អញ្ជើញចូលរួមព្រឹត្តិការណ៍នេះរួមមាន៖ លោក Rogelio Polanco Fuentes ឯកអគ្គរដ្ឋទូតគុយបាប្រចាំនៅវៀតណាម; លោកវរសេនីយ៍ឯក Ángel Luis Cruz García អនុព័ន្ធយោធា កងទ័ពជើងទឹក និងទ័ពជើងអាកាសគុយបាប្រចាំនៅវៀតណាម។

មានប្រសាសន៍នៅក្នុងកិច្ចសន្ទនា លោកវរសេនីយ៍ឯកបម្រុង Nguyen Quang Huy ប្រធានគណៈយុវជនយោធា ប្រធានគណៈប្រតិភូនាយទាហានវ័យក្មេងនៃកងទ័ពប្រជាជនវៀតណាម បានអះអាងថា ការជួបប្រាស្រ័យ  និងការចែករំលែកបទពិសោធន៍រវាងនាយទាហានវ័យក្មេងនៃប្រទេសទាំងពីរ គឺជាសកម្មភាពដ៏សំខាន់ រួមចំណែកដល់ការអប់រំយុវជនជំនាន់ក្រោយនៅក្នុងកងទ័ពនៃប្រទេសទាំងពីរអំពីចំណងសាមគ្គីភាពពិសេស និងមិត្តភាពរវាងវៀតណាម និងគុយបា ទន្ទឺមនឹងនោះជំរុញកិច្ចសហប្រតិបត្តិការការពារជាតិទ្វេភាគីរវាងប្រទេសទាំងពីរឲ្យកាន់តែស៊ីជម្រៅថែមទៀត។

leftcenterrightdel
ទិដ្ឋភាពនៃកិច្ចសន្ទនា

ដោយសង្កត់ធ្ងន់លើទំនាក់ទំនងដ៏ស្មោះត្រង់ និងជិតស្និទ្ធរវាងប្រជាជាតិទាំងពីរ លោកវរសេនីយ៍ឯក Fernando Quivillet Loyola ប្រធានគណៈនយោបាយនៃអង្គទ័ព​ភាគខាងកើត និងជាប្រធានគណៈប្រតិភូនាយទាហានវ័យក្មេងនៃក្រសួងបណ្តាកងកម្លាំងប្រដាប់អាវុធបដិវត្តន៍គុយបា បានបញ្ជាក់ថា កិច្ចសន្ទនានេះគឺជាកិច្ចសន្យាមួយថាទំនាក់ទំនងរវាងប្រទេសទាំងពីរមិនត្រឹមតែផ្អែកលើប្រពៃណីប៉ុណ្ណោះទេ ថែមទាំងឆ្ពោះទៅរកអនាគតទៀតផង ។ លោកបញ្ជាក់ថាយុវជនជំនាន់ក្រោយនៃប្រទេសទាំងពីរនឹងបន្តថែរក្សា និងពូនជ្រំចំណងសាមគ្គីភាពពិសេសរវាងវៀតណាម និងគុយបាឱ្យកាន់តែរឹងមាំថែមទៀត។

ក្នុងក្របខ័ណ្ឌនៃដំណើរទស្សនកិច្ច និងការជួបប្រាស្រ័យនៅវៀតណាមចាប់ពីថ្ងៃទី ២៦ ខែវិច្ឆិកា ដល់ថ្ងៃទី ៨ ខែធ្នូ គណៈប្រតិភូនាយទាហានវ័យក្មេងនៃក្រសួងបណ្តាកងកម្លាំងប្រដាប់អាវុធបដិវត្តន៍គុយបានឹងទៅទស្សនាកេរ្តិ៍ដំណែលប្រវត្តិសាស្ត្រមួយចំនួន ទស្សនា និងជួបប្រាស្រ័យនៅអង្គភាពមួយចំនួននៃកងទ័ពប្រជាជនវៀតណាម៕

បកប្រែដោយ Huyen Trang