណ៍ (dangcongsan.vn) |
គណៈកម្មាធិការប្រជាជនខេត្ត Quang Nam បញ្ជាឲ្យគណៈកម្មាធិការប្រជាជនស្រុកពិនិត្យ និងបង្កើតសំណុំឯកសារលម្អិតដើម្បីដាក់ជូនស្ថាប័នមានសមត្ថកិច្ចដើម្បីពិចារណាអនុម័ត។ មូលដ្ឋានបែងចែកថវិកាសម្រាប់ការថែទាំនិងប្រតិបត្តិការនៅ ពេលដែលសំណង់នេះត្រូវបានដាក់ឱ្យប្រើប្រាស់ជាផ្លូវការ។
* មិត្តអ្នកអាន Trinh Van Dung នៅទីរួមស្រុក Luong Son ស្រុក Luong Son ខេត្ត Hoa Binh វៀតណាម បានសួរថា៖ តើកម្មាភិបាលនិងយុទ្ធជននៃកងទ័ពចូលរួមសកម្មភាពជួយឧបត្ថម្ភកុមារទៅសាលារៀនក្នុងកម្មវិធីគោលដៅជាតិសម្រាប់ការអភិវឌ្ឍសេដ្ឋកិច្ចសង្គមនៅតំបន់ជនជាតិភាគតិច និងតំបន់ភ្នំមានខ្លឹមសារអ្វីខ្លះ ?
ចម្លើយ៖ ខ្លឹមសារដែលកម្មាភិបាលនិងយុទ្ធជនចូលរួមសកម្មភាពជួយឧបត្ថម្ភកុមារទៅសាលារៀនស្ថិតក្នុងអនុគម្រោងទី៣ គម្រោងទី៣ កម្មវិធីគោលដៅជាតិសម្រាប់ការអភិវឌ្ឍសេដ្ឋកិច្ចសង្គមនៅតំបន់ជនជាតិភាគតិច និងតំបន់ភ្នំ ដំណាក់កាល ២០២១-២០៣០, ដំណាក់កាលទី ១ ពីឆ្នាំ២០២១ ដល់ឆ្នាំ២០២៥។ ការជួយឧបត្ថម្ភត្រូវបានចែងនៅចំណុច a ប្រការ ២ មាត្រា ១៥ នៃសារាចរលេខ ៥៥/២០២៣/TT-BTC នៃក្រសួងហិរញ្ញវត្ថុ ដូចខាងក្រោម៖
- ជួយឧបត្ថម្ភសំភារៈសិក្សា៖ សៀវភៅ សៀវភៅសរសេរ និងសំភារៈសិក្សាដល់សិស្សដែលត្រូវបានអង្គភាពកងទ័ពទទួលជាកូនធម៌ និងជួយគាំទ្រតាមអនុគម្រោង។
- ជួយឧបត្ថម្ភសម្ភារៈចាំបាច់៖ សម្លៀកបំពាក់ ស្បែកជើង មធ្យោបាយធ្វើដំណើរទៅសាលារៀន និងតម្រូវការចាំបាច់ផ្សេងទៀត (ប្រសិនបើមាន);
- ជួយឧបត្ថម្ភចំណាយហូបចុកដល់សិស្ស;
- ជួយឧបត្ថម្ភនិងលើកសរសើរដល់សិស្សដែលមានលទ្ធផលសិក្សាល្អ;
- ជំនួយឧបត្ថម្ភសៀវភៅ សៀវភៅសរសេរ ឯកសារ ឧបករណ៍បង្រៀនដល់កម្មាភិបាលនិងយុទ្ធជនចូលរួមអនុវត្ដអនុគម្រោង,
- ខ្លឹមសារជួយឧបត្ថម្ភផ្សេងទៀត (ប្រសិនបើមាន) ទាក់ទងដោយផ្ទាល់ទៅនឹងដំណើរការសិក្សារបស់សិស្សតាមការសម្រេចចិត្ដរបស់រដ្ឋមន្ត្រីក្រសួងការពារប្រទេស ឬ អ្នកទទួលបានការផ្ទេរសិទ្ធិ៕
បកប្រែដោយ Pham Diep