សកម្មភាពជាច្រើនដើម្បីអបអរសាទរខួបលើកទី ៥០ នៃទិវារំដោះភាគខាងត្បូង និងបង្រួបបង្រួមជាតិ

មជ្ឈមណ្ឌលសារព័ត៌មាននេះ ដឹកនាំដោយលោក Le Hai Binh សមាជិកបម្រុងនៃគណៈកម្មាធិការមជ្ឈិមបក្ស អនុរដ្ឋមន្ត្រីប្រចាំការក្រសួងវប្បធម៌ កីឡា និងទេសចរណ៍វៀតណាម។ យោងតាមគណៈកម្មាធិការរៀបចំ បច្ចុប្បន្ននេះមានអ្នកសារព័ត៌មានអន្តរជាតិជិត ១៧០ នាក់ មកពីទីភ្នាក់ងារសារព័ត៌មាន និងកាសែតចំនួន ៣៩ នៃប្រទេសចំនួន១៧ ហើយអ្នកសារព័ត៌មានជាង ៦៣០ នាក់មកពីស្ថាប័នសារព័ត៌មានក្នុងប្រទេសជាង ៨០ បានចុះឈ្មោះចូលរួមផ្សាយព័ត៌មានអំពីទិវាខួបលើកទី ៥០ នៃទិវារំដោះភាគខាងត្បូង និងបង្រួបបង្រួម។

ពិធីបើកមជ្ឈមណ្ឌលសារព័ត៌មាន

មជ្ឈមណ្ឌលសារព័ត៌មាន គឺជាកន្លែងដឹកនាំ និងណែនាំសកម្មភាពផ្ដល់ព័ត៌មានទាក់ទងនឹងពិធីបុណ្យសម្រាប់អ្នកសារព័ត៌មានទាំងក្នុង និងក្រៅប្រទេស ដោយផ្តល់ព័ត៌មានផ្លូវការអំពីសកម្មភាពនានា ផ្តល់សេវាកម្មជួយគាំទ្រដល់ប្រតិបត្តិការរបស់អ្នកសារព័ត៌មាន និងដោះស្រាយសំណើរបស់អ្នកសារព័ត៌មាន។

ក្នុងឱកាសនេះ ក្រសួងវិទ្យាសាស្ត្រ និងបច្ចេកវិទ្យា បានសហការជាមួយក្រសួងវប្បធម៌ កីឡា និងទេសចរណ៍ គណៈកម្មាធិការប្រជាជនទីក្រុងហូជីមិញ និងក្រុមហ៊ុនប្រៃសណីយ៍វៀតណាម ចេញផ្សាយតែមប្រៃសណីយ៍ស្តីពី“ការរំលឹកខួបលើកទី ៥០ នៃទិវារំដោះភាគខាងត្បូង និងបង្រួបបង្រួមជាតិ (ថ្ងៃទី៣០ ខែមេសា ឆ្នាំ១៩៧៥ / ថ្ងៃទី៣០ ខែមេសា ឆ្នាំ២០២៥)”។

*នាយប់ថ្ងៃទី ២៧ ខែមេសា គណៈឃោសនាអប់រំ និងចលនាមហាជនមជ្ឈិម បានសហការជាមួយគណៈកម្មាធិការបក្សទីក្រុងហូជីមិញ បើកការតាំងពិព័រណ៍រូបថតក្រោមប្រធានបទ “ជ័យជំនះនៅនិទាឃរដូវឆ្នាំ១៩៧៥ ជាមួយនឹងយុគសម័យថ្មីនៃការអភិវឌ្ឍរបស់ប្រជាជាតិវៀតណាម” និងពិព័រណ៍ “មោទនភាពនៃខ្សែព្រំដែន” ក្នុងឱកាសខួបលើកទី៥០ នៃទិវារំដោះភាគខាងត្បូង និងបង្រួបបង្រួមជាតិ (ថ្ងៃទី៣០ ខែមេសា ឆ្នាំ១៩៧៥ / ថ្ងៃទី៣០ ខែមេសា ឆ្នាំ២០២៥) និងខួបលើកទី១៣៥ នៃថ្ងៃទិវាកំណើតរបស់លោកប្រធានហូជីមិញ (ថ្ងៃទី១៩ ខែឧសភា ឆ្នាំ១៨៩០ / ថ្ងៃទី១៩ ខែឧសភា ឆ្នាំ២០២៥)។

ពិព័រណ៍នេះប្រព្រឹត្តទៅនៅផ្លូវថ្មើរជើង Nguyen Hue ផ្លូវ Dong Khoi ពីថ្ងៃទី ២៧ ខែមេសា ដល់ថ្ងៃទី ៥ ខែឧសភា។ ពិព័រណ៍បានតាំងបង្ហាញរូបភាពជាង ២០០ អំពីការតស៊ូដើម្បីរំដោះជាតិរបស់កងទ័ពនិងប្រជាជនវៀតណាម មេរៀនអំពីស្នេហាជាតិ ប្រពៃណីវីរភាព សាមគ្គីភាព និងជំនឿទៅលើជ័យជំនះ។ ពិព័រណ៍ក៏បង្ហាញពីសមិទ្ធផលដ៏ធំធេង និងចំណុចភ្លឺជាច្រើនក្នុងកិច្ចការផ្លាស់ប្ដូរថ្មី ការអភិវឌ្ឍរបស់ប្រទេស និងទីក្រុងហូជីមិញនាពេលបច្ចុប្បន្ននេះ។ រូបថតទាំងឡាយដែលតាំងបង្ហាញនៅពិព័រណ៍ ក៏លើកតម្កើង និងបង្ហាញអំពីជីវភាពរស់នៅ សកម្មភាពពលកម្ម និងការហ្វឹកហ្វឺនរបស់កងទ័ព និងប្រជាជនវៀតណាម ដែលកំពុងការពារព្រំដែននៃមាតុភូមិ៕

បកប្រែដោយ Thuy Anh