លោក Ho Duc Phoc ឧបនាយករដ្ឋមន្ត្រីវៀតណាម ទទួលជួបលោកអនុប្រធានធនាគារពិភពលោក (WB)

លោក Ho Duc Phoc និងលោកអនុប្រធាន WB ជាមួយប្រតិភូដែលចូលរួមជំនួប (រូបថត៖ baochinhphu.vn)

នៅក្នុងជំនួបនេះ លោក Ho Duc Phoc បានស្នើឲ្យ WB ពង្រឹងកិច្ចសហប្រតិបត្តិការក្នុងវិស័យហេដ្ឋារចនាសម្ព័ន្ធយុទ្ធសាស្ត្រ logistics ថាមពលស្អាត ការអភិវឌ្ឍទីក្រុង ការធ្វើបរិវត្តកម្មឌីជីថល ការគ្រប់គ្រងទិន្នន័យ ការសម្របខ្លួនទៅនឹងការប្រែប្រួលអាកាសធាតុ កិច្ចសហប្រតិបត្តិការ ODA និងដើមទុនអនុគ្រោះសម្រាប់ការអភិវឌ្ឍហេដ្ឋារចនាសម្ព័ន្ធដឹកជញ្ជូន... ព្រមទាំង លោកបានស្នើឲ្យលោកអនុប្រធាន WB សហការយ៉ាងជិតស្និទ្ធជាមួយនាយក WB ប្រចាំប្រទេសវៀតណាម ដើម្បីជម្រុញការអនុវត្តប្រកបដោយប្រសិទ្ធភាពនូវគំនិតផ្តួចផ្តើមសហប្រតិបត្តិការ អនុវត្តវិស័យអាទិភាពរួមរវាងភាគីទាំងពីរ។

លោក Carlos Felipe Jaramillio ក៏បានពិភាក្សាជាមួយលោក Ho Duc Phoc លើបញ្ហាសំខាន់ៗ ដូចជា៖ ការវិនិយោគលើគម្រោងប្រើប្រាស់វិទ្យាសាស្ត្រ បច្ចេកវិទ្យា ការធ្វើបរិវត្តកម្មឌីជីថល នវានុវត្តន៍ ការអនុវត្ត “គម្រោងអភិវឌ្ឍន៍ប្រកបដោយចីរភាពនូវការដាំដុះស្រូវដែលមានគុណភាពខ្ពស់ និងមានការបំភាយឧស្ម័នទាបចំនួន ១ លានហិកតា ដែលតភ្ជាប់នឹងកំណើនបៃតងនៅតំបន់ដីសណ្តទន្លេមេគង្គ”...៕

បកប្រែដោយ Thuy Anh