កិច្ចប្រជុំមេបញ្ជាការកងទ័ពជើងគោកអាស៊ានលើកទី២៦ នៅប្រទេសសិង្ហបុរី

មានប្រសាសន៍នៅក្នុងកិច្ចប្រជុំ លោកឧត្តមសេនីយ៍ឯក Nguyen Van Nghia បានវាយតម្លៃខ្ពស់ចំពោះប្រធានបទនៃកិច្ចប្រជុំ ACAMM-26 ក្នុងបរិបទនៃការប្រែប្រួលអាកាសធាតុ និងគ្រោះមហន្តរាយធម្មជាតិ ដែលកំពុងវិវឌ្ឍយ៉ាងស្មុគស្មាញ និងមិនអាចទាយទុកជាមុនបាន ដែលបណ្តាលឱ្យខូចខាតដល់អាយុជីវិត និងទ្រព្យសម្បត្ត។ ទន្ទឹមនឹងនោះ លោកបានសង្កត់ធ្ងន់ថា កងទ័ពជើងគោកគឺជាកម្លាំងដំបូង និងដោយផ្ទាល់ដែលដាក់ពង្រាយសកម្មភាពបង្ការ និងគ្រប់គ្រងគ្រោះមហន្តរាយធម្មជាតិ ជំនួយមនុស្សធម៌ និងការសង្គ្រោះគ្រោះមហន្តរាយ។

លោកឧត្តមសេនីយ៍ឯក Nguyen Van Nghia និងប្រធានគណៈប្រតិភូចូលរួមកិច្ចប្រជុំមេបញ្ជាការកងទ័ពជើងគោកអាស៊ានលើកទី២៦ នៅប្រទេសសិង្ហបុរី

ប្រធានគណៈប្រតិភូវៀតណាមបានចែករំលែកបទពិសោធន៍របស់កងទ័ពប្រជាជនវៀតណាមក្នុងការឆ្លើយតបទៅនឹងគ្រោះមហន្តរាយធម្មជាតិ និងគ្រោះមហន្តរាយ  ព្រមទាំងបញ្ជាក់ថា កងទ័ពប្រជាជនវៀតណាម បាន និងកំពុងបន្តចូលរួមដោយមានការប្តេជ្ញាចិត្តខ្ពស់បំផុតក្នុងសកម្មភាពសហប្រតិបត្តិការរវាងកងទ័ពនៃប្រទេសអាស៊ាននិយាយរួម និងរវាងកងទ័ពជើងគោកនៃប្រទេសអាស៊ាននិយាយដោយឡែក ដើម្បីឆ្លើយតបប្រកបដោយប្រសិទ្ធភាពចំពោះបញ្ហាប្រឈមទាំងអស់ ដើម្បីតំបន់សន្តិភាព ស្ថិរភាព និងអភិវឌ្ឍប្រកបដោយចីរភាព។

ក្នុងក្របខ័ណ្ឌនៃកិច្ចប្រជុំនេះ លោកឧត្តមសេនីយ៍ឯក Nguyen Van Nghia បានមានជំនួបទ្វេភាគីជាមួយប្រធានគណៈប្រតិភូមកពីប្រទេសសិង្ហបុរី ថៃ ប្រ៊ុយណេ ព្រមទាំងពិភាក្សានៅខាងក្រៅជាមួយប្រធានគណៈប្រតិភូមកពីប្រទេសអាស៊ានលើវិធានការដើម្បីជំរុញកិច្ចសហប្រតិបត្តិការកងទ័ពជើងគោកជាមួយប្រទេសដទៃទៀត។

នៅក្នុងពិធីបិទ AARM-33 លោកឧត្តមសេនីយ៍ឯក Nguyen Van Nghia បានជួបសំណេះសំណាល និងលើកសរសើរចំពោះ​សមិទ្ធផលលេចធ្លោរបស់ក្រុមកងទ័ពប្រជាជនវៀតណាម៕

បកប្រែដោយ Huyen Trang