leftcenterrightdel
លោកនាយឧត្តមសេនីយ៍ Phan Van Giang ចូលរួមទិវាបុណ្យមហាសាមគ្គីជនជាតិទាំងមូលនៅក្រុមលំនៅដ្ឋាន Dong

នៅទីនេះ លោកនាយឧត្តមសេនីយ៍ Phan Van Giang បានស្នើឱ្យអាជ្ញាធរគ្រប់លំដាប់ថ្នាក់ និងប្រជាជនក្នុងតំបន់ បន្តពង្រឹងការឃោសនា និងប្រកាន់ខ្ជាប់នូវទស្សនៈរបស់បក្សដែលបានកំណត់នៅក្នុងសេចក្តីព្រាងសេចក្តីសម្រេចនៃមហាសន្និបាទលើកទី១៤ របស់បក្ស ស្តីពីការលើកកម្ពស់កម្លាំងសាមគ្គីភាពជាតិ រួមជាមួយនឹងការអនុវត្តសេចក្តីសម្រេចរបស់ការិយាល័យនយោបាយប្រកបដោយប្រសិទ្ធភាព។ លោកនាយឧត្តមសេនីយ៍ Phan Van Giang បានសង្កត់ធ្ងន់លើសារៈសំខាន់នៃការយកចិត្តទុកដាក់ចំពោះការងារសុខុមាលភាពសង្គម ការថែទាំជីវភាពរស់នៅរបស់ប្រជាជន ជាពិសេសគ្រួសារដែលជួបការលំបាក អ្នកទទួលរបបពីរដ្ឋ និងអ្នកមានគុណូបការៈចំពោះបដិវត្តន៍។

leftcenterrightdel
លោកនាយឧត្តមសេនីយ៍ Phan Van Giang មានប្រសាសន៍នៅក្នុងទិវាបុណ្យ

លោកនាយឧត្តមសេនីយ៍ Phan Van Giang បានសង្កត់ធ្ងន់ថា មហាសាមគ្គីភាពមិនត្រឹមតែជាពាក្យសម្ដីប៉ុណ្ណោះទេ ថែមទាំងត្រូវតែបង្ហាញដោយសកម្មភាពជាក់ស្តែង និងការងារជាក់ស្តែង អាចមើលឃើញនៅក្នុងផ្លូវនីមួយៗ ផ្ទះសម្បែងនីមួយៗ សាលារៀននីមួយៗ និងគម្រោងសុខុមាលភាពនីមួយៗ។ លោកនាយឧត្តមសេនីយ៍ Phan Van Giang ក៏បានស្នើឱ្យប្រជាជនលើកកម្ពស់យ៉ាងខ្លាំងនូវចលនាប្រឡងប្រណាំងស្នេហាជាតិ ចម្លងគំរូជឿនលឿន ដាស់បំណងប្រាថ្នាចង់ចូលរួមចំណែក និងស្មារតីច្នៃប្រឌិត។

leftcenterrightdel
លោកនាយឧត្តមសេនីយ៍ Phan Van Giang និងប្រតិភូចូលរួមក្នុងទិវាបុណ្យ

លោកនាយឧត្តមសេនីយ៍ Phan Van Giang ជឿជាក់ថា សង្កាត់ Linh Son និងខេត្ត Thai Nguyen និយាយរួមនឹងបន្តធ្វើឱ្យមានការទម្លាយដ៏រឹងមាំជាងមុន ដោយក្លាយជាចំណុចភ្លឺក្នុងការអភិវឌ្ឍសេដ្ឋកិច្ច វប្បធម៌ និងសង្គម ការពង្រឹងការការពារជាតិ និងសន្តិសុខនៅក្នុងសម័យកាលថ្មី។

ក្នុងឱកាសនេះ លោកនាយឧត្តមសេនីយ៍ Phan Van Giang បានប្រគល់អំណោយដល់ក្រុមលំនៅដ្ឋាន Dong និងសង្កាត់ Linh Son (ខេត្ត Thai Nguyen) ក៏ដូចជាគ្រួសារគោលនយោបាយ គ្រួសារក្រីក្រ និងជិតបន្ទាត់ក្រីក្រ គ្រួសារដែលជួបការលំបាក និងគ្រួសារដែលរងផលប៉ះពាល់ដោយសារព្យុះ និងទឹកជំនន់នៅក្នុងតំបន់៕

បកប្រែដោយ Huyen Trang