ក្រសួងការពារប្រទេសវៀតណាមបន្តបញ្ជូនកម្មាភិបាល និងយុទ្ធជនជាង ១៦៦០០ នាក់ ដើម្បីជួយប្រជាជនជំនះពុះពារផលវិបាកដោយសារគ្រោះមហន្តរាយធម្មជាតិ

ទាក់ទងនឹងគមនាគមន៍ នៅតែមានទីតាំងចំនួន ៣៩ កន្លែងនៅលើផ្លូវជាតិដែលត្រូវបានស្ទះ ហើយផ្លូវអន្តរខេត្ត និងអន្តរឃុំជាច្រើនត្រូវបានជន់លិច និងបាក់ដី។ ផ្លូវដែកនៅតែមានចំណុចមួយចំនួនដែលរថភ្លើងត្រូវរត់យឺតៗដោយសារតែទឹកជំនន់។ ទាក់ទងនឹងប្រព័ន្ធធារាសាស្រ្ត ប្រឡាយទឹកប្រវែង ៥៨.៣ គីឡូម៉ែត្រត្រូវបានហូរច្រោះ និងខូចខាត; ការបាក់ដីកើតមានឡើងលើច្រាំងទន្លេ និងឆ្នេរសមុទ្រប្រវែង ៣៧ គីឡូម៉ែត្រ។

នាថ្ងៃទី ៤ ខែវិច្ឆិកា ប៉ុស្តិ៍ការពារព្រំដែន Tr'hy បានសហការជាមួយនគរបាលឃុំ Hung Son (ទីក្រុង Da Nang) ដើម្បីបញ្ជូនអ្នកជំងឺទៅកាន់មជ្ឈមណ្ឌលសុខាភិបាលតំបន់ Tay Giang ដើម្បីព្យាបាល

នាថ្ងៃទី ៤ ខែវិច្ឆិកា ក្រសួងការពារប្រទេសបានបញ្ជូនកម្មាភិបាល យុទ្ធជន កងជីវពលចំនួន ១៦,៦២៦ នាក់  ដោយមានយានយន្តចំនួន ៣១៧ គ្រឿង ដើម្បីជួយប្រជាជនជំនះពុះពារផលវិបាកដោយសារគ្រោះមហន្តរាយធម្មជាតិ។ ក្នុងនោះ៖ យោធភូមិភាគទី ៤ បានបញ្ជូនកម្មាភិបាល យុទ្ធជនចំនួន ១៣១៥០ នាក់  ដោយមានយានយន្តចំនួន ១៨៣ គ្រឿង ដើម្បីជួយប្រជាជនជំនះពុះពារផលវិបាកនៅតាមតំបន់នានា៖ ខេត្ត Ha Tinh, ខេត្ត Quang Tri, ទីក្រុង Hue; យោធភូមិភាគទី ៥ បានបញ្ជូនកម្មាភិបាល យុទ្ធជនចំនួន ៣១០២ នាក់ ដោយមានយានយន្តគ្រប់ប្រភេទចំនួន ១០៣ គ្រឿង ដើម្បីជួយជំនះពុះពារផលវិបាកនៅក្នុងទីក្រុង Da Nang ខេត្ត Quang Ngai; លើសពីនេះ មានកងកម្លាំងមកពីប្រភេទកងទ័ពជើងទឹក ប្រភេទទ័ពការពារដែនអាកាស - ទ័ពជើងអាកាស កងទ័ពការពារព្រំដែន។ល៕

បកប្រែដោយ Huyen Trang