នៅក្នុងកិច្ចប្រជុំនេះ លោកនាយករដ្ឋមន្ត្រី បានតម្រូវថាក្នុងរយៈពេលពីរថ្ងៃខាងមុខ ក្រោមការដឹកនាំដោយផ្ទាល់ពីលោក Bui Thanh Son ឧបនាយករដ្ឋមន្ត្រី គ្រប់ក្រសួង និងស្ថាប័នពាក់ព័ន្ធទាំងអស់ត្រូវតែដាក់របាយការណ៍ជូនគណៈកម្មាធិការបក្សនៃរដ្ឋាភិបាល និងរាយការណ៍ជូនស្ថាប័នមានសមត្ថកិច្ចអំពីលទ្ធផលនៃការចរចាលើកិច្ចព្រមព្រៀងសហប្រតិបត្តិការសាងសង់រោងចក្រថាមពលនុយក្លេអ៊ែរ Ninh Thuan លេខ១ ជាមួយរុស្ស៊ី និងវឌ្ឍនភាពនៃគម្រោងរោងចក្រថាមពលនុយក្លេអ៊ែរ Ninh Thuan លេខ២។

leftcenterrightdel
លោក Pham Minh Chinh នាយករដ្ឋមន្ត្រី ធ្វើជាអធិបតីក្នុងកិច្ចប្រជុំលើកទី ៥ នៃគណៈកម្មាធិការដឹកនាំ (រូបថត៖ vov)

លោកនាយករដ្ឋមន្ត្រី ក៏បានស្នើឲ្យក្រសួងវិទ្យាសាស្ត្រ និងបច្ចេកវិទ្យា បន្តពិនិត្យ និងបំពេញស្ដង់ដារ នីតិវិធី និងបទប្បញ្ញត្តិទាក់ទងនឹងគម្រោងរោងចក្រថាមពលនុយក្លេអ៊ែរ ដើម្បីឲ្យខេត្ត Khanh Hoa សហការជាមួយក្រសួង ស្ថាប័ន អនុវត្តការងាររបស់ខ្លួន។

ក្រសួងការបរទេសសហការយ៉ាងជិតស្និទ្ធជាមួយក្រសួង ស្ថាប័ននានា ក្នុងការអនុវត្តគម្រោងរោងចក្រថាមពលនុយក្លេអ៊ែរ Ninh Thuan លេខ២។ លោកនាយករដ្ឋមន្ត្រីបានស្នើឲ្យក្រសួង ស្ថាប័ន និងមូលដ្ឋាននានា អនុវត្តការងារនេះឲ្យកាន់តែសកម្ម និងម៉ឺងម៉ាត់៕

បកប្រែដោយ Thuy Anh