បញ្ជ្រាបចំណេះដឹងផ្នែកច្បាប់ចូលក្នុងជីវភាពរស់នៅរបស់ប្រជាពលរដ្ឋខ្មែរ

ឃុំ Vinh Trung ជាឃុំភ្នំមួយនៃទីរួមខេត្ត Tinh Bien ដែលមានជនជាតិខ្មែរស្រូបយកជិត ៦០% នៃចំនួនប្រជាជន អត្រាគ្រួសារក្រីក្រ និងគ្រួសារជិតបន្ទាត់ក្រីក្រនៅតែមានកម្រិតខ្ពស់។ ភាពក្រីក្របង្កឱ្យមានជម្លោះ រួមផ្សំនឹងទំនៀមទម្លាប់ចូលចិត្តផឹកស្រា លេងល្បែងស៊ីសង ដែលបណ្តាលឱ្យគ្រួសារជាច្រើនក្នុងឃុំនេះជួបប្រទះអំពើហិង្សាក្នុងគ្រួសារ ហើយច្រើនតែគឺអំពើហិង្សាផ្លូវកាយ និងផ្លូវចិត្តលើស្ត្រី និងកុមារ។ ប្រឈមមុខនឹងស្ថានភាពនោះ សម្ព័ន្ធនារីឃុំ Vinh Trung បានរៀបចំការឃោសនាស្តីពីហានិភ័យដែលអាចកើតមានឡើងនៃអំពើហិង្សាក្នុងគ្រួសារ និងជួយផ្តល់ការណែនាំអំពីរបៀបសម្របសម្រួលគ្នាក្នុងគ្រួសារ និងជាពិសេសគឺការពឹងផ្អែកលើព្រឹទ្ធាចារ្យភូមិ និងអ្នកដែលមានកិត្យានុភាពដើម្បីជួយណែនាំ ប្រៀនប្រដៅឱ្យប្រជាពលរដ្ឋជាជនជាតិភាគតិចឱ្យយល់ពីច្បាប់ ផ្តើមពីនោះជួយពួកគេផ្លាស់ប្តូរអាកប្បកិរិយាក្នុងជីវភាពប្រចាំថ្ងៃ។

កងពលតូចរថក្រោះ ពាសដែកលេខ ៤១៦ ផ្សព្វផ្សាយច្បាប់ដល់ប្រជាជននៅឃុំ Vinh Trung (ទីរួមខេត្ត Tinh Bien ខេត្ត An Giang)។

ជជែកជាមួយយើងខ្ញុំ លោកស្រី Bui Thi Tuyet ប្រធានសម្ព័ន្ធសមាគមនារីឃុំ Vinh Trung បានមានប្រសាសន៍ថា៖ “ខ្ញុំតែងតែសិក្សាយ៉ាងសកម្មពីឯកសារច្បាប់ដើម្បីទាញយកខ្លឹមសារស្នូល សង្ខេប ជាក់ស្តែង ងាយស្រួលយល់ និងងាយស្រូបទាញ ដើម្បីផ្សព្វផ្សាយដល់ស្ត្រី ជាពិសេសបញ្ហាថែទាំកុមារ ការរៀបអាពាហ៍ពិពាហ៍ បញ្ហាសមភាពយេនឌ័រ អំពើហិង្សាក្នុងគ្រួសារ… រហូតមកដល់បច្ចុប្បន្ននេះ ថ្វីត្បិតតែស្ថានភាពអំពើហិង្សាក្នុងគ្រួសារមិនទាន់បញ្ចប់ទេ តែក៏មានការថយចុះគួរឱ្យកត់សម្គាល់ផង”។

លោកស្រី Kon Sa Ry នៅភូមិ Vinh Tay ឃុំ Vinh Trung បានចែករំលែកថា៖ “នៅក្នុងរាល់ពេលឃោសនា យើងទាំងអស់គ្នាបានចូលរួមយ៉ាងសកម្ម ផ្តោតលើការផ្លាស់ប្តូរ និងពិភាក្សាអំពីបញ្ហាដែលកើតឡើងក្នុងជីវភាពប្រចាំថ្ងៃដូចជា៖ វិវាទអចលនទ្រព្យ អាពាហ៍ពិពាហ៍មិនគ្រប់អាយុ ការរក្សាអនាម័យបរិស្ថាន ... ពីជំនួបផ្សព្វផ្សាយចំណេះដឹងផ្នែកច្បាប់នោះ បានជួយឱ្យសមាជិកាមានការយល់ដឹងអំពីច្បាប់កាន់តែល្អប្រសើរឡើងជាបណ្តើរៗ។

គួរឱ្យរំលឹកដែរថា នាពេលថ្មីៗនេះ ក្រុមប្រឹក្សាសម្របសម្រួលផ្សព្វផ្សាយច្បាប់ និងអប់រំនៃទីរួមខេត្ត Tinh Bien បានផ្តល់ប្រឹក្សាដល់គណៈកម្មាធិការប្រជាជនទីរួមខេត្តដើម្បីចេញ និងអនុវត្តផែនការ និងសេចក្តីណែនាំសម្រាប់ការផ្សព្វផ្សាយ និងអប់រំផ្លូវច្បាប់។ ក្រុមប្រឹក្សាសម្របសម្រួលផ្សព្វផ្សាយច្បាប់ និងអប់រំនៃទីរួមខេត្ត Tinh Bien ក៏បានពង្រឹង បង្កើតបាន ៦០ ក្រុមសម្រុះសម្រួលមូលដ្ឋាន ដោយមានអ្នកសម្របសម្រួលជាង ៣៩០ នាក់។ ចាប់តាំងពីដើមឆ្នាំមក ក្រុមសម្របសម្រួលទាំងនេះបានជួយសម្រុះសម្រួលដោយជោគជ័យជាង ៣០ ករណីបញ្ហាដែលទាក់ទងនឹងរដ្ឋប្បវេណី អាពាហ៍ពិពាហ៍ និងគ្រួសារ។

