នាវាលេខ០១៥-Tran Hung Dao ចាប់ផ្តើមដំណើរទស្សនកិច្ច ជួបប្រាស្រ័យជាមួយកងទ័ពជើងទឹកចិន

១ ធ្នូ ២០២៥ (19:08)

កប.អនឡាញ - នៅព្រឹកថ្ងៃទី១ ខែធ្នូ នាវាលេខ០១៥-Tran Hung Dao នៃកងពលតូចលេខ១៦២ កងទ័ពជើងទឹកតំបន់លេខ៤ រួមជាមួយគណៈប្រតិភូកងទ័ពជើងទឹកប្រជាជនវៀតណាម ដឹកនាំដោយលោកវរសេនីយ៍ឯក Nguyen Vinh Nam មេបញ្ជាការរង កងទ័ពជើងទឹកតំបន់លេខ៤ បានចូលចតនៅកំពង់ផែឈីងតាវ ខេត្តសានតុង ប្រទេសចិន។ នេះជាគោលដៅដំបូងក្នុងក្របខ័ណ្ឌនៃដំណើរទស្សនកិច្ចទៅកាន់ប្រទេសចិន ជប៉ុន និងកូរ៉េខាងត្បូង របស់នាវាលេខ ០១៥- Tran Hung Dao។

នាវាលេខ ០១៥- Tran Hung Dao រៀបចំចូលចតនៅកំពង់ផែឈីងតាវ

បន្ទាប់ពីពិធីស្វាគមន៍ នាយទាហានកងទ័ពជើងទឹកចិនបានទៅទស្សនានាវាលេខ ០១៥។ គណៈប្រតិភូ និងកម្មាភិបាល យុទ្ធជន នៃនាវាលេខ ០១៥ បានទៅទស្សនានាវា Weifang របស់កងទ័ពជើងទឹកចិន។

គណៈប្រតិភូនៃកងទ័ពជើងទឹកប្រជាជនវៀតណាមគោររពកំពង់ផែ

ក្នុងអំឡុងពេលទស្សនកិច្ចនៅប្រទេសចិន គណៈប្រតិភូរួមទាំងកម្មាភិបាល និងនាវិកនៃនាវាលេខ ០១៥ នឹងចូលជួបសម្តែងការគួរសមជាមួយថ្នាក់ដឹកនាំនៃកងនាវា Beihai និងអាជ្ញាធរទីក្រុងឈីងតាវ; ចូលរួមក្នុងសកម្មភាពផ្លាស់ប្តូរមួយចំនួនជាមួយកងទ័ពជើងទឹកចិន; កងនាវាលេខ ០១៥ នឹងហ្វឹកហាត់រួមគ្នានៅលើសមុទ្រជាមួយនាវាកងទ័ពជើងទឹកចិន។ តាមរយៈសកម្មភាពទាំងនេះ រួមចំណែកដល់ការពង្រឹងទំនាក់ទំនងសហប្រតិបត្តិការ បង្កើនការយល់ដឹង និងការជឿទុកចិត្តរវាងកងទ័ពជើងទឹកទាំងពីរ និងកងទ័ពនៃប្រទេសទាំងពីរវៀតណាម និងចិន។