រួមដៃគ្នាដើម្បីជនពិការ កាត់បន្ថយការឈឺចាប់ដោយសារជាតិពុលគីមី​​/dioxin

សកម្មភាពនេះស្ថិតក្នុងគម្រោងសមាហរណកម្ម  ដោយមជ្ឈមណ្ឌលប្រតិបត្ដិការជាតិជំនះផលវិបាកដោយសារជាតិពុលគីមី និងបរិស្ថានធ្វើជាអធិបតី  ក្រសួងការពារប្រទេសដឹកនាំដោយផ្ទាល់ដើម្បីកែលំអជីវភាពរស់នៅរបស់ជនពិការនៅក្នុងតំបន់ដែលរងផលប៉ះពាល់យ៉ាងខ្លាំងដោយសារជាតិពុលគីមី / dioxin ។

ប្រតិភូ និងជនពិការចូលរួមកម្មវិធី

នេះជាសក្ខីភាពដែលបង្ហាញពីការយកចិត្តទុកដាក់ជាពិសេសរបស់បក្ស រដ្ឋ និងកងទ័ពចំពោះការជំនះផលវិបាកដោយសារសង្គ្រាម ព្រមទាំងបញ្ជាក់ពីតួនាទីត្រួសត្រាយផ្លូវរបស់ក្រសួងការពារប្រទេសក្នុងកិច្ចសហប្រតិបត្តិការអន្តរជាតិក្នុងវិស័យនេះ។

កម្មវិធីនេះមានការចូលរួមពីអត្តពលិកពិការរាប់រយនាក់ សិស្ស និស្សិត រួមទាំងថ្នាក់ដឹកនាំមកពីស្ថាប័ន និងអង្គភាពផ្សេងៗ។ ទន្ទឹមនឹងសកម្មភាពកីឡា គណៈកម្មការរៀបចំបានប្រគល់អំណោយដល់ជនរងគ្រោះដោយសារជាតិពុលគីមី/ dioxin ដែលមានស្ថានភាពលំបាក ព្រមទាំងបើកតាំងពិព័រណ៍រូបថតស្តីពីកិច្ចសហប្រតិបត្តិការវៀតណាម-សហរដ្ឋអាមេរិកក្នុងការគាំទ្រដល់ជនពិការ។

ប្រតិភូ និងជនពិការចូលរួមកម្មវិធី

នេះគឺជាសារដែលបង្ហាញពីស្មារតីមនុស្សធម៌ ការទទួលខុសត្រូវនិងការប្តេជ្ញាចិត្តរបស់ក្រសួងការពារប្រទេសក្នុងដំណើរការកាត់បន្ថយការឈឺចាប់ដោយ​សង្គ្រាម និងលើកកម្ពស់ការធ្វើសមាហរណកម្មសហគមន៍៕

បកប្រែដោយ Thanh Cong