កិច្ចសហប្រតិបត្តិការរវាងមូលដ្ឋាន និងអាជីវកម្មនានា គឺជាកម្លាំងចលករថ្មីនៃទំនាក់ទំនងវៀតណាម-ជប៉ុន

មានប្រសាសន៍នៅក្នុងវេទិកានេះលោក Pham Minh Chinh នាយករដ្ឋមន្ត្រីវៀតណាម បានមានប្រសាសន៍ថា ភាគីទាំងពីរចាំបាច់ត្រូវមានកិច្ចសហប្រតិបត្តិការយ៉ាងសកម្ម ច្នៃប្រឌិត ដោយលើកកម្ពស់សក្តានុពល និងកត្តាបំពេញបន្ថែមរវាងមូលដ្ឋាននៃប្រទេសទាំងពីរ ដោយផ្អែកលើគោលការណ៍ "ផលប្រយោជន៍ទៅវិញទៅមក" ដើម្បីវិបុលភាពរួម។ លើសពីនេះលោក Pham Minh Chinh នាយករដ្ឋមន្ត្រី បានសង្កត់ធ្ងន់ថា "អាជីវកម្ម និងប្រជាជនជាមជ្ឈភាពប្រធានបទ គោលដៅ កម្លាំងចលករ និងធនធានសំខាន់នៃកិច្ចសហប្រតិបត្តិការ" ក្នុងស្មារតីនៃ ៣ បន្ថែមទៀត៖ "ការងារកាន់តែប្រសើរ ប្រាក់ចំណូលខ្ពស់ ជំនាញកាន់តែប្រសើរ"។

លោក Pham Minh Chinh នាយករដ្ឋមន្ត្រី មានប្រសាសន៍នៅក្នុងវេទិកាសហប្រតិបត្តិការរវាងមូលដ្ឋាននានាវៀតណាម-ជប៉ុន (រូបថត៖ vnanet.vn)

ដោយបញ្ជាក់ពីសារៈសំខាន់នៃការផ្លាស់ប្តូរវប្បធម៌ និងការយោគយល់គ្នាទៅវិញទៅមក ក៏ដូចជានវានុវត្តន៍ និងការធ្វើបរិវត្តកម្មឌីជីថលសម្រាប់កិច្ចសហប្រតិបត្តិការរវាងមូលដ្ឋាននានា លោកនាយករដ្ឋមន្ត្រីបានស្នើឲ្យភាគីទាំងពីរសិក្សា និងលើកកម្ពស់គំរូសហប្រតិបត្តិការលើបច្ចេកវិទ្យាឌីជីថល បញ្ញាសិប្បនិម្មិត (AI) ទីក្រុងឆ្លាតវៃ។ល។ ជាពិសេស លោកនាយករដ្ឋមន្ត្រីមានគោលបំណងថាភាគីជប៉ុនបង្កើនការចែករំលែកបទពិសោធន៍ និងការគាំទ្រមូលដ្ឋាន និងសហគ្រាសវៀតណាមក្នុងការកសាងប្រព័ន្ធអេកូឡូស៊ីនវានុវត្តន៍ ជំរុញការធ្វើបរិវត្តកម្មឌីជីថលក្នុងអាជ្ញាធរមូលដ្ឋាន លើកកម្ពស់សមត្ថភាពកសាងគោលនយោបាយ និងអភិបាលកិច្ចនៅក្នុងវិស័យអាទិភាព។

លោក Pham Minh Chinh នាយករដ្ឋមន្ត្រី និងប្រតិភូចូលរួមវេទិកាសហប្រតិបត្តិការក្នុងមូលដ្ឋានវៀតណាម-ជប៉ុន (រូបថត៖ vnanet.vn)

លោកនាយករដ្ឋមន្ត្រីបានសន្យាថា នឹងបន្តខិតខំប្រឹងប្រែងបន្ថែមទៀត ដោយតែងតែរួមដំណើរជាមួយមូលដ្ឋាន និងវិនិយោគិនជប៉ុន។ ទន្ទឹមនឹងនោះ លោកនាយករដ្ឋមន្ត្រីបានអំពាវនាវឱ្យមូលដ្ឋាន និងសហគ្រាសជប៉ុនបន្តជឿទុកចិត្ត និងតភ្ជាប់យ៉ាងជិតស្និទ្ធជាមួយវៀតណាមក្នុងដំណើរការអភិវឌ្ឍន៍ រួមចំណែកឥតឈប់ឈរដល់វិបុលភាពរបស់ប្រទេសទាំងពីរ ក៏ដូចជាទំនាក់ទំនងភាពជាដៃគូយុទ្ធសាស្ត្រគ្រប់ជ្រុងជ្រោយវៀតណាម-ជប៉ុន។

ក្នុងសារអនឡាញផ្ញើដល់វេទិកា លោកស្រី Takaichi Sanae នាយករដ្ឋមន្ត្រីជប៉ុន បានអះអាងថា ជប៉ុននឹងបន្តពង្រឹងកិច្ចសហប្រតិបត្តិការជាមួយវៀតណាមក្នុងដំណើរការកែទម្រង់ដើម្បីសម្រេចបាននូវកំណើនសេដ្ឋកិច្ចបន្ថែមទៀត ដោយបញ្ជាក់ថា ប្រទេសទាំងពីរអាចរួមគ្នាបង្កើតអនាគតប្រកបដោយចីរភាពក្នុងស្មារតី "បង្កើតរួមគ្នា"៕

បកប្រែដោយ Huyen Trang