នាវាលេខ ០១៥ - Tran Hung Dao ចេញដំណើរទៅកាន់ប្រទេសចិន ជប៉ុន និងកូរ៉េខាងត្បូង

យោងតាមផែនការ គណៈប្រតិភូ កម្មាភិបាល និងនាវិកនៃនាវាលេខ ០១៥ - Tran Hung Dao នឹងចូលជួបសម្តែងការគួរសមជាមួយអាជ្ញាធរទីក្រុង Qingdao ជួបប្រាស្រ័យ និងធ្វើលំហាត់សមនៅលើសមុទ្រជាមួយកងទ័ពជើងទឹកចិន។ នៅទីក្រុង Kure ប្រទេសជប៉ុន គណៈប្រតិភូនឹងចូលជួបសម្តែងការគួរសមជាមួយថ្នាក់ដឹកនាំអាជ្ញាធរមូលដ្ឋាន និងធ្វើលំហាត់សមជាមួយកងកម្លាំងការពារឆ្នេរសមុទ្រជប៉ុន។ នៅទីក្រុង Busan ប្រទេសកូរ៉េខាងត្បូង គណៈប្រតិភូនឹងចូលជួបសម្តែងការគួរសមជាមួយថ្នាក់ដឹកនាំអាជ្ញាធរមូលដ្ឋាន និងមានសកម្មភាពផ្លាស់ប្តូរមួយចំនួនជាមួយកងទ័ពជើងទឹកកូរ៉េខាងត្បូង។

ថ្នាក់ដឹកនាំបញ្ជាការដ្ឋានតំបន់លេខ ៤ កងទ័ពជើងទឹក ផ្តល់ផ្កាជូនគណៈប្រតិភូ

ដំណើរទស្សនកិច្ចលើកនេះគឺជាសកម្មភាពសំខាន់មួយក្នុងផែនការកិច្ចការបរទេសការពារជាតិឆ្នាំ ២០២៥ របស់កងទ័ពជើងទឹកប្រជាជនវៀតណាម រួមចំណែកដល់ការពង្រឹងទំនាក់ទំនង បង្កើនការយល់ដឹង ការជឿទុកចិត្ត និងកិច្ចសហប្រតិបត្តិការរវាងកងទ័ពជើងទឹកប្រជាជនវៀតណាម និងកងទ័ពជើងទឹកនៃប្រទេសចិន ជប៉ុន និងកូរ៉េខាងត្បូង៕

បកប្រែដោយ Huyen Trang