យកចិត្តទុកដាក់យ៉ាងខ្លាំងលើការផ្លាស់ប្ដូរប្រជាជនរវាងវៀតណាម និងចិន

លោកស្រី Bui Thi Minh Hoai មានប្រសាសន៍​ក្នុង​ជំនួប​

លោកស្រី Bui Thi Minh Hoai បានសង្កត់ធ្ងន់លើទំនាក់ទំនងមិត្តភាពជាប្រពៃណី "ជាសមមិត្តផង និងជាបងប្អូនផង" រវាងវៀតណាម និងចិន ដែលត្រូវបានបង្កើតឡើងដោយលោកប្រធាន ហូ ជីមិញ និងលោកប្រធាន ម៉ៅ សេទុង ហើយត្រូវបានបន្តពូនជ្រំ និងអភិវឌ្ឍដោយជំនាន់ក្រោយៗ។ លោកស្រីបានបញ្ជាក់ថា ការផ្លាស់ប្ដូរប្រជាជនតែងតែត្រូវបានថ្នាក់ដឹកនាំនៃបក្ស និងរដ្ឋនៃប្រទេសទាំងពីរយកចិត្តទុកដាក់យ៉ាងខ្លាំង។ លោកស្រី​វាយតម្លៃខ្ពស់ចំពោះវេទិកាប្រជាជនវៀតណាម-ចិន លើកទី១៣ ដែលត្រូវបានប្រារព្ធឡើងនៅក្នុងឆ្នាំផ្លាស់ប្តូរប្រជាជន រំលឹកខួបលើកទី៧៥ នៃការបង្កើតទំនាក់ទំនងការទូតរវាងវៀតណាម និងចិន។ លោកស្រីបានទទួលស្គាល់ និងវាយតំលៃខ្ពស់ចំពោះការរួមចំណែករបស់សម្ព័ន្ធអង្គការមិត្តភាពវៀតណាម (VUFO) និងសមាគមមិត្តភាពការទូតប្រជាជនចិន ហើយសង្ឃឹមថានៅពេលខាងមុខ ស្ថាប័នទាំងពីរនឹងបន្តលើកកម្ពស់តួនាទីរបស់ខ្លួនដែលជាស្ពានតភ្ជាប់ទំនាក់ទំនងមិត្តភាពរវាងប្រជាជននៃប្រទេសទាំងពីរ។

លោកស្រី Bui Thi Minh Hoai និងប្រតិភូក្នុង​ជំនួប​

តាងនាមប្រតិភូ លោក Sun Xueqing អនុប្រធានសមាគមមិត្តភាពការទូតប្រជាជនចិន បានសម្តែងនូវសេចក្តីសោមនស្សរីករាយដែលបានអញ្ជើញមកប្រទេសវៀតណាមដើម្បីចូលរួមវេទិកាប្រជាជនវៀតណាម-ចិនលើកទី១៣ ក្នុងឱកាសនៃ​ឆ្នាំផ្លាស់ប្តូរប្រជាជន រំលឹកខួបលើកទី៧៥ នៃការបង្កើតទំនាក់ទំនងការទូតរវាងប្រទេសទាំងពីរ។ លោកបានសង្កត់ធ្ងន់ថា ប្រទេសចិន និងវៀតណាម​មានទំនាក់ទំនងមិត្តភាពជ្រាលជ្រៅ «ជាសមមិត្ត និងជាបងប្អូន» ហើយការផ្លាស់ប្តូរប្រជាជន និងប្រជាជនត្រូវបានថ្នាក់ដឹកនាំនៃប្រទេសទាំងពីរយកចិត្តទុកដាក់យ៉ាងខ្លាំង។ ក្នុងឱកាសនេះ លោក Sun Xueqing បានថ្លែងអំណរគុណចំពោះកិច្ចសហប្រតិបត្តិការយ៉ាងជិតស្និទ្ធរបស់ VUFO ក្នុងរយៈពេលកន្លងមក ហើយបានអះអាងថា សមាគមមិត្តភាពការទូតប្រជាជនចិន នឹងបន្តសហការជាមួយ VUFO ដើម្បីលើកកម្ពស់ទិសស្លោក (ភាពជាអ្នកជិតខាងល្អ កិច្ចសហប្រតិបត្តិការទូលំទូលាយ ស្ថិតស្ថិរយូរអង្វែង ឆ្ពៅទៅរកអនាគត) និងស្មារតី (អ្នកជិតខាងល្អ មិត្តល្អ សមមិត្តល្អ ដៃគូល្អ) រួមចំណែកដល់ការកសាងសហគមន៍ចែករំលែកអនាគតវៀតណាម-ចិន ដែលមានអត្ថ​ន័យជាយុទ្ធសាស្ត្រសម្រាប់ការអភិវឌ្ឍវិជ្ជមាន និងទូលំទូលាយក្នុងទិសដៅ "៦ បន្ថែមទៀត" ទំនុកចិត្តនយោបាយកាន់តែខ្ពស់បន្ថែមទៀត កិច្ចសហប្រតិបត្តិការការពារជាតិនិងសន្តិសុខកាន់តែរឹងមាំបន្ថែមទៀត កិច្ចសហប្រតិបត្តិការកាន់តែស៊ីជម្រៅបន្ថែមទៀត មូលដ្ឋានគ្រឹះសង្គមកាន់តែរឹងមាំបន្ថែមទៀត ការសម្របសម្រួលពហុភាគីកាន់​តែជិតស្និទ្ធបន្ថែមទៀត ការខ្វែងគំនិតគ្នាដែលបានគ្រប់គ្រងនិងដោះស្រាយបានកាន់តែប្រសើរបន្ថែមទៀត៕

បកប្រែដោយ Duy Hoan