លើកកម្ពស់សមត្ថភាពវិទ្យាសាស្ត្រ និងបច្ចេកវិទ្យា ដើម្បីបម្រើដល់ការអភិវឌ្ឍបច្ចេកវិទ្យាយុទ្ធសាស្ត្រ

លោកឧត្តមសេនីយ៍ឯក  Le Huy Vinh ថ្លែងក្នុងកិច្ចប្រជុំ

ក្នុងដំណាក់កាលកន្លងមក វិទ្យាស្ថានវិទ្យាសាស្ត្រ និងបច្ចេកវិទ្យាយោធាដែលបានក្រសួងការពារប្រទេសវិនិយោគកសាងមន្ទីរពិសោធន៍មួយចំនួននិងគម្រោងលើកកម្ពស់សក្តានុពលស្រាវជ្រាវ គាំទ្រការស្រាវជ្រាវ ច្នៃប្រឌិតនិងការធ្វើតេស្តផលិតផលអាវុធ ឧបករណ៍បច្ចេកទេស។ ទោះជាយ៉ាងណាក៏ដោយ ដើម្បីស្រាវជ្រាវនិងអភិវឌ្ឍសម្ភារៈថ្មីៗ ដើម្បីបម្រើដល់ការស្រាវជ្រាវ និងការធ្វើតេស្តផលិតផលយុទ្ធសាស្ត្រ ក៏ដូចជាការពិសោធន៍ឌីណាមិក និងមេកាត្រូនិកត្រូវមានមន្ទីរពិសោធន៍ទំនើប។ ដូច្នេះ វិទ្យាស្ថានវិទ្យាសាស្ត្រ និងបច្ចេកវិទ្យាយោធាបានស្នើសួងការពារប្រទេសវិនិយោគលើគម្រោងចំនួនពីរ៖ "ការវិនិយោគកសាងមន្ទីរពិសោធន៍សម្ភារៈថ្មី" និង "ការវិនិយោគកសាងមន្ទីរពិសោធន៍ឌីណាមិក​ និងមេកាត្រូនិក"។

គម្រោងទាំងពីរនេះនឹងជួយវិទ្យាស្ថានវិទ្យាសាស្ត្រ និងបច្ចេកវិទ្យាយោធាមានភាពសកម្មជាងមុនក្នុងការស្រាវជ្រាវ និងអភិវឌ្ឍបច្ចេកវិទ្យាយុទ្ធសាស្ត្រ និងបច្ចេកវិទ្យាស្នូលដើម្បីបម្រើដល់ដំណើរការរចនា និងច្នៃប្រឌិតអាវុធ និងឧបករណ៍បច្ចេកទេស  ដើម្បីធានាសម្រាប់វិស័យការការពារជាតិ។

ទិដ្ឋភាពនៃកិច្ចប្រជុំ

បន្ទាប់ពីស្តាប់របាយការណ៍របស់វិទ្យាស្ថានវិទ្យាសាស្ត្រ និងបច្ចេកវិទ្យាយោធា លោកឧត្តមសេនីយ៍ឯក  Le Huy Vinh  បានស្នើឲ្យវិទ្យាស្ថានវិទ្យាសាស្ត្រ និងបច្ចេកវិទ្យាយោធាទទួលយកមតិយោបល់នៅក្នុងកិច្ចប្រជុំ  កំណត់គោលដៅនិងតម្រូវការឲ្យបានត្រឹមត្រូវ ដើម្បីកសាងផែនការវិនិយោគតាមការតម្រង់ទិស។ បន្តស្រាវជ្រាវនិងស្វែងយល់មន្ទីរពិសោធន៍ក្នុងស្រុក និងអន្តរជាតិ ដើម្បីបង្កើតផែនការសម្រាប់ការវិនិយោគទិញឧបករណ៍ ដោយធានាបាននូវភាពទំនើប សន្សំសំចៃ ប្រសិទ្ធភាព និងស្របជាមួយនឹងធនធានមនុស្សដែលមានគុណភាពខ្ពស់ និងពហុជំនាញដែលមានស្រាប់របស់អង្គភាព៕

បកប្រែដោយ​ Pham Diep