វិធីសាស្រ្តជាក់ស្តែងជាច្រើនដើម្បីជួយជនរួមជាតិខ្មែរ

កាលពីមុន គ្រួសារគាត់ក្រីក្រ គ្មានដីបង្កបង្កើនផលទេ។ នៅឆ្នាំ ២០២២ បន្ទាប់ពីបានទឹកប្រាក់ជួយឧបត្ថម្ភ ១០ លានដុង ដើម្បីផ្លាស់ប្តូរការងារ លោកបានទិញម៉ាស៊ីនបាញ់ថ្នាំ ១ គ្រឿង និងម៉ាស៊ីនកាត់ស្មៅ ១ គ្រឿង ដើម្បីទៅធ្វើសីឈ្នួល។ ក្នុងមួយថ្ងៃគាត់ក៏រកបានជាង ២០​ ម៉ឺនដុងដែរ។ ក្រៅពីនេះ គ្រួសារគាត់នៅបានមូលដ្ឋានជួយឧបត្ថម្ភផ្ទះមហាសាមគ្គីមួយខ្នងដែរ។ លោកស្រី  Son Thi Vuong បានចែករំលែកថា៖ «មានការងារធ្វើ និងមានកន្លែងស្នាក់នៅស្រួលបួល  ក្រុមគ្រួសារខ្ញុំរកបានប្រាក់ចំណូលប្រសើរជាងមុន កូនតូចៗ៣​ នាក់ ត្រូវបានមើលថែយ៉ាងល្អ និងបានទៅរៀនទៀតផង»។

ផ្លូវបេតុងទើបសាងសង់រួច ជួយឲ្យប្រជាជននៅភូមិ Sa Bau ឃុំ Thuan Hoa ស្រុក Chau Thanh ងាយស្រួលក្នុងការធ្វើដំណើរនិងដឹកបញ្ជូនកសិផល

ខណៈដែលនៅភូមិ Sa Bau ផ្លូវបេតុងមួយខ្សែទទឹង ៣.៥ ម៉ែត្រ ប្រវែង ១.៤ គីឡូម៉ែត្រ ដែលមានតម្លៃជាង ២ ពាន់លានដុង ទើបនឹងដាក់ឱ្យប្រើប្រាស់ ផ្លូវបេតុងនេះបានជួយប្រជាជនងាយស្រួលក្នុងការធ្វើដំណើរ និងពាណិជ្ជកម្ម។ ដោយសារផ្លូវនេះ កសិផលត្រូវបានអាជីវករទិញនៅមូលដ្ឋាន នេះគ្រាន់តែជាសំណង់ចរាចរណ៍មួយក្នុងចំណោមចរាចរណ៍ ស្ពាន ផ្លូវ ផ្ទះ សហគមន៍ ផ្សារដែលត្រូវបានស្រុក Chau Thanh យកចិត្ដទុកដាក់វិនិយោគ និងជួយតំបន់ជនបទកាន់តែអភិវឌ្ឍឥតឈប់ឈរ។

យោងតាមការស្វែងយល់របស់យើងខ្ញុំ ស្រុក Chau Thanh មានជនជាតិខ្មែរជិត ៤៨%។ ក្នុងរយៈពេលកន្លងមក ស្រុកបានដឹកនាំ និងអនុវត្តប្រកបដោយប្រសិទ្ធភាពនូវកម្មវិធីគោលដៅជាតិ  សំដៅលើកកំពស់ជីវភាពរស់នៅរបស់ប្រជាពលរដ្ឋ។ ក្នុងឆ្នាំ២០២២ ប្រភពទុនសម្រាប់អនុវត្ដកម្មវិធីគោលដៅជាតិចំនួន ៣ នៅស្រុក Chau Thanh គឺជាង ២៨ ពាន់លានដុង ក្នុងនោះមានការសាងសង់ជនបទថ្មី; ការកាត់បន្ថយភាពក្រីក្រប្រកបដោយនិរន្តរភាព និងការអភិវឌ្ឍន៍សេដ្ឋកិច្ចសង្គមនៅក្នុងតំបន់ជនជាតិភាគតិច។

លើសពីនេះ មូលដ្ឋានក៏អនុវត្តស្របគ្នា និងរួមបញ្ចូលកម្មវិធីគម្រោងដូចជា ការវិនិយោគហេដ្ឋារចនាសម្ព័ន្ធ ការធ្វើពិពិធកម្មសម្រាប់ការចិញ្ចឹមជីវិត ការអភិវឌ្ឍន៍គំរូកាត់បន្ថយភាពក្រីក្រ និងគាំទ្រការអភិវឌ្ឍន៍ផលិតកម្ម។ល។ លោក Nguyen Van My អនុប្រធានគណៈកម្មាធិការប្រជាជនស្រុក Chau Thanh បាននិយាយថា  “រហូតមកដល់ពេលនេះ អត្រាគ្រួសារក្រីក្រថយចុះមកត្រឹម ៣,៣%។ ជាពិសេសតាមរយៈកម្មវិធីនេះ បានលើកកម្ពស់ឆន្ទៈ ខ្លួនទីពឹងខ្លួន ជួយប្រជាពលរដ្ឋកែលំអជីវភាពរស់នៅ និងរួមចំណែកសម្រាប់សង្គម”៕

បកប្រែដោយ Pham Diep