វៀតណាម និង UAE ផ្តល់អាទិភាពដល់ការជំរុញកិច្ចសហប្រតិបត្តិការការពារជាតិជាក់ស្តែង

នៅក្នុងជំនួប លោកឧត្តមសេនីយ៍ទោ Ibrahim Nasser Al-Alawi បានថ្លែងអំណរគុណយ៉ាងស្មោះស្ម័គ្រចំពោះក្រសួងការពារប្រទេសវៀតណាម ដែលបានចាត់បញ្ជូនគណៈប្រតិភូទៅចូលរួមការតាំងពិព័រណ៍បច្ចេកវិទ្យាយោធាអន្តរជាតិឌូបៃឆ្នាំ ២០២៥ និងកិច្ចប្រជុំមេបញ្ជាការកងទ័ពជើងអាកាសអន្តរជាតិ (DIACC) ឆ្នាំ ២០២៥ ដោយសង្កត់ធ្ងន់ថា នេះជាឱកាសសម្រាប់ភាគីទាំងពីរ បង្កើនការផ្លាស់ប្តូរ និងជំរុញកិច្ចសហប្រតិបត្តិការ។

លោកឧត្តមសេនីយ៍ឯក Hoang Xuan Chien ទទួលជួបជាមួយលោកឧត្តមសេនីយ៍ទោ Ibrahim Nasser Al-Alawi អនុរដ្ឋមន្ត្រីក្រសួងការពារជាតិ UAE

លោកឧត្តមសេនីយ៍ឯក Hoang Xuan Chien បានអបអរសាទរក្រសួងការពារជាតិ UAE ដែលបានរៀបចំការតាំងពិព័រណ៍បច្ចេកវិទ្យាយោធាអន្តរជាតិឌូបៃឆ្នាំ ២០២៥ និង DIACC ឆ្នាំ ២០២៥ ប្រកបដោយជោគជ័យ។ លោកឧត្តមសេនីយ៍ឯក Hoang Xuan Chien បានអះអាងថា ព្រឹត្តិការណ៍ទាំងនេះបន្តបញ្ជាក់ពីកិត្យានុភាពរបស់ UAE ជាមជ្ឈមណ្ឌលអាកាសចរណ៍ ឧស្សាហកម្មការពារជាតិឈានមុខគេមួយនៅក្នុងតំបន់ និងនៅលើពិភពលោក ដោយបង្ហាញពីចក្ខុវិស័យយុទ្ធសាស្ត្រ សមត្ថភាពរៀបចំ និងកិត្យានុភាពអន្តរជាតិរបស់ UAE។

លោកឧត្តមសេនីយ៍ឯក Hoang Xuan Chien និងលោកឧត្តមសេនីយ៍ទោ Ibrahim Nasser Al-Alawi អនុរដ្ឋមន្ត្រីក្រសួងការពារជាតិ UAE

ភាគីទាំងពីរបានវាយតម្លៃខ្ពស់ចំពោះការវិវឌ្ឍវិជ្ជមាននៃកិច្ចសហប្រតិបត្តិការការពារជាតិរវាងប្រទេសទាំងពីរក្នុងរយៈពេលកន្លងមក ជាពិសេសនៅក្នុងវិស័យដូចជា៖ ការផ្លាស់ប្តូរគណៈប្រតិភូគ្រប់លំដាប់ថ្នាក់ ការគាំទ្រយ៉ាងសកម្ម ការចាត់បញ្ជូនគណៈប្រតិភូទៅចូលរួមពិព័រណ៍ការពារជាតិអន្តរជាតិ សន្និសីទ និងសិក្ខាសាលាដែលរៀបចំដោយភាគីនីមួយៗ។ល។

លោកឧត្តមសេនីយ៍ឯក Hoang Xuan Chien បានស្នើឱ្យភាគីទាំងពីរបង្កើនការពិគ្រោះយោបល់ការពារជាតិ រៀបចំកិច្ចសន្ទនាគោលនយោបាយការពារជាតិថ្នាក់អនុរដ្ឋមន្ត្រី ជំរុញការចុះហត្ថលេខាលើអនុស្សរណៈនៃការយោគយល់គ្នាស្តីពីកិច្ចសហប្រតិបត្តិការឧស្សាហកម្មការពារជាតិ ពង្រឹងកិច្ចសហប្រតិបត្តិការលើវិស័យឧស្សាហកម្មការពារជាតិ រួមទាំងកិច្ចសហប្រតិបត្តិការរវាងអគ្គនាយកដ្ឋានឧស្សាហកម្មការពារជាតិ សាជីវកម្ម Viettel និងសាជីវកម្មឧស្សាហកម្មការពារជាតិសំខាន់ៗរបស់ UAE។ ទន្ទឹមនឹងនោះ លោកឧត្តមសេនីយ៍ឯក Hoang Xuan Chien បានស្នើឱ្យក្រសួងការពារជាតិ UAE យកចិត្តទុកដាក់លើការជំរុញការបង្កើតការិយាល័យអនុព័ន្ធយោធាវៀតណាមប្រចាំនៅ UAE៕

បកប្រែដោយ Huyen Trang