បង្កើនការឃោសនាអំពីការប្រយុទ្ធប្រឆាំងនឹងការនេសាទខុសច្បាប់
កប.អនឡាញ - ស្នងការដ្ឋាននយោបាយនៃអគ្គស្នងការដ្ឋាននយោបាយទើបមានឯកសារមួយផ្ញើទៅកាន់ស្ថាប័ន និងអង្គភាពក្រោមឱវាទស្តីពីការបង្កើនការផ្សពផ្សាយព័ត៌មាន និងឃោសនាស្តីពីការប្រយុទ្ធប្រឆាំងនឹងការនេសាទខុសច្បាប់ មិនបានរាយការណ៍ និងមិនមានបទប្បញ្ញត្តិ (IUU)។
ស្នងការដ្ឋាននយោបាយស្នើឱ្យគណៈកម្មាធិការបក្ស មេបញ្ជាការ និងស្ថាប័ននយោបាយ និងអង្គភាពនានា ឲ្យបន្តដឹកនាំ ផ្លាស់ថ្មីនូវខ្លឹមសារ មុខសញ្ញា និងរបៀបឃោសនាព័ត៌មាន រួមចំណែកដល់ការផ្លាស់ប្តូរយ៉ាងខ្លាំងនៃការយល់ដឹង និងការទទួលខុសត្រូវរបស់ស្ថាប័ន កម្មាភិបាល បក្ខជន និងប្រជាជនអំពីអត្ថន័យនៃការដក "កាតលឿង" របស់គណៈកម្មការអឺរ៉ុប (EC) ចំពោះជលផលវៀតណាម គឺជាការសម្រេចចិត្តនយោបាយរបស់បក្ស និងរដ្ឋ។
    |
 |
|
បង្កើនការឃោសនាស្តីពីការប្រយុទ្ធប្រឆាំងនឹងការនេសាទខុសច្បាប់ |
ទីភ្នាក់ងារព័ត៌មាននានានៃអគ្គស្នងដ្ឋាននយោបាយបន្តឃោសនាផ្សព្វផ្សាយតាមការណែនាំរបស់នាយករដ្ឋមន្ត្រី និងរដ្ឋមន្ត្រីក្រសួងការពារប្រទេស ស្ដីពីការប្រយុទ្ធប្រឆាំងនឹងការនេសាទ IUU និងការប្តេជ្ញាចិត្តនយោបាយរបស់វៀតណាមក្នុងការដោះស្រាយអនុសាសន៍របស់ក្រុមត្រួតពិនិត្យ EC។
គណៈកម្មាធិការដឹកនាំលេខ ៣៥ និងកងកម្លាំងការពារមូលដ្ឋានសតិអារម្មណ៍របស់បក្សនៅលំហអ៊ីនធឺណិតនៃទីភ្នាក់ងារ និងអង្គភាពនានា ធ្វើបានល្អក្នុងការប្រយុទ្ធប្រឆាំង និងការពារមូលដ្ឋានសតិអារម្មណ៍របស់បក្ស ប្រឆាំងទស្សនៈខុសឆ្គង និងអរិភាព។ ឃោសនា និងចែករំលែកព័ត៌មានវិជ្ជមានអំពីកិច្ចខិតខំប្រឹងប្រែង និងលទ្ធផលនៃការចូលរួមឃោសនា ការចលនាប្រជាជន និងការប្រយុទ្ធប្រឆាំងនឹងការនេសាទខុសច្បាប់ (IUU) របស់កងកម្លាំងកងទ័ព៕
បកប្រែដោយ Pham Diep