កងនាវាចិនអញ្ជើញមក​បំពេញទស្សនកិច្ចនៅខេត្ត Khanh Hoa

លោកវរនាវីឯក Nguyen Minh Lanh នាយរងសេនាធិការនៃតំបន់លេខ ៤ កងទ័ពជើងទឹកប្រជាជនវៀតណាម បានធ្វើជាអធិបតីក្នុងពិធីទទួលស្វាគមន៍កងនាវាចិន។

គណៈប្រតិភូទាំងពីរបានថតរូបទុកជាអនុស្សាវរីយ៍

ក្នុងក្របខ័ណ្ឌនៃដំណើរទស្សនកិច្ចចាប់ពីថ្ងៃទី ២១  ដល់ថ្ងៃទី ២៥ ខែវិច្ឆិកា ក្រុមមេបញ្ជាការកងនាវាលេខ ៩៨៩ នឹងចូលជួបសម្តែងការគួរសមជា​មួយថ្នាក់ដឹកនាំគណៈកម្មាធិការប្រជាជនខេត្ត Khanh Hoa និងបញ្ជាការដ្ឋានតំបន់លេខ ៤ កងទ័ពជើងទឹកវៀតណាម, ទស្សនាកន្លែងហ្វឹកហាត់ និង​ចូលរួមប្រកួតកីឡាជាមួយកម្មាភិបាល និងសិក្ខាកាមនៃវិទ្យាស្ថានកងទ័ពជើងទឹក។ កងទ័ពជើងទឹកនៃភាគីទាំងពីរក៏បានរៀបចំសកម្មភាពទទួលស្វាគមន៍ ពិធីជប់លៀង និងទស្សនានាវារបស់គ្នាទៅវិញទៅមក។

ដំណើរទស្សនកិច្ចនេះ សំដៅអនុវត្ដប្រកបដោយប្រសិទ្ធភាពនូវការព្រមព្រៀងរួមរវាងថ្នាក់ដឹកនាំនៃគណៈកម្មាធិការបក្សយោធាមជ្ឈិម  និងក្រសួងការពារប្រទេសវៀតណាម និងក្រសួងការពារជាតិចិន អំពី​ការបង្កើនការបញ្ជូននាវាយោធាមកបំពេញទស្សនកិច្ចគ្នាទៅវិញទៅមក លើកកម្ពស់ការយល់ដឹង ការជឿទុកចិត្តខាងនយោបាយ ការផ្លាស់ប្តូររវាងកងទ័ពជើងទឹកទាំងពីរ រួមចំណែកដល់ការពង្រឹងទំនាក់ទំនងសហប្រតិបត្តិការការពារជាតិ វៀតណាម-ចិនឲ្យកាន់តែមានប្រសិទ្ធភាពថែមទៀត។

បកប្រែដោយ Pham Diep