ពង្រីកកិច្ចសហប្រតិបត្តិការរវាងទីក្រុង Da Nang ជាមួយសហភាពអឺរ៉ុប និងប្រទេសជាសមាជិក

មានប្រសាសន៍ក្នុងកិច្ចពិភាក្សាការងាររវាងថ្នាក់ដឹកនាំគណៈកម្មាធិការប្រជាជនទីក្រុង Da Nang និងគណៈប្រតិភូទីប្រឹក្សាពាណិជ្ជកម្ម សហភាពអឺរ៉ុប និងបណ្តាប្រទេសនៃសហភាពអឺរ៉ុប ដឹកនាំដោយលោក Ulrich Weigl ទីប្រឹក្សាគណៈប្រតិភូសហភាពអឺរ៉ុបប្រចាំនៅវៀតណាម នាព្រឹកថ្ងៃទី ១៦ ខែតុលា លោក Tran Chi Cuong អនុប្រធានគណៈកម្មាធិការប្រជាជនទីក្រុង Da Nang បានមានប្រសាសន៍ថា បន្ទាប់ពីរយៈពេល ៣៥ ឆ្នាំនៃការបង្កើតទំនាក់ទំនងការទូត (ថ្ងៃទី ២៨ ខែវិច្ឆិកា ឆ្នាំ១៩៩០ / ថ្ងៃទី ២៨ ខែវិច្ឆិកា ឆ្នាំ២០២៥) ទីក្រុង Da Nang បានចុះហត្ថលេខាលើកិច្ចព្រមព្រៀងសហប្រតិបត្តិការជាមួយមូលដ្ឋានចំនួន ១៣ នៃប្រទេសសមាជិកចំនួន ៩ នៃសហភាពអឺរ៉ុប (EU)។

ទិដ្ឋភាពនៃកិច្ចពិភាក្សាការងារ (រូបថត៖ vietnam.vn)

បណ្តាប្រទេស EU ក៏មានគម្រោង FDI ចំនួន ២២ ដែលបានចុះបញ្ជីសម្រាប់ការវិនិយោគនៅទីក្រុង Da Nang។ ទីក្រុង Da Nang កំពុងទាក់ទាញវិនិយោគិនមកបណ្តាក់ទុន ប្រតិបត្តិការ និងបណ្តុះបណ្តាលធនធានមនុស្ស ដើម្បីកសាងមជ្ឈមណ្ឌលហិរញ្ញវត្ថុអន្តរជាតិ (IFC) តំបន់ពាណិជ្ជកម្មសេរី (FTZ)។ លោក Tran Chi Cuong បានសង្ឃឹមថា ជាមួយនឹងការបើកចំហលំហរបស់ខ្លួន ទីក្រុង Da Nang បន្តទទួលបានការគាំទ្រពីសហភាពអឺរ៉ុប ក៏ដូចជាស្ថានទូតនៃប្រទេសសមាជិកសហភាពអឺរ៉ុប ក្នុងការជំរុញទំនាក់ទំនងសហប្រតិបត្តិការ និងការអភិវឌ្ឍនាពេលខាងមុខ៕

បកប្រែដោយ Huyen Trang