បេតិកភណ្ឌប្រវត្តិសាស្ត្រ និងតម្លៃពិសិដ្ឋនៃទំនាក់ទំនងពិសេស វៀតណាម-ឡាវ

នៅមុនដំណើរទស្សនកិច្ចផ្លូវការរបស់លោក To Lam អគ្គលេខាបក្សកុម្មុយនិស្តវៀតណាម ទៅកាន់ប្រទេសឡាវ និងចូលរួមពិធីអបអរសាទរខួបលើកទី ៥០ នៃទិវាបុណ្យឯករាជ្យជាតិឡាវ ខួបលើកទី ១០៥ នៃថ្ងៃកំណើតរបស់លោកប្រធាន Kaysone Phomvihane និងជាសហអធិបតីនៃកិច្ចប្រជុំថ្នាក់ជាន់ខ្ពស់រវាងបក្សកុម្មុយនិស្តវៀតណាម និងបក្សប្រជាជនបដិវត្តន៍ឡាវ ចាប់ពីថ្ងៃទី ១ ដល់ថ្ងៃទី ២ ខែធ្នូ ឆ្នាំ ២០២៥ តបតាមការអញ្ជើញរបស់លោក Thongloun Sisoulith អគ្គលេខាបក្ស និងជាប្រធានរដ្ឋឡាវ ចាប់ពីថ្ងៃទី ២៧ ដល់ថ្ងៃទី ២៨ ខែវិច្ឆិកា ប្រព័ន្ធផ្សព្វផ្សាយឡាវបានបោះពុម្ពផ្សាយអត្ថបទជាច្រើន ដែលលើកសរសើរទំនាក់ទំនងវៀតណាម-ឡាវ ថាជាទំនាក់ទំនងពិសេសមួយដែលមានតែមួយគត់នៅលើពិភពលោក។

អត្ថបទមួយលើកសរសើរទំនាក់ទំនងមិត្តភាពដ៏មហិមា វៀតណាម-ឡាវ ដែលបានចុះផ្សាយនៅលើកាសែត Pathet Lao របស់ទីភ្នាក់ងារសារព័ត៌មានឡាវ (រូបថត៖ vnanet.vn)

អត្ថបទចំនួនបីដែលបានចុះផ្សាយនៅលើគេហទំព័ររបស់កាសែត Pasaxon (ស្ថាប័នរបស់គណៈកម្មាធិការមជ្ឈិមបក្សប្រជាជនបដិវត្តន៍ឡាវ) បានបញ្ជាក់ថា ទំនាក់ទំនងមិត្តភាពដ៏មហិមា សាមគ្គីភាពពិសេស និងកិច្ចសហប្រតិបត្តិការគ្រប់ជ្រុងជ្រោយ វៀតណាម-ឡាវ គឺជាបេតិកភណ្ឌប្រវត្តិសាស្ត្រដែលមិនអាចកាត់ថ្លៃបាន ហើយត្រូវបានពូនជ្រំដោយជំនាន់ជាច្រើន។ នៅក្នុងបរិបទស្ថានភាពពិភពលោក និងតំបន់ មានការវិវឌ្ឍដែលមិនអាចទាយទុកជាមុនបាន ទំនាក់ទំនងពិសេសនេះនៅតែបន្តដើរតួនាទីយ៉ាងសំខាន់ ជាចំណុចយុទ្ធសាស្ត្រសម្រាប់ស្ថិរភាព និងការអភិវឌ្ឍរបស់ប្រទេសនីមួយៗ ឆ្ពោះទៅរកអនាគតនៃកិច្ចសហប្រតិបត្តិការប្រកបដោយចីរភាព រួមចំណែកយ៉ាងសកម្មដល់សន្តិភាព សន្តិសុខ និងកិច្ចសហប្រតិបត្តិការនៅក្នុងតំបន់។

ទន្ទឹមនឹងនោះ អត្ថបទចំនួនបីដែលបានចុះផ្សាយនៅលើគេហទំព័ររបស់កាសែត Pathetlao របស់ទីភ្នាក់ងារសារព័ត៌មានឡាវ បានបញ្ជាក់ថា៖ "បេតិកភណ្ឌប្រវត្តិសាស្ត្រ និងតម្លៃពិសិដ្ឋនៃទំនាក់ទំនងពិសេស ឡាវ-វៀតណាម" ក៏សង្កត់ធ្ងន់ដែរថា ទំនាក់ទំនងឡាវ-វៀតណាម គឺជាទំនាក់ទំនងពិសេស ជាទំនាក់ទំនងគំរូ និងស្មោះត្រង់ ដែលកម្រមានក្នុងប្រវត្តិសាស្ត្រពិភពលោក។ តាមរយៈពេលវេលា និងឆ្លងកាត់បញ្ហាប្រឈម ចំណងមិត្តភាពដ៏មហិមា សាមគ្គីភាពពិសេស និងកិច្ចសហប្រតិបត្តិការគ្រប់ជ្រុងជ្រោយឡាវ-វៀតណាម បានក្លាយជាបេតិកភណ្ឌដ៏មានតម្លៃ និងជាមូលដ្ឋានគ្រឹះដ៏ស្ថិរភាពសម្រាប់ប្រជាជាតិទាំងពីរ៕

បកប្រែដោយ Huyen Trang