លោកនាយឧត្តមសេនីយ៍ Nguyen Trong Nghia អញ្ជើញ​ទស្សនកិច្ចការងារនៅខេត្ត Dong Thap និងខេត្ត Vinh Long

លោកនាយឧត្តមសេនីយ៍ Nguyen Trong Nghia អញ្ជើញ​ទស្សនកិច្ចការងារនៅគណៈបញ្ជាការការពារទប់ទល់តំបន់លេខ១ - Long Thuan  (បញ្ជាការដ្ឋានយោធាខេត្ត Dong Thap)

ក្នុងអំឡុងពេលនៃដំណើរទស្សនកិច្ចការងារ លោកនាយឧត្តមសេនីយ៍ Nguyen Trong Nghia បានទៅទស្សនកិច្ចការងារនៅគណៈបញ្ជាការការពារទប់ទល់តំបន់លេខ១ - Long Thuan  (បញ្ជាការដ្ឋានយោធាខេត្ត Dong Thap)។ មានប្រសាសន៍ក្នុងឱកាសនេះ លោកនាយឧត្តមសេនីយ៍ Nguyen Trong Nghia បានស្នើឱ្យអង្គភាពបន្តអនុវត្តយ៉ាងម៉ឺងម៉ាត់នូវសេចក្តីសម្រេចចិត្ត បទបញ្ជា និងការណែនាំពីថ្នាក់លើ រក្សាការត្រៀមខ្លួនប្រយុទ្ធយ៉ាងតឹងរ៉ឹង កសាងអង្គភាពដ៏រឹងមាំ។ ព្រមទាំងបន្តស្រាវជ្រាវ និងផ្តល់យោបល់ជូនថ្នាក់លើឱ្យកែសម្រួល និងបំពេញយន្តការធ្វើការ ធានាបាននូវការអនុវត្តប្រកបដោយប្រសិទ្ធភាពនៃការងារយោធា ការពារជាតិក្នុងតំបន់គ្រប់ស្ថានការណ៍។

លោកនាយឧត្តមសេនីយ៍ Nguyen Trong Nghia អញ្ជើញ​ទៅទស្សនកិច្ច និងប្រគល់អំណោយនៅសាលាបឋមសិក្សា Nguyen Thi Tot (ឃុំ Vinh Huu ខេត្ត Dong Thap)

បន្ទាប់មក គណៈប្រតិភូបានទៅទស្សនកិច្ច និងប្រគល់អំណោយនៅសាលាបឋមសិក្សា Nguyen Thi Tot (ឃុំ Vinh Huu ខេត្ត Dong Thap) ក្នុងឱកាសទិវាគ្រូបង្រៀនវៀតណាម (ថ្ងៃទី ២០ ខែវិច្ឆិកា)។ មានប្រសាសន៍ក្នុងឱកាសនេះ លោកនាយឧត្តមសេនីយ៍ Nguyen Trong Nghia  បានសម្តែងការរីករាយដែលលោកគ្រូអ្នកគ្រូ និងសិស្សានុសិស្សនៃសាលាមានកន្លែងបង្រៀននិងរៀនទំនើប សុវត្ថិភាព និងមានគុណភាពខ្ពស់។ លោកនាយឧត្តមសេនីយ៍ Nguyen Trong Nghia  បានស្នើឱ្យកម្មាភិបាល និងគ្រូបង្រៀនម្នាក់ៗនៃសាលាបឋមសិក្សា Nguyen Thi Tot បន្តផ្លាស់ប្តូរគំនិត ការយល់ដឹង និងសកម្មភាព ពូនជ្រំឲ្យសិស្សនូវគុណសម្បត្តិសីលធម៌របស់​ប្រជាជាតិ​វៀតណាម។

លោកនាយឧត្តមសេនីយ៍ Nguyen Trong Nghia អញ្ជើញ​ទៅសួរសុខទុក្ខ និងប្រគល់អំណោយជូនលោកនាយឧត្តមសេនីយ៍ Le Van Dung

នៅក្នុងកម្មវិធីការងារផងដែរ លោកនាយឧត្តមសេនីយ៍ Nguyen Trong Nghia បានអញ្ជើញ​ទៅសួរសុខទុក្ខ និងប្រគល់អំណោយជូនលោកនាយឧត្តមសេនីយ៍ Le Van Dung អតីតលេខាមជ្ឈិមបក្ស អតីតប្រធានអគ្គស្នងការនយោបាយនៃកងទ័ពប្រជាជនវៀតណាម។ លោកនាយឧត្តមសេនីយ៍ Nguyen Trong Nghia បានសួរសុខទុក្ខលោកនាយឧត្តមសេនីយ៍ Le Van Dung និងក្រុមគ្រួសារ។ លោកនាយឧត្តមសេនីយ៍ Le Van Dung  បានរាយការណ៍អំពីចំណុចសំខាន់ៗមួយចំនួននៃស្ថានភាពប្រទេសជាតិ លទ្ធផលនៃភារកិច្ចយោធាការពារជាតិ ការងារបក្ស ការងារនយោបាយនៅក្នុងកងទ័ពទាំងមូល។ លោកនាយឧត្តមសេនីយ៍ Nguyen Trong Nghia បានសម្តែងការដឹងគុណយ៉ាងជ្រាលជ្រៅចំពោះការរួមចំណែករបស់លោកនាយឧត្តមសេនីយ៍ Le Van Dung  ចំពោះបុព្វហេតុបដិវត្តន៍របស់ប្រទេសជាតិ និងការកសាងកងទ័ព។ លោកនាយឧត្តមសេនីយ៍ Nguyen Trong Nghia ជូនពរលោកនាយឧត្តមសេនីយ៍ Le Van Dung និងក្រុមគ្រួសារឲ្យមានសុខភាពល្អ និងសុភមង្គល ព្រមទាំងបន្តចែករំលែកបទពិសោធន៍ រួមចំណែកជួយអគ្គស្នងការដ្ឋាននយោបាយឲ្យបំពេញភារកិច្ចដែលបក្ស រដ្ឋ និងប្រជាជនបានប្រគល់ឲ្យប្រកប​ដោយជោគជ័យ។

លោកនាយឧត្តមសេនីយ៍ Nguyen Trong Nghia អុជធូបនៅទីបញ្ចុះសពយុទ្ធជនពលី Go Cong Dong

គណៈប្រតិភូនៅ​រូបសំណាក់​វីរជន Truong Dinh

ក្នុងអំឡុងពេលនៃដំណើរទស្សនកិច្ចការងារនេះ គណៈប្រតិភូបានអញ្ជើញដាក់កម្រងផ្កា និងអុជធូបនៅទីបញ្ចុះសពយុទ្ធជនពលី Go Cong Dong ទីស្ការៈបូជាយុទ្ធជនពលី Go Cong និងរូបសំណាក់ ទីក្ការៈបូជាវីរជន Truong Dinh (ខេត្ត Dong Thap)៕

បកប្រែដោយ Duy Hoan