រួមចំណែកជំរុញកិច្ចសហប្រតិបត្តិការការពារជាតិវៀតណាម-ឡាវ អភិវឌ្ឍប្រកបដោយប្រសិទ្ធភាព

លោកឧត្តមសេនីយ៍ត្រី Khuanming Bidasak នាយកនៃនាយកដ្ឋានវិទ្យាសាស្ត្រ ប្រវត្តិសាស្ត្រយោធា ក្រសួងការពារជាតិឡាវ បានថ្លែងអំណរគុណ និងវាយតម្លៃខ្ពស់ចំពោះការគាំទ្រ និងការជួយឧបត្ថម្ភរបស់ស្ថាប័នព័ត៌មានអេឡិចត្រូនិករបស់ក្រសួងការពារប្រទេសវៀតណាមក្នុងរយៈពេលកន្លងមក ដែលបង្ហាញពីសាមគ្គីភាពពិសេសរវាងបក្សទាំងពីរ រដ្ឋទាំងពីរ កងទ័ព និងប្រជាជននៃប្រទេសទាំងពីរ។

លោកឧត្តមសេនីយ៍ត្រី Le Van Dung ជូនវត្ថុអនុស្សាវរីយ៍ដល់ លោកឧត្តមសេនីយ៍ត្រី Khuanming Bidasak

នៅក្នុងកិច្ចពិភាក្សា គណៈប្រតិភូនៃនាយកដ្ឋានវិទ្យាសាស្ត្រ ប្រវត្តិសាស្ត្រយោធា ក្រសួងការពារជាតិឡាវ បានស្តាប់ការណែនាំអំពីមុខងារ និងភារកិច្ច បទពិសោធន៍ក្នុងការកសាង គ្រប់គ្រង ដំណើរការ ធានាសន្តិសុខ និងសុវត្ថិភាពនៃប្រព័ន្ធ ការងារកសាង គ្រប់គ្រងមូលដ្ឋានទិន្នន័យ និងសេវាកម្ម និងតភ្ជាប់ព័ត៌មាននៃស្ថាប័នព័ត៌មានអេឡិចត្រូនិករបស់ក្រសួងការពារប្រទេសវៀតណាម។ លើសពីនេះ ភាគីទាំងពីរក៏បានផ្លាស់ប្តូរ និងចែករំលែកបទពិសោធន៍មួយចំនួនដោយស្មោះត្រង់ និងបើកចំហក្នុងការអនុវត្តភារកិច្ច ព្រមទាំងលើកឡើងទិសដៅសម្រាប់កិច្ចសហប្រតិបត្តិការនាពេលខាងមុខ។

លោកឧត្តមសេនីយ៍ត្រី Le Van Dung និងលោកឧត្តមសេនីយ៍ត្រី Khuanming Bidasak រួមជាមួយប្រតិភូក្នុងកិច្ចពិភាក្សា

លោកឧត្តមសេនីយ៍ត្រី Le Van Dung អនុប្រធានការិយាល័យគណៈកម្មាធិការបក្សយោធាមជ្ឈិម ការិយាល័យក្រសួងការពារប្រទេសវៀតណាម បានអះអាងថា ការិយាល័យក្រសួងការពារប្រទេសវៀតណាម ត្រៀមខ្លួនជាស្រេចគាំទ្រអស់ពីសមត្ថភាពលើវិស័យដែលនាយកដ្ឋានវិទ្យាសាស្ត្រ ប្រវត្តិសាស្ត្រយោធា ក្រសួងការពារជាតិឡាវ ត្រូវផ្តល់យោបល់ និងជំនួយ ដោយហេតុនេះជំរុញទំនាក់ទំនងរវាងស្ថាប័នទាំងពីរកាន់តែស៊ីជម្រៅថែមទៀត រួមចំណែកជំរុញទំនាក់ទំនងសហប្រតិបត្តិការរវាងកងទ័ពនៃប្រទេសទាំងពីរ វៀតណាម-ឡាវ ឱ្យកាន់តែអភិវឌ្ឍជាក់ស្តែង និងប្រកបដោយប្រសិទ្ធភាព៕

បកប្រែដោយ Thanh Cong