ទីក្រុងហូជីមិញប្រារព្ធខួបលើកទី ៥០ នៃការបង្កើតទំនាក់ទំនងការទូត វៀតណាម-នូវែលសេឡង់

នៅក្នុងពិធី លោក Nguyen Van Duoc ប្រធានគណៈកម្មាធិការប្រជាជនទីក្រុងហូជីមិញ បានចែករំលែកថា ក្នុងរយៈពេល ៥០ ឆ្នាំកន្លងមក វៀតណាម និងនូវែលសេឡង់បានបង្ហាញថា ចម្ងាយភូមិសាស្ត្រមិនអាចរារាំងប្រទេសទាំងពីរពីការចែករំលែកឧត្តមគតិអំពីសន្តិភាព មនុស្សជាតិ និងការអភិវឌ្ឍប្រកបដោយចីរភាពបានទេ។

ការសម្តែងសិល្បៈនៅក្នុងពិធី

នៅក្នុងខែកុម្ភៈ ឆ្នាំ ២០២៥ ទំនាក់ទំនងរវាងប្រទេសទាំងពីរត្រូវបានតម្លើងទៅជាភាពជាដៃគូយុទ្ធសាស្ត្រគ្រប់ជ្រុងជ្រោយ ពង្រីកកិច្ចសហប្រតិបត្តិការទាំង​សេដ្ឋកិច្ច កសិកម្មឆ្លាតវៃ ទាំងការអប់រំ វិទ្យាសាស្ត្រ និងបច្ចេកវិទ្យា ការឆ្លើយតបទៅនឹងការប្រែប្រួលអាកាសធាតុ និងការជួបប្រាស្រ័យរវាងប្រជាជន និងប្រជាជន។ ទីក្រុងហូជីមិញតែងតែជាគោលដៅដែលគួរឱ្យទុកចិត្តសម្រាប់ស្ថាប័នអប់រំ អង្គភាពអាជីវកម្ម និងអ្នកជំនាញនូវែលសេឡង់ ជាមួយនឹងកម្មវិធីសហប្រតិបត្តិការជាក់ស្តែងជាច្រើន។

លោក Scott James អគ្គកុងស៊ុលនូវែលសេឡង់ប្រចាំទីក្រុងហូជីមិញ បានសម្តែងការយោគយល់យ៉ាងជ្រាលជ្រៅចំពោះប្រជាជននៅភាគកណ្តាលវៀតណាម ដែលរងផលប៉ះពាល់យ៉ាងធ្ងន់ធ្ងរដោយគ្រោះមហន្តរាយធម្មជាតិ ព្រមទាំងបញ្ជាក់ថា នូវែលសេឡង់តែងតែរួមដំណើរ និងចែករំលែកការលំបាករបស់ប្រជាជននៅទីនេះ។ល។ អង្គភាពអាជីវកម្មនូវែលសេឡង់កាន់តែមានទំនុកចិត្តលើសក្តានុពលសម្រាប់កិច្ចសហប្រតិបត្តិការនៅទីក្រុងហូជីមិញ ជាពិសេសនៅក្នុងវិស័យបរិវត្តកម្មឌីជីថល ថាមពលកកើតឡើងវិញ ការអប់រំ ទេសចរណ៍ និងកសិកម្មធន់នឹងអាកាសធាតុ៕

បកប្រែដោយ Huyen Trang