ជាអង្គភាពដែលមានឈរជើងនៅទីរួមខេត្ត Tinh Bien រួមជាមួយនឹងសកម្មភាពចលនាមហាជនដ៏មានប្រសិទ្ធភាពជាច្រើន កងពលតូចពាសដែក ៤១៦ (យោធភូមិភាគទី៩) ក៏ផ្តោតសំខាន់លើការផ្សព្វផ្សាយ និងអប់រំច្បាប់ដល់ប្រជាជនផងដែរ។ អាស្រ័យហេតុនោះ តាមរយៈសកម្មភាពចលនាមហាជន អង្គភាពបានរួមបញ្ចូលគ្នាទាំងការឃោសនាច្បាប់ ដោយផ្តោតលើច្បាប់ស្តីពីសមភាពយេនឌ័រ ច្បាប់ស្តីពីការទប់ស្កាត់ និងត្រួតពិនិត្យអំពើហិង្សាក្នុងគ្រួសារ ច្បាប់ស្តីពីអាពាហ៍ពិពាហ៍ និងគ្រួសារ ច្បាប់ស្តីពីកុមារ ... រួមចំណែកលើកកម្ពស់ការយល់ដឹង និងការគោរពច្បាប់ដល់ប្រជាពលរដ្ឋ។ ក្នុងនាមជាអ្នកដែលមានបទពិសោធន៍ជិត១០ ឆ្នាំក្នុងការឃោសនា និងផ្សព្វផ្សាយច្បាប់ដល់ប្រជាពលរដ្ឋនោះ លោកអនុសេនីយ៍ឯក Son Da Rich ប្រធាននយោបាយកងអនុសេនាធំលេខ៦ កងវរសេនាតូចលេខ៨ នៃកងពលតូចរថក្រោះ រថពាសដែកលេខ៤១៦ បានមានប្រសាសន៍ថា៖ “ដើម្បីឃោសនា និងបំផុសគំនិតឲ្យបានល្អ ត្រូវតែចេះភាសារបស់ជនជាតិ។ នេះជាបាវចនាដ៏ជាប់លាប់ដែលយើងអនុវត្តតាមរយៈវិធានការផ្សេងៗជាច្រើន រួមទាំងការលើកកម្ពស់តួនាទីកម្មាភិបាល និងយោធិនជនជាតិខ្មែរក្នុងការឃោសនា និងចលនាប្រជាជន។ ដើម្បីបង្កើនគុណវុឌ្ឍិ និងជំនាញ ជួយកងទ័ពបំពេញកិច្ចការឃោសនាបានល្អ យើងរក្សាទម្លាប់ប្រតិបត្តិការរបស់ក្រុមបង្រៀនភាសាខ្មែរនៅក្នុងអង្គភាព។ កម្មាភិបាលគ្រប់លំដាប់ថ្នាក់ក៏បានតម្រង់ទិសកងទ័ពលើបញ្ហាសំខាន់ៗ ពិភាក្សាអំពីស្ថានភាពជាក់លាក់ទាក់ទងនឹងជីវភាពរស់នៅប្រចាំថ្ងៃរបស់ប្រជាជន... ដោយសារនោះ កងទ័ពបានចាប់យកចំណេះដឹងយ៉ាងម៉ឺងម៉ាត់ និងមានប្រសិទ្ធភាពក្នុងការផ្សព្វផ្សាយ និងផ្សព្វផ្សាយដល់ប្រជាជន។ ខ្លឹមសារនៃការឃោសនាក៏ផ្ដោតលើបញ្ហាដែលទាក់ទងផ្ទាល់នឹងការរស់នៅរបស់ប្រជាពលរដ្ឋក្នុងមូលដ្ឋាន...

ចំណុចលេចធ្លោនៃការងារឃោសនា ផ្សព្វផ្សាយ និងអប់រំច្បាប់នៅទីរួមខេត្ត Tinh Bien នាពេលថ្មីៗនេះ គឺមិនត្រឹមតែផ្សព្វផ្សាយដោយផ្ទាល់ប៉ុណ្ណោះទេ ថែមទាំងបានបញ្ចូលទៅក្នុងការងារ និងសកម្មភាពរបស់មន្ទីរ សាខា និងអង្គការនានាក្នុងតំបន់ផងដែរ។ ជាពិសេស គណៈកម្មាធិការបក្ស និងគណៈបញ្ជាការអង្គភាពនានា បានលើកកម្ពស់ប្រសិទ្ធភាពនៃសកម្មភាពរបស់ក្លឹបជំនួយផ្លូវច្បាប់នៅតាមភូមិ ឃុំ និងក្រុង។ តាមរយៈសកម្មភាពរបស់ក្រុមទាំងនោះបានជួយលើកកម្ពស់ការយល់ដឹង ការគោរពច្បាប់របស់ប្រជាជនជាបណ្តើរៗ ព្រមទាំងសកម្មក្នុងការប្រយុទ្ធប្រឆាំងនឹងទឡ្ហីករណ៍បំភ្លៃ និងបែងចែកប្លុកឯកភាពជាតិដ៏អស្ចារ្យនៃប្រទេសជាតិ៕

បកប្រែដោយ Minh Trung