លោក Le Minh Hung នាយករដ្ឋមន្ត្រី ជួបធ្វើការជាមួយក្រសួងវិទ្យាសាស្ត្រ និងបច្ចេកវិទ្យា

ដោយសង្កត់ធ្ងន់លើសារៈសំខាន់នៃបច្ចេកវិទ្យា និងការធ្វើបរិវត្តកម្មឌីជីថល នៅក្នុងជំនួបធ្វើការ លោក Le Minh Hung នាយករដ្ឋមន្ត្រីបានស្នើថា ក្នុងខែមេសា ឆ្នាំ២០២៦ នេះក្រសួងវិទ្យាសាស្ត្រ និងបច្ចេកវិទ្យា ចាំបាច់ត្រូវបំពេញភារកិច្ចចំនួន ១៦ ដែលហួសកាលកំណត់ ចេញផ្សាយជាបន្ទាន់នូវក្រឹត្យចំនួន ៣ និងសេចក្តីសម្រេចចំនួន ២ របស់នាយករដ្ឋមន្ត្រី ដើម្បីណែនាំការអនុវត្តច្បាប់ស្តីពីការធ្វើបរិវត្តកម្មឌីជីថល និងច្បាប់ស្តីពីបញ្ញាសិប្បនិម្មិត និងពិនិត្យ និងបំពេញបញ្ជីបច្ចេកវិទ្យាយុទ្ធសាស្ត្រ និងផលិតផលបច្ចេកវិទ្យាយុទ្ធសាស្ត្រ ដោយផ្តោតលើវិស័យកំណត់សម្រាប់ការអភិវឌ្ឍប្រទេសជាតិទាំងក្នុងរយៈពេលខ្លី និងរយៈពេលវែង។

ទិដ្ឋភាពនៃជំនួបធ្វើការ (រូបថត៖ baochinhphu.vn)

លោកនាយករដ្ឋមន្ត្រីក៏បានស្នើថានៅក្នុងត្រីមាសទី២ ឆ្នាំ២០២៦ ក្រសួងវិទ្យាសាស្ត្រ និងបច្ចេកវិទ្យាចាំបាច់ត្រូវសម្របសម្រួលជាមួយគណៈកម្មការគោលនយោបាយ យុទ្ធសាស្ត្រមជ្ឈិម និងស្ថាប័នពាក់ព័ន្ធ ដើម្បីតាក់តែងសេចក្តីសម្រេចមួយស្តីពីទម្រង់អភិវឌ្ឍប្រទេសជាតិក្នុងដំណាក់កាលថ្មីដោយផ្អែកលើវិទ្យាសាស្ត្របច្ចេកវិទ្យា នវានុវត្តន៍ និងការធ្វើបរិវត្តកម្មឌីជីថល ដើម្បីដាក់ជូនសន្និសីទគណៈកម្មាធិការមជ្ឈិមលើកទី ៣ ពិចារណា និងសម្រេច៕

បកប្រែដោយ Huyen Trang