វេទិកានេះបានទាក់ទាញការចូលរួមរបស់ប្រតិភូជិត ៥,០០០ នាក់មកពីប្រទេស និងដែនដីចំនួន ៧០ ដែលមានព្រឹត្តិការណ៍ជាង ៧០។ មានប្រសាសន៍ក្នុងសម័យប្រជុំពេញអង្គលើកទី ១ នៃវេទិកាក្រោមប្រធានបទ “ទីផ្សារថាមពលសកល៖ ការធ្វើបរិវត្តកម្មទំនាក់ទំនង និងតុល្យភាពផលប្រយោជន៍” នាថ្ងៃទី១៥ ខែតុលា លោក Bui Thanh Son ឧបនាយករដ្ឋមន្ត្រី បានជម្រាបជូនប្រតិភូអំពីគោលដៅទូទៅរបស់វៀតណាមដល់ឆ្នាំ ២០៣០ ជាមួយនឹងចក្ខុវិស័យដល់ឆ្នាំ ២០៤៥។ តាមនោះ វៀតណាមធានាយ៉ាងម៉ឺងម៉ាត់នូវសន្តិសុខថាមពលជាតិ ផ្តល់ថាមពលគ្រប់គ្រាន់ ស្ថិរភាព គុណភាពខ្ពស់ កាត់បន្ថយការបំភាយឧស្ម័នសម្រាប់ការអភិវឌ្ឍសេដ្ឋកិច្ចសង្គម ធានាការពារជាតិ សន្តិសុខ លើកកំពស់ជីវភាពរស់នៅរបស់ប្រជាជន និងការពារបរិស្ថានអេកូឡូស៊ី។

leftcenterrightdel
លោក Bui Thanh Son ឧបនាយករដ្ឋមន្ត្រី មានប្រសាសន៍នៅវេទិកា (រូបថត៖ vnanet.vn)

ទន្ទឹមនឹងនោះ លោកឧបនាយករដ្ឋមន្ត្រីក៏បានឆ្លើយសំណួររបស់ប្រតិភូដែលទាក់ទងនឹងផែនការរបស់រដ្ឋាភិបាលវៀតណាមក្នុងការពង្រីកហេដ្ឋារចនាសម្ព័ន្ធ និងលើកកម្ពស់សមត្ថភាពបច្ចេកទេសក្នុងការទទួលឧស្ម័នធម្មជាតិរាវ (LNG)។ លោកឧបនាយករដ្ឋមន្ត្រីបានមានប្រសាសន៍ថា ការអភិវឌ្ឍ និងការពង្រីកការវិនិយោគលើហេដ្ឋារចនាសម្ព័ន្ធកំពង់ផែ LNG ត្រូវបានរៀបចំតាមផែនការ។ ប្រព័ន្ធកំពង់ផែ LNG ប្រហែល ១០ ទៅ ១៤ នឹងបានពង្រីកសម្រាប់បម្រើរោងចក្រថាមពលឧស្ម័នក្នុងតំបន់ទាំងអស់នៃប្រទេសវៀតណាម។ វៀតណាមកំពុងខិតខំដាក់រោងចក្រឱ្យដំណើរការពាណិជ្ជកម្មក្នុងដំណាក់កាល ២០២៨-២០៣០។ វៀតណាមស្វាគមន៍វិនិយោគិនទៅចែករំលែកបទពិសោធន៍ជាមួយក្រុមហ៊ុនរបស់រុស្ស៊ី និងប្រទេសនានានៅលើពិភពលោកដើម្បីបង្កើនសមត្ថភាពអភិវឌ្ឍ និងដំណើរការហេដ្ឋារចនាសម្ព័ន្ធកំពង់ផែ LNG៕

បកប្រែដោយ Huyen Trang